Pan India Popular Stars: పాన్ ఇండియా స్టార్స్ లిస్ట్ లో అదరగొట్టిన సౌత్ హీరోలు! అడ్రెస్ లేని హిందీ హీరోలు!

సినీ ఇండస్ట్రీకి సంబంధించి ప్రతినెలా పాపులర్ హీరోలు, హీరోయిన్ల జాబితాను రిలీజ్ చేస్తుంటాయి కొన్ని పాపులర్ మీడియా సర్వేలు. తాజాగా ముంబైకి చెందిన ఓర్మాక్స్ మీడియా పాన్ ఇండియా పాపులర్ స్టార్స్ కొత్త జాబితాను విడుదల చేసింది. సాధారణంగా ఓర్మాక్స్ మీడియా ప్రతి నెలా ప్రపంచవ్యాప్తంగా అన్ని ఇండస్ట్రీలకు సంబంధించి సర్వే నిర్వహిస్తుంటుంది. హాలీవుడ్ మొదలుకొని బాలీవుడ్, టాలీవుడ్, కోలీవుడ్ ఇలా అన్ని భాషల్లో స్టార్స్ జాబితా రిలీజ్ చేస్తుంటుంది.

కొత్తగా పాన్ ఇండియా పాపులర్ స్టార్స్ జాబితా విడుదల చేయగా.. ఇందులో తమిళ స్టార్ దళపతి విజయ్(బీస్ట్) ప్రథమ స్థానంలో నిలిచాడు. తెలుగు హీరోలు ఎన్టీఆర్, ప్రభాస్ రెండు, మూడు స్థానాల్లో నిలిచారు. అయితే.. ప్రపంచవ్యాప్తంగా బాక్సాఫీస్ హిట్ గా నిలిచిన RRR మూవీ నుండి ఎన్టీఆర్.. 2వ స్థానంలో నిలిచి సర్ప్రైజ్ చేశాడు. ఈ జాబితాలో పాన్ ఇండియా స్టార్స్ గా ఐదుగురు తెలుగు హీరోలే నిలవడం విశేషం.

ఈ ఆసక్తికరమైన నివేదికలో జూనియర్ ఎన్టీఆర్ తర్వాత వరుసగా తెలుగు హీరోలే స్థానాలను కైవసం చేసుకోగా.. బాలీవుడ్ స్టార్స్ అసలు దరిదాపుల్లో లేకపోవడం గమనార్హం. ప్రతిసారి సౌత్ స్టార్స్ తో పాటు బాలీవుడ్ స్టార్స్ సైతం లిస్ట్ లో పోటీ పడేవారు. కానీ ఈసారి 5వ స్థానంలో అక్షయ్ కుమార్ ఒక్కడే బాలీవుడ్ నుండి లిస్టులో చేరాడు. ఇక తాజా పాన్ ఇండియా పాపులర్ టాప్ 10 స్టార్స్ నివేదిక ఈ విధంగా ఉంది.

1. విజయ్
2. జూనియర్ ఎన్టీఆర్
3. ప్రభాస్
4. అల్లు అర్జున్
5. అక్షయ్ కుమార్
6. అజిత్ కుమార్
7. యశ్
8. రామ్‌చరణ్
9. సూర్య
10. మహేశ్ బాబు

It’s time for a ‘Pan India’ list of most popular male film stars in the country! #OrmaxStarsIndiaLoves #OrmaxSIL
For methodology, read: https://t.co/pqKpTTfQr3 pic.twitter.com/PMbkfTgtlM

— Ormax Media (@OrmaxMedia) May 26, 2022

ఇక ఈ జాబితాలో తెలుగు నుండి ఐదుగురు హీరోలు, కోలీవుడ్ నుండి ముగ్గురు, బాలీవుడ్ నుండి ఒకరు, కన్నడ నుండి ఒకరు ఉన్నారు. అయితే.. 10లో 9 మంది సౌత్ హీరోలే ఉండటం ఆశ్చర్యం కలిగిస్తోంది. సౌత్ హీరోల ధాటికి బాలీవుడ్ హీరోలు అడ్రెస్ లేకుండా పోయారని కామెంట్స్ వినిపిస్తున్నాయి. అందులోనూ తెలుగు నుండి ఎన్టీఆర్ ని బీట్ చేయడంలో బాలీవుడ్ స్టార్స్ విఫలమవడం హాట్ టాపిక్ గా మారింది. ఇక కేవలం తెలుగు వరకే చూసినట్లయితే.. జూనియర్ ఎన్టీఆర్ మొదటి స్థానంలో నిలిచాడు. ఆ తర్వాతి స్థానాలలో వరుసగా ప్రభాస్, అల్లు అర్జున్, రామ్ చరణ్, మహేష్ బాబు, పవన్ కళ్యాణ్, నాని, విజయ్ దేవరకొండ, చిరంజీవి, రవితేజ నిలిచారు. మరి ఈ లేటెస్ట్ పాన్ ఇండియా పాపులర్ స్టార్స్ లిస్ట్ పై మీ అభిప్రాయాలను కామెంట్స్ లో తెలియజేయండి.

Ormax Stars India Loves: Most popular male Telugu film stars (Apr 2022) #OrmaxSIL pic.twitter.com/wxyhPygor6

— Ormax Media (@OrmaxMedia) May 15, 2022