మద్యం మత్తులో మహిళతో అసభ్యంగా ప్రవర్తించిన టీటీఈ

ఇటీవల ప్రయాణాలు కొంత మంది ప్రయాణీకులకు చేదు అనుభవాలను మిగులుస్తున్నాయి. ముఖ్యంగా రైలు ప్రయాణాల్లో ఇక్కట్లను ఎదుర్కొంటున్నారు. అందులోనూ మహిళలే బాధితులు కావడం గమనార్హం. దీంతో ప్రయాణాలు చేసేందుకు భయపడే పరిస్థితులు ఏర్పడుతున్నాయి. ఇటీవల ఓ రైల్వే స్టేషన్ సమీపంలో మహిళా ప్రయాణీకులను లక్ష్యంగా చేసుకుని దొంగలు దోపిడీకి పాల్పడ్డారు. అంతేకాకుండా నిన్నటి నిన్న ఓ ట్రైన్‌లో నిద్రిస్తున్న మహిళపై ఫుల్‌గా తాగిన టీటీఈ (TTE) మూత్ర విసర్జన చేసిన సంగతి విదితమే. ఈ ఘటన ఇంకా మర్చిపోక ముందే మరో ఘటన చోటుచేసుకుంది. మహిళలపై టీటీఈ అనుచితంగా ప్రవర్తించాడు.

ఈ ఘటన కర్ణాటక రాజధాని బెంగళూరులో చోటుచేసుకుంది. మద్యం మత్తులో ట్రావెల్ టికెట్ ఎగ్జామినర్ (టీటీఈ) మహిళా ప్రయాణికురాలితో అసభ్యంగా ప్రవర్తించాడు. బెంగళూరు కృష్ణరాజపురం రైల్వే స్టేషన్‌లో ఈ ఘటన చోటుచేసుకుంది. మహిళా ప్రయాణికురాలు తెలిపిన వివరాల ప్రకారం.. మద్యం మత్తులో తన వద్దకు వచ్చిన టీటీఈ టికెట్ ఇవ్వమని అడిగాడని, తాను చూపించే లోపు తన పట్ల అసభ్యంగా ప్రవర్తించాడని చెప్పింది. దీనికి సంబంధించిన వీడియో ఇప్పుడు నెట్టింట్లో వైరల్ గా మారింది. ఆ వీడియోలో మద్యం మత్తులో ఉన్న టీటీఈ ఆ స్టేషన్ లో యువతిని టికెట్ అడగ్గా, ఆమె చూపేందుకు తన సెల్ ఫోన్ చూస్తూ ఉంది. ఇంతలో టీటీఈ ఆమె పట్ల అసభ్యంగా ప్రవర్తించడం మొదలు పెట్టాడు.

టికెట్ లేకుండా రైలు ఎక్కిందని ఆరోపిస్తూ మహిళా ప్రయాణికుడిని తాకేందుకు ప్రయత్నించి, దుర్భాషలాడినట్లు కూడా టీటీఈపై ఆరోపణలు వచ్చాయి. ’పోలీసులను పిలవండి. ఇది నా పని‘ అని టీటీఈ వచ్చిరాని హిందీలో చెప్పడం కనిపిస్తోంది. సదరు బాధితురాలు ఈ ఘటనపై ఫిర్యాదు చేసింది. దీంతో రంగంలోకి దిగిన రైల్వే శాఖ అధికారులు..సదరు టీటీఈని సస్పెండ్ చేసినట్లు వార్తలు వస్తున్నాయి. అమృత్‌సర్-కోల్‌కతా అకల్ తఖ్త్ ఎక్స్‌ప్రెస్‌లో మద్యం మత్తులో ఉన్న ట్రావెల్ టికెట్ ఎగ్జామినర్  ఒక మహిళ తలపై మూత్ర విసర్జన చేశాడని  వార్తలు వచ్చిన తర్వాత ఈ సంఘటన జరిగింది. ఈ ఘటన మార్చి 12న జరిగిందని ప్రభుత్వ రైల్వే పోలీసు (జీఆర్‌పీ) అధికారి తెలిపారు.

Drunk TT pulled her at KJM . While the girl was telling she had her ticket, showed ticket to TT but TT didn’t listen anything,pulled her and still misbehave with her.We need explanation for on duty drunk TT.@RailMinIndia@Central_Railway please take strict action against the TT. pic.twitter.com/UUjRcm8X1w

— Karishma behera (@karishma_behera) March 14, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.