follow us:
విలక్షణ నటుడు కమల్‌ హాసన్ బిడ్డగా ఇండస్ట్రీలోకి ఎంట్రీ ఇచ్చినా.. తనకంటూ ఓ ప్రత్యేక గుర్తింపు తెచ్చుకుంది హీరోయిన్‌ శ్రుతి హాసన్. నటన, సింగింగ్‌ ఇలా విభిన్న రకాల టాలెంట్స్‌ శ్రుతి హాసన్ సొంతం. చేస్తే వరుస సినిమాలు చేస్తుంది.. లేదంటే కొన్నాళ్ల పాటు ఇండస్ట్రీకి దూరంగా ఉంటుంది. కానీ సోషల్‌ మీడియాలో మాత్రం ఫుల్‌ యాక్టీవ్‌గా ఉంటుంది. ప్రస్తుతం సౌత్‌లో వరుస సినిమాలు చేస్తూ బిజీగా ఉంది శ్రుతి హాసన్. ఈ క్రమంలో తాజాగా ఈ అమ్మడు చేసిన పనికి అభిమానులు తెగ ఆశ్చర్యపోయారు. ప్రస్తుతం ఇందుకు సంబంధించిన వీడియో వైరలవుతోంది. ఆ వివరాలు..
ప్రస్తుతం రీరిలీజ్‌ ట్రెండ్‌ నడుస్తోంది. గతంలో మంచి విజయం సాధించిన చిత్రాలను మరోసారి ప్రేక్షకుల ముందుకు తీసుకువస్తున్న సంగతి తెలిసిందే. తెలుగులో ఇప్పటికే పోకిరి, జల్సా చిత్రాలు ఇలా రీరిలీజ్‌ కాగా.. తమిళ్‌లో కూడా ఇదే ట్రెండ్‌ నడుస్తోంది. ఈ క్రమంలో ధనూష్, శ్రుతి హాసన్ కాంబినేషన్‌లో వచ్చిన త్రీ సినిమాను మరో సారి థియేటర్లలో రిలీజ్ చేశారు. ఈ సినిమాలో ధనూష్, శ్రుతి హాసన్‌ల మధ్య కెమిస్ట్రీ ఓ రేంజ్‌లో వర్కవుట్‌ అయింది. ఇక సినిమాలో ధనూష్ పాడిన వై దిస్‌ కొలవెర్రి సాంగ్‌ ప్రపంచవ్యాప్తంగా ఎంత వైరలయ్యిందో ప్రత్యేకంగా చెప్పాల్సిన పని లేదు.
ఈ క్రమంలో త్రీ సినిమా విడుదలై పదేళ్లు అయిన సందర్భంగా మరోసారి థియేటర్లలో రీ రిలీజ్ చేశారు. పదేళ్ల తర్వాత కూడా ఈ సినిమాను బిగ్‌ స్క్రీన్‌పై చూసేందుకు ప్రేక్షకులు ఎంతో ఆసక్తి చూపించారు. ఈ నేపథ్యంలో ఫ్యాన్స్‌కు సర్ప్రైజ్ ఇచ్చింది శ్రుతి హాసన్. త్రీ సినిమా రన్ అవుతున్న ఓ థియేటర్‌లోకి అనుకోకుండా ఎంట్రీ ఇచ్చి.. సినిమా చూస్తున్న ప్రేక్షకులకు స్వీట్‌ సర్ప్రైజ్ ఇచ్చింది. అంతసేపు తెర మీదర చూస్తున్న నటి.. ఒక్కసారిగా తమ కళ్ల ముందు ప్రత్యక్షం కావడంతో.. అభిమానులు ఆశ్చర్యపోయారు.
ఆ వెంటనే ఒక్కసారిగా ఈలలు, కేకలతో హోరెత్తించారు. అనంతరం శ్రుతి వారితో మాట్లాడటమే కాక.. సినిమాలోని రొమాంటిక్‌ సాంగ్‌ కన్నులదా పాట పాడి సందడి చేశారు. ఈ సినిమాను ఆదరించినందుకు ఆడియన్స్‌కు ధన్యవాదాలు తెలిపారు. ఇందుకు సంబంధించిన వీడియోని శ్రుతి హాసన్ తన ఇన్‌స్టాగ్రామ్‌లో షేర్‌ చేయగా.. ప్రస్తుతం ఇది తెగ వైరలవుతోంది. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
Janani Aka @shrutzhaasan gets nostalgic about #3Movie as she surprises the audience watching special show @ AMB Cinemas 😍💥❤🔥#ShrutiHaasan #3MovieSpecialShows #ThreeMovie #Moonu pic.twitter.com/8iukIrfZtF
— SumanTV (@SumanTvOfficial) September 9, 2022
ఇది కూడా చదవండి: రిలేషన్ షిప్ పై క్లారిటీ ఇచ్చిన శృతిహాసన్.. మరి పెళ్లి?
ఇది కూడా చదవండి: ఆరోగ్య సమస్యలతో బాధపడుతున్న శ్రుతీహాసన్! వీడియో వైరల్!
