30 ఏళ్ల ప్రియుడితోపెళ్లి ఆపేసి.. 54 ఏళ్ల వ్యక్తితో..! ఇదెక్కడి ట్రెండ్ పాప?

ప్రేమ, పెళ్లి అన్నవి మన చేతుల్లో ఉండవు. దేవుడు వాటికి సంబంధించిన లెక్కల్ని ఎప్పుడో రాసేసి ఉంటాడు. ఆ లెక్కల ప్రకారమే అన్నీ జరుగుతూ ఉంటాయి. ఎవరికి ఎవరితో రాసి పెట్టి ఉంటే.. వారితోనే కలకాలం జీవితం గడుస్తుంది. ఎందుకంటే.. ఒకరితో ప్రేమలో ఉన్నవాళ్లు తర్వాత వేరే వ్యక్తిని పెళ్లి చేసుకోవటం.. పెళ్లి తర్వాత భార్యాభర్తలు విడిపోవటం లాంటివి కూడా జరుగుతూ ఉంటాయి. తాజాగా, ఓ 30 ఏళ్ల యువతి సహోద్యోగి, ప్రియుడితో పెళ్లిని కాదనుకుంది. తర్వాత 54 ఏళ్ల వ్కక్తితో ప్రేమలో పడి అతడినే పెళ్లి చేసుకుంది. ఈ సంఘటన అమెరికాలో చోటుచేసుకుంది.

పూర్తి వివరాల్లోకి వెళితే.. అమెరికా, నార్త్‌కరోలినాలోని మోరెస్‌విల్లేకు చెందిన అమాండా కనాన్‌ అనే 30 ఏళ్ల యువతికి 2017లో తన సహోద్యోగి, ప్రియుడు అయిన వ్యక్తితో పెళ్లి కుదిరింది. పెళ్లికి ఏర్పాట్లు కూడా జరుగుతూ ఉన్నాయి. ఏప్రిల్‌ నెలలో పెళ్లి జరగాల్సి ఉంది. అయితే, పెళ్లికి కొన్ని రోజుల ముందు అమాండా షాక్‌ ఇచ్చింది. తనకు ఆ పెళ్లి ఇష్టం లేదని అంది. దీంతో ప్రియుడితో పాటు అందరూ షాక్‌ అయ్యారు. పెళ్లి ఆగిపోయింది. మరి, ఎందుకు అమాండా పెళ్లి రద్దు చేసుకుంది అని ఆరాతీస్తే ఓ సంచలన విషయం వెలుగులోకి వచ్చింది. స్వయంగా దాని గురించి ఆమె మాట్లాడుతూ.. ‘‘ నా చివరి రిలేషన్‌షిప్‌లో.. నేను నేనుగా లేను. తరచుగా నాకు ఓటమి, ఎండిపోతున్న బాధకలిగేది.

అందుకే నా ప్రియుడితో పెళ్లి ఆపు చేసుకున్నా. తర్వాత 54 ఏళ్ల ఏస్‌ అనే వ్యక్తితో ప్రేమలో పడ్డాను. నాకు అతడికి మధ్య చాలా ఏళ్ల గ్యాప్‌ ఉంది. అన్ని ఏజ్‌ గ్యాప్‌ పెళ్లిళ్లు ప్రమాదకరం కాదు. అందుకే అతడితో ప్రేమలో పడ్డాను. నేనే అతడికి ప్రపోజ్‌ చేశాను. మా ఆత్మలు లేటుగా కలుసుకుని ఉండొచ్చు. కానీ, అతడ్ని చూడగానే ప్రేమ పుట్టింది. బార్‌ దగ్గర అతడ్ని కలుసుకున్నాను. తర్వాత ఇద్దరం ప్రేమలో పడ్డాము. 2021 జనవరిలో మా పెళ్లి జరిగింది’’ అని చెప్పుకొచ్చింది. ప్రస్తుతం అమాండా గర్భవతిగా ఉంది. 2023 జూన్‌ నెలలో ఆమె కాన్పు అయ్యే అవకాశం ఉంది. మరి, ఈ ఘటనపై మీ అభిప్రాయాలను కామెంట్ల రూపంలో తెలియజేయండి.