follow us:
ఈ మధ్యకాలంలో సినీ నటులు హోమ్ టూర్ అంటూ తమ లగ్జరీ ఇళ్లను చూపిస్తూ వీడియోలు రిలీజ్ చేస్తున్న సంగతి తెలిసిందే. సినీ తారలతో పాటు సీరియల్ నటులు సైతం హోమ్ టూర్ వీడియోలు చేస్తున్నారు. తాజాగా ప్రముఖ సీరియల్ నటి అష్మిత కర్ణని.. తన భర్తతో కలిసి హోమ్ టూర్ వీడియో రిలీజ్ చేసింది. తెలుగు ప్రేక్షకులకు అష్మిత గురించి ప్రత్యేక పరిచయం అక్కర్లేదు. తెలుగులో దాదాపు 15 పైగా సీరియల్స్ తో పాటు.. అడపాదడపా సినిమాలు కూడా చేసింది.
తెలుగులో సీతామాలక్ష్మి, పద్మవ్యూహం, చంద్రముఖి, తూర్పుపడమర, మేఘ సందేశం, మనసు మమత, అగ్నిసాక్షి, మధుమాసం లాంటి సీరియల్స్ ద్వారా మంచి గుర్తింపు దక్కించుకుంది. ఇక 2020లో నటనకు గుడ్ బై చెప్పేసిన అష్మిత.. తన భర్త కొరియోగ్రాఫర్ సుధీర్ తో కలిసి ‘ఇస్మార్ట్ జోడి’ అనే టీవీ షోలో చివరిసారిగా కనిపించింది. కానీ సోషల్ మీడియాలో మాత్రం ఫ్యాన్స్ తో టచ్ లోనే ఉంటోంది.
తాజాగా ఆమె తన హోమ్ టూర్ వీడియో షేర్‌ చేసింది. ఈ వీడియోలో తన ఇంటీరియర్‌ డిజైన్‌ చూపిస్తూ ఇల్లంతా బ్లాక్‌ అండ్‌ వైట్‌ లో కట్టించుకున్నట్లు చెప్పింది. ఉన్న తక్కువ స్థలాన్నే అందంగా తీర్చిదిద్ది లగ్జరీ ఇంటిగా మార్చుకున్నామని.. డైనింగ్‌ టేబుల్‌, కుర్చీలు బయట ఎక్కడా కొనుక్కోలేదని తమ కోసం సెపరేట్‌ గా తయారు చేయించుకున్నామని చెప్పింది. ప్రస్తుతం అష్మిత హోమ్ టూర్ వీడియో నెట్టింట వైరల్ అవుతోంది. మరి అష్మిత హోమ్ టూర్ వీడియోపై మీ అభిప్రాయాలను కామెంట్స్ లో తెలియజేయండి.
