follow us:
రైల్వే స్టేషన్లో ప్రమాదవశాత్తు రైలు కింద పడబోయిన ఓ మహిళను ఓ రైల్వే పోలీస్ కానిస్టేబుల్ రక్షించాడు. రైలు దిగే క్రమంలో ప్రమాదవశాత్తు ఆమె రైలు చక్రాల కింద పడబోగా… అప్రమత్తంగా వ్యవహరించిన కానిస్టేబుల్ ఒక్క ఉదుటున ఆమెను ప్లాట్‌ఫాం మీదకు లాగేశాడు. దీంతో ఆ మహిళ పెద్ద ప్రమాదం నుంచి తప్పించుకున్నట్లయ్యింది. ఇందుకు సంబంధించిన దృశ్యాలు సీసీటీవీ కెమెరాలో రికార్డ‌య్యాయి.
ప‌శ్చిమ బెంగాల్‌లోని పురులియా రైల్వే స్టేషన్లో ఎక్స్‌ప్రెస్‌ రైలు క‌దులుతోన్న స‌మ‌యంలో ఓ మహిళ అందులోంచి దిగింది. ఆ వెంట‌నే మ‌రో మహిళ దిగ‌బోతుండ‌గా ప‌ట్టుత‌ప్పి ప్లాట్‌ఫాం, రైలు మ‌ధ్య ప‌డ‌బోయింది. ఆమె రైలు కింద ప‌డిపోనుంద‌న్న స‌మ‌యంలో అక్క‌డి ఆర్పీఎఫ్ స‌బ్ ఇన్స్‌పెక్ట‌ర్ బ‌బ్లు కుమార్ ప‌రుగులు తీసి ఆమెను ప్లాట్‌ఫాం మీదకు లాగాడు. అప్పటికే ఒకరిద్దరు అక్కడికి చేరుకున్నా ఆమెను మాత్రం లాగే ప్రయత్నం చేయలేదు.
స‌బ్ ఇన్స్‌పెక్ట‌ర్ బ‌బ్లు కుమార్ ప‌రుగున వచ్చి ఆ మహిళను లాగి వేయడంతో పెను ప్రమాదం తప్పింది. మహిళను ర‌క్షించిన ఆర్పీఎఫ్ ఇన్స్‌పెక్ట‌ర్‌పై అధికారులు ప్ర‌శంస‌ల జ‌ల్లు కురిపించారు. ఆ మహిళ ప్రాణాల‌ను ఆయ‌న కాపాడిన వీడియోను ఆర్పీఎఫ్ త‌మ అధికారిక ట్విట్ట‌ర్ ఖాతాలో పోస్ట్ చేసింది. ఇటీవల కాలంలో ఇలాంటి ప్రమాదాలు ఎన్నో జరుగుతున్నాయి. క‌దులుతోన్న రైలు నుంచి దిగ‌వ‌ద్ద‌ని అధికారులు ఎంత‌గా ప్ర‌చారం చేస్తున్న‌ప్ప‌టికీ ప్ర‌యాణికులు ఇటువంటి ఘ‌ట‌న‌ల‌కు పాల్ప‌డి ప్రాణాల మీదకు తెచ్చుకుంటున్నారు.
On 29.11.21 SI/Bablu Kumar of RPF Post Purulia saved the life of a lady passenger while she was trying to de-board & almost come in the gap between train & platform in running train no 22857 at Purulia station.@RPF_INDIA @sanjay_chander @zscrrpfser@ADRARAIL pic.twitter.com/qC5eHeDu45
— RPF Adra Division (@rpfserada) November 30, 2021
