చేతులతో స్వయంగా డ్రైనేజీ క్లీన్‌ చేసిన అధికారి.. హ్యాట్సాఫ్‌ అంటున్న నెటిజనులు!

మనం మాత్రమే కాదు.. మన చుట్టు ఉన్న ప్రాంతాలు కూడా శుభ్రంగా ఉండాలి.. స్వ‌చ్చ భార‌త్ దేశానికి ఆద‌ర్శంగా మారాల్సిన అవ‌స‌రం ఉందని అంటుంటారు ప్రధాని మోదీ. సాధారణంగా ఉన్నతాధికారులు ఏదైనా సమస్య వచ్చినపుడు సిబ్బంది కోసం ఎదురుచూడటం గమనిస్తుంటాం. ప్రజలకు ఏదైనా సమస్యలు వచ్చినపుడు వాటిని పర్యవేక్షించి త్వరలో పరిష్కరిస్తామని చెబుతుంటారు. కానీ, కొంత మంది అధికారులు మాత్రం ఏదైనా సమస్య వస్తే దగ్గర ఉండి మరీ పరిష్కరిస్తుంటారు.. కొన్ని సార్లు వారే రంగంలోకి దిగుతుంటారు. సిబ్బంది కోసం ఎదురు చూడకుండా స్వచ్ఛందంగా ప్రజా సేవ చేసి ప్రజల మనసులను గెలుచుకుంటారు. అచ్చం అలాంటి పనిచేసి.. ఓ అధికారి నెటిజనుల మనసులను గెలుచుకున్నాడు. వివరాల్లోకి వెళితే..

గత కొన్ని రోజులుగా బెంగుళూరులో భారీ వర్షాలు పడుతున్నాయి. దీంతో అక్కడ రహదారులన్నీ వర్షపు నీళ్లతో నిండిపోవడంతో.. పెద్ద ఎత్తున ట్రాఫిక్ కి అంతరాయం ఏర్పడింది. ఇటీవల కురిసిన భారీ వర్షాల కారణంగా అక్కడ డ్రైనేజ్ లో చెత్త కూడుకుపోయింది. దీంతో అక్కడ నీళ్లు రోడ్లపైకి రావడంతో వాహనదారులు ఎంతో ఇబ్బంది పడ్డారు. ఇక జనాలు పడుతున్న అవస్థలు చూసిన ఓ ట్రాఫిక్ ఆఫీసర్ తానే స్వయంగా తన చేతులతో డ్రైనేజీ క్లీన్‌ చేసి ట్రాఫిక్‌కి అంతరాయం లేకుండా చేశాడు.

ఈ విషయం గురించి తెలుసుకున్న ఐపీఎస్‌ దీపాంశు కబ్రా సదరు ట్రాఫిక్‌ ఆఫీసర్‌ జగదీష్‌ రెడ్డిని ఎంతగానో మెచ్చుకున్నారు. సాధారణంగా రోడ్లపై ఏదైనా అంతరాయాలు ఏర్పడితే మనకెందుకు లే అని వెళ్లిపోయేవారు ఉన్నారు. కానీ ఓ ప్రభుత్వ ఉద్యోగం చేస్తున్న జగదీశ్ ప్రజలు పడుతున్న ఇబ్బందులు చూసి ఉద్యోగాన్ని హోదాగా భావించకుండా స్వచ్ఛందంగా సేవ చేసేందుకు ముందుకు వస్తే ఇలాంటి ప్రమాదాలు తలెత్తవని ఐపీఎస్‌ అధికారి అన్నారు.

ఇటీవల ఢిల్లీలో ఆమ్ ఆద్మీ పార్టీ (ఆప్) కార్పొరేటర్ హసీబుల్ హసన్ శాస్త్రి పార్క్ ప్రాంతాన్ని సందర్శించినపుడు.. అక్కడ పొంగిపొర్లుతున్న డ్రైనేజీని చూసి అసహనం వ్యక్తం చేశారు. డ్రైనేజీ నాలాలోకి దిగి పారపట్టి చెత్తను ఎత్తివేశారు. ఒక కార్పోరేటర్ ప్రజల ఇబ్బందులు తెలుసుకొని డ్రైనేజీ క్లీన్ చేయడంపై అక్కడి ప్రజలు సంతోషంతో పాలతో స్నానం చేయించారు.   ఈ విషయం పై మీ అభిప్రాయాలు కామెంట్స్ రూపంలో తెలియజేయండి.

#Bangaluru ट्रैफिक ऑफिसर #JagdishReddy ने अपने हाथ से नाली के मुहाने पर जमा कचरा साफ किया ताकि सड़क में जमा वर्षाज़ल निकले और आमजनों को दिक्कत ना हो.

Commendable work. ये काम उनके Job Role में नहीं आता है, फिर भी ऐसा करना उनकी सेवा भावना व ड्यूटी के प्रति समर्पण दिखलाता है. pic.twitter.com/6Ue0naF3fl

— Dipanshu Kabra (@ipskabra) June 20, 2022