follow us:
‘గాలి వాటం లాగా సాగే అలవాటే లేక’అంటూ ఒక్క పాటతోనే అందరినీ మెస్మరైజ్ చేసిన యంగ్ టాలెండెట్ సింగర్ కొండేపూడి యశస్వి. ఇప్పుడు అనుకోని వివాదంలో చిక్కుకున్నారు. ఫేమ్ కోసం ఓ ఎన్జీవోకి సాయం చేసినట్లు చెప్పుకుని మోసం చేశాడని ఆరోపణలు రాగా, వివరణనిచ్చారు. కాగా, ఆయనకు తోటి సింగర్లు మద్దతుగా నిలుస్తున్నారు.
సినీ పరిశ్రమలో ఎంత త్వరగా ఫేమ్ వస్తుందో.. చిన్న ఇష్యూతో ఆ పేరంతా పోతుంది. సినీ ప్రముఖులపై బురద జల్లితే.. వారికుండే బిజీ షెడ్యూళ్ల వల్ల త్వరగా స్పందించరు. దీంతో చూసే జనాలు సైతం ఆరోపణలను నిజమేని నమ్మేస్తుంటారు. అలా వాస్తవాలు మరుగున పడిన సందర్భాలు అనేకం. కొన్ని సార్లు ఈ ఆరోపణల కారణంగా ఆఫర్లూ పోతుంటాయి. ఆ తర్వాత ఎప్పటికో ఏదో ఒక కార్యక్రమంలో వీటికి సంబంధించిన ప్రశ్నలు ఎదురైతే.. అప్పుడు అసలు నిజాలు వెలుగులోకి వస్తున్నాయి. అప్పటికీ జరగాల్సిందీ జరిగిపోతుంటోంది. ఇటువంటి ఆరోపణలతోనే ఇటీవల వార్తల్లో నిలుస్తున్నారు సింగర్ కొండేపూడి యశస్వి.
‘గాలి వాటం లాగా సాగే అలవాటే లేక’అంటూ ఒక్క పాటతోనే అందరినీ మెస్మరైజ్ చేసిన యంగ్ టాలెండెట్ సింగర్ కొండేపూడి యశస్వి. జీ తెలుగు నిర్వహిస్తున్న సరిగమప నెక్ట్స్ సింగింగ్ ఐకాన్ టైటిల్ గెలిచి అందరి హృదయాల్లో మంచి స్థానం సంపాదించుకున్నారు. ఇప్పుడు తాజా ప్రారంభమైన సరిగమప చాంపియన్ షిప్ లో ఓ కంటెస్టెంట్ గా ఉన్నారు. అయితే ఇటీవల యశస్వి వివాదంలో చిక్కుకున్నారు. ఎన్జీవో సంస్థ నవసేన ఫౌండేషన్ ఉంటోన్న పిల్లలతో ఫోటోలు దిగి, వారి బాధ్యతలు తాను చూస్తున్నట్లు పేర్కొన్నారని, ఫేమ్ కోసం యశస్వి ఇలా చేస్తున్నారని, ఇవన్నీ అవాస్తవాలని ఫౌండేషన్ నిర్వాహకురాలు ఫరా కౌసర్ మండిపడ్డారు. దీనిపై యశస్వి కూడా మీడియా పరంగా వివరణనిచ్చారు. తాను సాధ్య పౌండేషన్ చేశానని, వాళ్లు వీరికి సాయం చేశానని తెలిపారు. ఆమె అనవసరంగా రాద్దాంతం చేస్తున్నారని అన్నారు. ఇప్పటి వరకు తనపై ఎలాంటి మరకలు లేవని, ఇది తననెంతో బాధించిందన్నారు.
కాగా, యశస్వికి తోటి సింగర్లు మద్దతునిస్తున్నారు. ఈ వివాదంపై ప్రముఖ సింగర్ శ్రీ కృష్ణ మద్దతు తెలిపారు. ‘ఈ పోస్టు నా తోటి సింగర్ యశస్వి గురించి. కేవలం పబ్లిసిటి స్టంట్ కోసం స్వచ్ఛంద సేవా కార్యక్రమాలు చేస్తున్నాడని యశస్విపై ఆరోపణలు వస్తున్నాయి. యశస్వి దాతృత్వానికి నేను సాక్షిని. అది నిజం. అతను వివిధ ఎన్జీవోలకు సాయం చేస్తున్నాడు. భారీ విరాళాలు ఇచ్చాడు. అతను ఇప్పటికే పేరు మోసిన సింగర్. అలాంటప్పుడు ఫేమ్ కోసం ఇలాంటి పనులు చేయాల్సిన అవసరం లేదు. వాస్తవాన్ని ప్రపంచానికి తెలియజేయాల్సిన బాధ్యత నాపై ఉంది. ఇది నిజంగా వాస్తవం’అంటూ ఇన్ స్టా గ్రామ్ లో పోస్టు చేశారు. ఈ ట్వీట్ ప్రస్తుతం వైరల్ గా మారింది. దీంతో యశస్వికి కొంత మంది మద్దతు తెలుపుతున్నారు. సేవ చేసినా కూడా ఇలా మాటలు పడాల్సి వస్తుందని ఊహించి ఉండరు సింగర్ యశస్వి. ఫరా, యశస్విలో ఎవరీ వాదనలు మీరు కరెక్ట్ అని భావిస్తున్నారో మీ అభిప్రాయాలను కామెంట్ల రూపంలో తెలియజేయండి.
View this post on Instagram
