బ్రేకింగ్: స్టార్ హీరో మూవీ సెట్​లో ప్రమాదం.. వీడియో వైరల్!

కోలీవుడ్ స్టార్ హీరో విశాల్ అంటే తెలియని వారుండరు. తమిళంలో అంత కాకపోయినా తెలుగులో కూడా ఆయనకు మంచి ఫ్యాన్ ఫాలోయింగ్ ఉంది. విశాల్ నుంచి సినిమా వస్తోందంటే చాలు.. మినిమం ఎంటర్​టైన్​మెంట్ గ్యారెంటీ, మంచి మెసెజ్ ఉంటుందని ప్రేక్షకులు ఫిక్స్ అయిపోతారు. ‘పందెం కోడి’, ‘భయ్యా’, ‘పొగరు’, ‘ఇంద్రుడు’, ‘అభిమన్యుడు’, ‘డిటెక్టివ్’ లాంటి సినిమాలతో తెలుగు నాట మార్కెట్​ను ఏర్పర్చుకున్నాడు. అలాంటి విశాల్ తాజాగా ‘లాఠీ’ చిత్రంతో ఆడియెన్స్ ముందుకు వచ్చాడు. కానీ ఆ మూవీకి పెద్దగా అలరించలేకపోయింది. విశాల్ ప్రస్తుతం ‘మార్క్ ఆంటోనీ’ అనే చిత్రంలో నటిస్తున్నాడు. రా అండ్​ రస్టిక్​గా తెరకెక్కుతున్న ఈ మూవీ షూటింగ్ శరవేగంగా జరుపుకుంటోంది.

‘మార్క్ ఆంటోనీ’ చిత్రీకరణ తుదిదశకు చేరుకుంది. కాగా, ఈ మూవీ షూటింగ్​లో అనుకోని ప్రమాదం జరిగింది. గోడను ఢీ కొట్టుకుని ఒక జీపు లోపలికి రావాల్సింది.. అయితే ఢీ కొట్టిన తర్వాత వాహనం అదుపుతప్పడంతో ఎదురుగా ఉన్న ఆర్టిస్టుల మీదకు దూసుకొచ్చింది. అయితే ప్రమాదాన్ని ముందే గుర్తించిన ఆర్టిస్టులు అక్కడి నుంచి తప్పించుకున్నారు. ఈ ఘటనలో నటులకు గాయాలు కాలేదు. మిగతావారికీ ఏమీ కాకపోవడంతో మూవీ టీమ్​ ఊపిరి పీల్చుకుంది. ఈ ఘటనకు సంబంధించిన వీడియోను సెట్​లోని ఓ వ్యక్తి సోషల్ మీడియాలో షేర్ చేశాడు. దీంతో ఇది వైరల్ అవుతోంది. కాగా, ‘మార్క్ ఆంటోనీ’లో తెలుగమ్మాయి రీతూ వర్మ హీరోయిన్​గా నటిస్తున్నారు. సునీల్ కూడా ఇందులో ఓ కీలక పాత్రలో యాక్ట్ చేస్తున్నారు.

Shocking footage from #MarkAntony shooting spot 😳😱

Due to a techincal issue, a huge accident was supposed to happen. Luckily, no one was injured during this mishap!

Something huge is coming our way ✌️
pic.twitter.com/2Pg6mqj6dm

— Harish N S (@Harish_NS149) February 22, 2023