నాలుగు రోజుల్లో పెళ్ళి.. ఇంతలోనే ఇలా.. అసలు హీరో నాగశౌర్యకి ఏమైంది?

టాలీవుడ్ యంగ్ హీరో నాగశౌర్య అనారోగ్యంతో హాస్పిటల్ లో జాయిన్ అయినట్టు వార్తలు వస్తున్నాయి. ఇంకా హాస్పిటల్ లోనే చికిత్స పొందుతున్నట్లు తెలుస్తోంది. సరిగా తినకుండా, నిద్రపోకుండా షూటింగ్ లో పాల్గొనడం వల్ల నీరసం వచ్చిందని వైద్యులు చెప్పినట్లు తెలుస్తోంది. దీనికి తోడు డైట్ లో భాగంగా ఫిల్మ్ మేకర్స్ శరీరాన్ని డీహైడ్రేటెడ్ గా ఉంచుకోవాలని నాగశౌర్యకు సూచించినట్లు తెలుస్తోంది. యాక్షన్ సీక్వెన్స్ లో యాబ్స్ కనిపించడం కోసం నీరు తాగకూడదని చెప్పినందుకు.. 3 రోజులుగా నీరు తాగకుండా ఉన్నారు. విపరీతమైన డీహైడ్రేషన్ కి గురై జ్వరం, మూర్ఛ వచ్చి హాస్పిటల్ లో జాయిన్ అయినట్లు సమాచారం. నాలుగు రోజుల్లో నాగశౌర్య పెళ్లి ఉంది. శౌర్యని డాక్టర్లు ఇంకా డిశ్చార్జ్ చేయలేదని కుటుంబ సభ్యులు, బంధువులు కంగారు పడుతున్నారట.

నాలుగు రోజుల్లో పెళ్లి ఉంది, ఈ సమయంలో ఇలా జరిగిందేంటి అని అప్ సెట్ అయినట్లు తెలుస్తోంది. రెండు రోజుల్లో నాగశౌర్యను డిశ్చార్జ్ చేసే అవకాశం ఉన్నట్లు తెలుస్తోంది. అయితే కొన్ని రోజుల పాటు బెడ్ రెస్ట్ తీసుకోవాలని వైద్యులు సూచించే అవకాశం ఉందని బంధువులు భావిస్తున్నట్టు తెలుస్తోంది. ఇక నాగశౌర్య బెంగళూరుకు చెందిన ప్రముఖ బిజినెస్ మేన్ కుమార్తె, ఇంటీరియర్ డిజైనర్ గా ప్రఖ్యాతి గాంచిన అనూష శెట్టితో వివాహం కుదిరింది. ఈ క్రమంలోనే నాగశౌర్యకి ఇలా అవ్వడం పట్ల అభిమానులు అప్ సెట్ అవుతున్నారు. త్వరగా నాగశౌర్య కోలుకుని పెళ్లి పీటలు ఎక్కాలని కోరుకుంటున్నారు. కాగా నాగశౌర్య ప్రస్తుతం ఫలానా అబ్బాయి ఫలానా అమ్మాయి, నారి నారి నడుమ మురారి, పోలీస్ వారి హెచ్చరిక సినిమాల్లో నటిస్తున్నారు.   

#NagaShaurya fainted at the shooting spot. He got dehydrated as he is on a no-water diet for the last 3 days to show his abs for an action sequence.

He is admitted to a hospital in Gachibowli and is on drips. He will be Discharged Tomorrow. pic.twitter.com/bRXqUK0r7G

— BuzZ Basket (@theBuzZBasket) November 14, 2022