వీడియో: ఏనుగు దాడి నుంచి క్షణంలో బయటపడిన బైకర్!

ఇటీవల కాలంలో వన్యప్రాణులు అడవులను వదలి జనావాస ప్రాంతాల్లోకి వస్తున్నాయి. అడవుల సమీపంలో ఉండే గ్రామాల్లోకి, వ్యవసాయ పొలాల్లో వన్య మృగాలు సంచరిస్తూ హల్ చల్ చేస్తున్నాయి. ముఖ్యంగా పులి, చిరుత వంటి మృగాలు గ్రామాల్లోకి వచ్చి జనాలను భయాందోళనకు గురి చేస్తున్నాయి. వీటితో పాటు ఏనుగులు సైతం గ్రామాల్లోకి వచ్చి మనుషులపై దాడి చేస్తున్నాయి. ఇలా ఏనుగుల దాడుల్లో ఎంతో మంది ప్రాణాలు కోల్పోయారు. తాజాగా ఓ బైకర్ కూడ తృటిలో ఏనుగు దాడి నుంచి తప్పించుకున్నాడు. రోడ్డుపై కనిపించిన ఏనుగు నుంచి తప్పించుకునే క్రమంలో బైక్ తో సహా పక్కన పడిపోయాడు. పడిపోయిన సదరు వ్యక్తి పై ఏనుగు దాడి చేసే ప్రయత్నం చేయగా అటుగా వస్తున్న వాహనదారులు రక్షించారు. ప్రస్తుతం ఈ వీడియో సోషల్ మీడియాలో వైరల్ అవుతోంది.

సాధారణంగా అటవీ ప్రాంతాలకు దగ్గరగా ఉన్న గ్రామాల్లో రైతులు సాగు చేస్తున్న పంటపొలాలను ఏనుగులు ధ్వంసం చేస్తున్న ఘటనలు మనం అనేకం చూశాం. అయితే గత కొంతకాలం నుంచి ఏనుగులు పంట పొలాలను మాత్రమే కాదు.. గ్రామాల్లోకి వచ్చి బీభత్సం సృష్టిస్తున్నాయి. ఏనుగులను గ్రామలోకి రాకుండా అరికట్టేందుకు అటవీ అధికారులు ఎన్నో చర్యాలు తీసుకుంటున్నారు. అంతేకాక ఏనుగులను అడవుల్లోకి తరిమి కొట్టేందుకు అధికారులు నాన తంటాలు పడుతున్నారు. అలానే ఏనుగుల దాడిలో చాలా మంది ప్రాణాలు కోల్పోయారు.

ఏనుగుల భయంతో గ్రామాల్లో నివసిస్తున్నవారు ప్రాణాలు గుప్పిట్లో పెట్టుకొని జీవించాల్సిన పరిస్థితి ఏర్పడింది. అలానే కొన్ని ఏనుగులు రహదారి పైకి వచ్చి వాహనదారులపై దాడి చేసి.. భయాందోళనకు గురి చేస్తున్నాయి. తాజాగా తమిళనాడు సరిహద్దులోని కర్నాటక రాష్ట్రంలోని చామరాజనగర్ లో ఓ ద్విచక్రవాహన దారుడు ఏనుగు దాడి నుంచి క్షణకాలంలో తప్పించుకున్నాడు. బైక్ మీద వెళ్తున్న సదరు వ్యక్తిపై ఏనుగు దాడి చేసే ప్రయత్నం చేసింది. దాని నుంచి తప్పించుకునే క్రమంలో అతడు రోడ్డు పక్కన ఓ వైపు బైక్ తో సహా పడిపోయాడు.

వెంటనే లేచి అతడు రోడ్డుకు అవతలి వైపు పరుగు తీశాడు. అదే సమయంలో అటుగా వస్తున్న ఓ కారులోని వ్యక్తులు హారన్ సౌండ్ చేస్తూ ఏనుగును అక్కడి నుంచి తరిమేశారు. అనంతరం ఆయన బైక్ ను రోడ్డుపైకి తీసుకొచ్చి పంపించారు. ఈ సంఘటన తలవాడి తలమలై అటవీ ప్రాంతంలో చోటు చేసుకుంది. ఈ వీడియో ప్రస్తుతం సోషల్ మీడియాలో వైరల్ అవుతోంది. మరి.. ఈ వీడియోపై  మీ అభిప్రాయాలను కామెంట్స్ రూపంలో తెలియజేయండి.