follow us:
యాంకర్ సుమ ముందే అఖిల్-అరియానా గొడవపడ్డారు. మధ్యలోకి వచ్చిన తేజస్విని.. అఖిల్ ను అనరాని మాట అనేసింది. ప్రస్తుతం ఈ విషయం కాస్త సోషల్ మీడియాలో హాట్ టాపిక్ గా మారింది.
బిగ్ బాస్ ఫేమ్ అఖిల్-అరియానా గొడవపడ్డారు. స్టేజీపైనే అందరూ చూస్తుండగానే మాటామాట అనుకున్నారు. దీంతో అక్కడున్న వాళ్లందరూ ఒక్కసారిగా అవాక్కయ్యారు. అసలేం జరుగుతుందో అర్థంకాక తికమకపడ్డారు. ఒకప్పుడు షోలు అంటే ఎంటర్ టైన్ మెంట్ మాత్రమే అనేలా ఉండేది. ఇప్పుడు అది పూర్తిగా మారిపోయింది. షోలో అసలు విషయం పక్కనబెట్టేసి కాంట్రవర్సీలు మాత్రమే ప్రధానంగా తీర్చిదిద్దుతున్నారు. ఇప్పుడు అఖిల్-అరియానాతో పాటు నటి తేజస్విని కూడా గొడవపడటం హాట్ టాపిక్ గా మారింది. ఇంతకీ వీళ్లు ఎందుకు తగువులాడుకున్నారో తెలుసా?
ఇక వివరాల్లోకి వెళ్తే.. శనివారం రాత్రి అనగానే చాలామంది సుమ యాంకరింగ్ చేసే ‘జీన్స్’, ‘క్యాష్’ షోలే గుర్తొస్తాయి. కొన్నేళ్ల నుంచి ఈ ప్రోగ్రామ్స్ ని హోస్ట్ చేస్తూ వచ్చిన సుమ.. వాటికి ఎండ్ కార్డ్ వేసి తాజాగా ‘సుమ అడ్డా’ని ప్రారంభించింది. దాదాపు ‘క్యాష్’ షోనే తలపిస్తున్న దీనికి తాజాగా బిగ్ బాస్ ఫేమ్ అఖిల్, అరియానా, తేజస్విని, రోల్ రైడా గెస్టులుగా వచ్చారు. వీరితో తనదైన స్టైల్ లో గేమ్స్ ఆడిస్తూ సుమ ఎంటర్ టైన్ మెంట్ అందించింది. పదాలు నత్తిగా పలికే టాస్క్ అయితే చూస్తున్న ప్రతి ఒక్కరికీ నవ్వు తెప్పించింది. ఆ తర్వాత ఓ స్కిట్ లో భాగంగా అందరినీ ఇన్వాల్వ్ చేసింది. అక్కడే అసలు గొడవ స్టార్టయింది.
ఈ స్కిట్ లో భాగంగా సుమకు కొన్ని బిజినెస్ లు ఉన్నాయి. వాటిని ప్రమోట్ చేసేందుకు గెస్ట్ గా అరియానాని పిలుస్తారు. దీంతో స్టయిల్ గా వాక్ చేస్తూ ఆమె వస్తుంది. యాంకర్ సుమ.. అరియానాతో మాట్లాడుతుండగా మధ్యలో జోక్యం చేసుకున్న అఖిల్.. ‘ఏంటి రెండు లక్షలు ఇచ్చి ఈమెనా తీసుకొచ్చింది నువ్వు’ అని ముఖం మీదే అనేశాడు. దీంతో ఫైర్ అయిపోయిన అరియానా.. ‘చెంప పగులుద్ది. నీ బడ్జెట్ కు నేను ఎక్కువ’ అని రెచ్చిపోయింది. షాక్ లోకి వెళ్లిపోయిన అఖిల్.. నీకు చెప్పిన టైమేంటి? నువ్వు ఎప్పుడొచ్చావ్ అని అరియానాను ప్రశ్నించాడు. మరోవైపు మధ్యలో దూరిన తేజస్విని, అఖిల్ గురించి మాట్లాడుతూ.. ‘ఇప్పుడిప్పుడే వచ్చిన బచ్చగాడివి నువ్వు, ఏం మాట్లాడుతున్నావ్’ అని సీరియస్ అయిపోయింది. ఈ ముగ్గురినీ యాంకర్ సుమ సముదాయించే ప్రయత్నం చేసిన ఎవరూ తగ్గలేదు. ఈ షో నేను చేయనంటూ అఖిల్ స్టేజీ దిగి వెళ్లిపోయాడు. ఇలా ప్రోమోని ఎండ్ చేశారు. అయితే ఇది టీఆర్పీ స్టంట్ అని నెటిజన్స్ తేల్చిపారేస్తున్నారు. మరి సుమ ముందే అరియానా-అఖిల్ గొడవపడటంపై మీరేం అంటారు. కింద కామెంట్ చేయండి.
