follow us:
అమ్మ.. మనం పుట్టే ముందే కాదు, పుట్టిన తరువాత కూడా కడుపులో పెట్టుకుని చాకే ఓ దైవం. అలాంటి అమ్మ ప్రేమని పొందడం కన్నా ఈ సృష్టిలో అదృష్టమైన విషయం ఇంకోటి లేదు. కానీ.., తోడు లేని అనాధల పరిస్థితి ఏమిటి? ఇంతకన్నా దారుణం ఏమిటో తెలుసా? అమ్మ ఉన్నా కూడా, ఆ తల్లి ప్రేమని పొందగలేకపోవడం! అవును.. నల్గొండ జిల్లాకి చెందిన 16 ఏళ్ళ వయసున్న వెంకట్ దాస్ దీన స్థితి ఇదే.
వెంకట్ దాస్ ది నల్గొండ జిల్లా ఇబ్రహీం పట్నం తాలూకా. తల్లి, తండ్రి మధ్య అతని బాల్యం సజావుగానే సాగిపోయింది. కానీ.., కొన్నాళ్ల తరువాత వెంకట్ దాస్ తండ్రి గుండె పోటుతో మరణించాడు. అప్పటికి అతని తల్లి వయసు చాలా తక్కువ. ఈ స్థితిలో వెంకట్ దాస్ తాత గారు తన కూతురికి మరో పెళ్లి జరిపించారు. వెంకట్ దాస్ ని మాత్రం తన దగ్గరే ఉంచుకున్నాడు. ఇక్కడ కొన్నాళ్ళు వెంకట్ దాస్ జీవితం బాగానే నడించింది. కానీ.., 5 ఏళ్ళ కృతం వెంకట్ దాస్ తాతయ్య పక్షవాతానికి గురయ్యారు. తనని తాను చూసుకోవడమే కష్టంగా మారింది. ఈ స్థితిలో మనవడు వెంకట్ దాస్ ని హైదరాబాద్ లో వనస్థలిపురంలో ఉన్న సుధీర్ ఫౌండేషన్ లో జాయిన్ చేశారు.
మొదట్లో వెంకట్ దాస్ తన తల్లి వద్దకి వెళ్లిపోవాలని చాలా ప్రయత్నించాడు. కానీ.., కొత్తగా వచ్చిన తండ్రి అతన్ని దగ్గరికి రానివ్వలేదు. కనీసం అనాధ ఆశ్రమానికి వచ్చి తన బిడ్డని చూసుకోవడానికి కూడా ఆ తల్లికి పర్మిషన్ ఇవ్వలేదు. ఈ క్రమంలో ఆ దంపతులకు ఇద్దరు పిల్లలు పుట్టారు. ఇక వారి జీవితంలో వారు బిజీ అయిపోయారు. సంవత్సరానికి ఒక్కసారి మాత్రం ఆ తల్లి వెంకట్ దాస్ దగ్గరికి వస్తుంది. అది కూడా రెండో భర్తకి తెలియకుండా! వెంకట్ దాస్ ప్రతి ఏడాది తన పుట్టినరోజు నాడు మాత్రమే తల్లిని కలుసుకుంటాడు. ఆ ఒక్కరోజు కోసం సంవత్సరం అంతా ఎదురు చూస్తాడు. మరీ.., బాధ ఎక్కువైతే తల్లిని తలుచుకుని తనలో తానే కుమిలిపోతాడు.
సమాజంలో జరుగుతున్న వార్తలను మాత్రమే కాదు.., ఎందరో భాగ్యుల కన్నీటి గాధలను కూడా కంటికి కట్టినట్టు చూపించడం సుమన్ టీవీ ప్రత్యేకత. ఈ నేపథ్యంలోనే సుమన్ టీవీ సీనియర్ యాంకర్ నిరుపమ హైదరాబాద్ లో వనస్థలిపురంలో ఉన్న సుధీర్ ఫౌండేషన్ ని కవరేజ్ చేయడానికి వెళ్లారు. అక్కడే వెంకట్ దాస్ నిరుపమ గారికి పరిచయం అయ్యాడు. చుట్టూ అనాధల మధ్య, తాను ఓ అనాధగా పెరుగుతున్న వెంకట్ దాస్ ని చూసి సుమన్ టీవీ యాంకర్ గుండె కూడా కరిగిపోయింది. అప్పుడే అతన్ని మాట్లాడించగా.. వెంకట్ దాస్ తాను.. తల్లి ప్రేమకి దూరంగా బతుకుతున్న విధానాన్ని చెప్పుకొచ్చాడు.
ఇక ప్రస్తుతం వెంకట్ దాస్ కి పరిరక్షకుడిగా ఉంటున్న సుధీర్ కూడా వెంకట్ దాస్ గురించి కొన్ని విషయాలను చెప్పుకొచ్చాడు. “వెంకట్ దాస్ నాకు ప్రియ శిష్యుడు. చదువులో మంచి టాపర్. కానీ.., ఎవ్వరితో పెద్దగా మాట్లాడడు. క్లాస్ లో టీచర్ కన్నా ముందే లెక్క చేసేస్తాడు. కానీ.., టీచర్ వచ్చి అడిగితే తప్ప ఆ విషయాన్ని కూడా బయటకి చెప్పుకోడు. అతనికి వాళ్ళ అమ్మ అంటే ప్రాణం. కానీ.., వాడిది ఆమె దగ్గరికి వెళ్లలేని పరిస్థితి అంటూ.., సుధీర్ కూడా కన్నీరు పెట్టుకోవడం విశేషం.
అయితే.., ఇంత కష్టం మాటున కూడా వెంకట్ దాస్ జీవితంలో పట్ల ధైర్యాన్ని కోల్పోలేదు. ఐ.ఏ.ఎస్ కావడమే నా జీవిత లక్ష్యం అంటూ.., అతను సుమన్ టీవీకి దైర్యంగా చెప్పుకొచ్చాడు. అమ్మ ప్రేమకి దూరమైన వెంకట్ దాస్ మాటలు ఇప్పుడు సోషల్ మీడియాలో వైరల్ అవుతున్నాయి. మరి.., చిన్న వయసులో ఇంత నరకాన్ని అనుభవిస్తున్న వెంకట్ దాస్.. పెద్దయ్యాక తన లక్ష్యాన్ని అందుకుంటాడా? ఐ.ఏ.ఎస్ అయ్యి, తన అమ్మ ప్రేమని తిరిగి పొందతాడా? ఈ విషయంలో మీ అభిప్రాయాలను కామెంట్స్ రూపంలో తెలియచేయండి.
