follow us:
Shruti Haasan: స్టార్ హీరోయిన్ శృతిహాసన్ గురించి సినీ ప్రేక్షకులకు ప్రత్యేక పరిచయం అక్కర్లేదు. తెలుగులో స్టార్ హీరోల సరసన సినిమాలు చేసి మంచి సూపర్ హిట్స్ ఖాతాలో వేసుకుంది. అయితే.. 2017లో వచ్చిన కాటమరాయుడు మూవీ తర్వాత శృతి.. దాదాపు నాలుగేళ్లు సినీ ఇండస్ట్రీకి దూరంగా ఉంది. 2021లో క్రాక్ మూవీతో రీఎంట్రీ ఇచ్చి బ్లాక్ బస్టర్ ని ఖాతాలో వేసుకుని.. ఆ తర్వాత ‘వకీల్ సాబ్’తో మళ్లీ ఫామ్ లోకి వచ్చింది.
ఈ క్రమంలో ప్రస్తుతం వరుస సినిమాలతో కెరీర్ లో బిజీ అయ్యింది శృతి. అయితే.. రీఎంట్రీకి ముందు నాలుగేళ్లపాటు సినిమాలు చేయకపోవడానికి కారణం లేకపోలేదు. ఆ నాలుగేళ్లలో ఒక ఫారెనర్ తో ప్రేమ, పెళ్లి అనుకుంటున్న మూమెంట్ లో బ్రేకప్ జరగడంతో డిప్రెషన్ కి గురై గ్యాప్ తీసుకుంది. అన్ని క్లియర్ అనుకున్నాక మళ్లీ సినిమాల్లో రీఎంట్రీ ఇచ్చినట్లు తెలుస్తుంది. అయితే.. శృతి గతేడాది నుండి కొత్త వ్యక్తితో కనిపిస్తోంది.
ఆ వ్యక్తి ఎవరో కాదు.. డూడుల్‌ ఆర్టిస్ట్‌ శంతను. శృతి అతనితోనే రిలేషన్ షిప్ లో ఉందని, ఇద్దరి మధ్య ఎఫైర్ నడుస్తుందని వార్తలొచ్చాయి. ఇప్పటివరకూ శృతి స్పందించకపోవడంతో అంతా ఫ్రెండ్స్ అనుకున్నారు. కానీ.. తాజాగా ఓ ఆంగ్ల పత్రికకు ఇచ్చిన ఇంటర్వ్యూలో శంతను గురించి ఓపెన్ అయ్యింది శృతి. ప్రస్తుతం తన బాయ్ ఫ్రెండ్ గురించి శృతి చెప్పిన మాటలు సోషల్ మీడియాలో, ఇండస్ట్రీ వర్గాలలో వైరల్ అవుతున్నాయి.
‘గతంలో నా రిలేషన్ షిప్స్ గురించి ఎప్పుడూ బహిరంగంగా మాట్లాడలేదు. ఎందుకంటే.. నాతో రిలేషన్ లో ఉ‍న్నవారు బయటకు చెప్పుకోవడానికి ఇష్టపడలేదు. కానీ.. ప్రస్తుతం రిలేషన్‌షిప్‌ గురించి దాచాల్సిన అవసరం నాకు లేదు. నేనొక అద్భుతమైన వ్యక్తి (శంతను)తో రిలేషన్‌లో ఉన్నాను. నా జీవితంలో ఒక ముఖ్యమైన భాగం (శంతను)తో గడపాలని అనుకుంటున్నాను. తనతో ఉంటున్నందుకు నాకు గర్వంగా ఉంది.
ఇక మేం ఎక్కడికి వెళ్లినా ఫొటోలు తీస్తుంటారు. కాబట్టి.. మేం దాచాలన్న దాగదు. అయినా ఇప్పుడు తనతో నా రిలేషన్ షిప్ గురించి దాచే అవసరం లేదు. నా లైఫ్‌ లో ఆ రిలేషన్ షిప్ అనేది పెద్ద భాగం. కష్టపడి పని చేసి, ఇంటికి వెళ్ళాక.. నా పార్ట్‌నర్‌ తో ఉంటాను. అందుకే ఏమి దాచాలని అనుకోవట్లేదు. మా ఇద్దరి ఈక్వేషన్‌ నాకు చాలా ఇష్టం’ అని చెప్పుకొచ్చింది శృతి. ఈ క్రమంలో ఈ రిలేషన్ షిప్ అయినా పెళ్లి వరకు వెళ్తుందా లేదా అనే అభిప్రాయాలు వ్యక్తం చేస్తున్నారు నెటిజన్స్. మరి ప్రస్తుతం సలార్ లో నటిస్తున్న ఈ బ్యూటీ.. రిలేషన్ షిప్ పై మీ అభిప్రాయాలను కామెంట్స్ లో తెలియజేయండి.
View this post on Instagram
