వీడేం మనిషిరా బాబు.. అద్దెకు ఇల్లు ఇస్తే గుల్ల చేసేశాడు!

మహా నగరంలో అద్దెకు ఇళ్లు దొరకాలంటే గగనమే. సవాలక్ష రూల్స్, రెగ్యులేషన్స్‌తో పాటు మూడు, నాలుగు నెలల అడ్వాన్స్, సెక్యూరిటీ డిపాజిట్లు చెల్లించాలంటూ అద్దెదారులకు చుక్కలు చూపిస్తారు. ఇల్లు అద్దెకు ఇవ్వబడును అనే బోర్డు చూసి వెళ్లామా.. పెళ్లి అయిన వారికే ఇళ్లు ఇస్తామని, ఫలానా కులం వారికి ఇస్తామంటూ చాతాండంత జాబితాను చెబుతుంటారు. పెళ్లి అయిన వారికే ఇల్లు దొరకడం కష్టమైతే.. ఇక బ్యాచులర్స్‌సంగతి చెప్పనక్కర్లేదు. ముఖ్యంగా అబ్బాయిలకు అద్దెకిచ్చేందుకు వెనకాడుతుంటారు ఇంటి యజమానులు. తాగి గొడవ చేస్తారని, అర్థరాత్రి ఇళ్లకు వస్తుంటారు. స్నేహితులను తీసుకువస్తారన్నకారణంతో అద్దెకు ఇవ్వరు. అయితే చదువుకునే వాళ్ల కన్నా కాస్త ఉద్యోగం చేసే వాళ్లకు అయితే ఓకే చెబుతారు. అలా అద్దెకు ఇచ్చిన యజమానికి చుక్కలు చూపించాడో ఐటీ ఉద్యోగి.

బెంగళూరులో ఓ ఐటీ ఉద్యోగి 4 నెలల అడ్వాన్స్ చెల్లించి ఓ ఇల్లు అద్దెకు తీసుకున్నాడు. అయితే కొన్ని రోజుల నుండి అతడు కనిపించకుండా పోయాడు. ఆ తర్వాత యజమానికి ఫోన్ చేసి, తాను చెల్లించిన సెక్యురిటీ డిపాజిట్ వెనక్కు ఇవ్వాలంటూ అడిగాడు. ఇల్లు ఖాళీ చేస్తే ఇస్తానని ఓనర్ చెప్పగా.. జాప్యం చేశాడు. అనుమానం వచ్చి ఓనర్ ఇంటిని తనిఖీ చేయగా.. అవాక్కవ్వడం అతడి వంతైంది. ఎందుకంటే ఊహించని విధంగా ఇళ్లును గుల్ల చేశాడు సదరు ఐటీ ఉద్యోగి. ఇల్లును ఖాళీ చేస్తానని చెప్పి.. ఇంకా సమాచారం ఇవ్వకపోవడంతో ఇంటి యజమానికి అనుమానం వచ్చింది.

తన వద్ద ఉన్న మరో కీతో ఇంటి తాళాలు తీసి చూడగా.. నోట మాట రాలేదు. పావురాలు ఇంటిని పాడు చేసి ఉండగా.. ఇంట్లో ప్రతి చోట కుప్పలుగా మద్యం సీసాలు పడి ఉన్నాయి. ఇల్లంతా చెత్త చెత్తగా చేసేశాడు. వంటగది నుండి ప్రతి రూమ్‌లో మందు బాటిల్స్ దర్శనమిచ్చాయి. ఈ విషయాన్ని రవి హందా అనే వ్యక్తి ట్విట్టర్‌లో పోస్టు చేశాడు. ‘బ్యాచిలర్స్‌కి అద్దెకు ఇవ్వడానికి యజమానులు అందుకే ఇష్టపడరని.. చదువుకుని.. బెంగళూరులో పెద్ద ఐటీ కంపెనీల్లో పనిచేసేవారు ఇలాగేనా ఇంటిని ఉంచుకునేది’ అని పోస్ట్‌లో రాసుకొచ్చాడు. ‘ఓనర్ డిపాజిట్ తిరిగి ఇవ్వకుండా ఇంటిని శుభ్రం చేయించుకోవాలని’ కొందరు నెటిజన్లు అంటుంటే. ‘హారిబుల్’ అని కొందరు.. ‘అందుకే సరైన రూమ్మేట్‌ని చూసుకోవాలని’ సరదాగా మరికొందరు రిప్లై చేస్తున్నారు.

This is why people don’t like renting to bachelors.

An “educated” bachelor working in a “large MNC” did this in Bangalore.

Got these pics from Reddit. pic.twitter.com/LbYhEk9hx5

— Ravi Handa (@ravihanda) April 26, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.