follow us:
పాన్‌ ఇండియా స్టార్ ప్రభాస్ – డైరెక్టర్ ప్రశాంత్ నీల్ కాంబినేషన్ లో తెరకెక్కుతున్న మాసివ్ యాక్షన్ చిత్రం ‘సలార్’. ప్రస్తుతం షూటింగ్ దశలో ఉన్న ఈ సినిమా వచ్చే ఏడాది రిలీజ్ కాబోతుంది. కేజీఎఫ్ సిరీస్ ని నిర్మించిన హోంబలే ఫిలిమ్స్ వారు సలార్ ని భారీ స్థాయిలో నిర్మిస్తున్నారు. ఇక సలార్ పోస్టర్ లో ప్రభాస్ ని చూసినప్పటి నుండి దేశవ్యాప్తంగా ఫ్యాన్స్ లో ఆసక్తి నెలకొంది. చాలా రోజులుగా సలార్ అప్ డేట్ కోసం ప్రభాస్ ఫ్యాన్స్ తో పాటు వరల్డ్ వైడ్ సినీ అభిమానులు ఎదురు చూస్తున్నారు.
ఇక ఇటీవలే ఆగస్టు 15న స్వాతంత్ర్య దినోత్సవం సందర్భంగా సలార్ నుంచి అప్డేట్ ఉందని.. ఫ్యాన్స్ పండగేనని ప్రకటించారు మేకర్స్. ‘సలార్ ది సాగా’ అధికారిక ట్విట్టర్ హ్యాండిల్ ద్వారా ‘సలార్ అప్ డేట్ కోసం సిద్ధంగా ఉండండి’ అంటూ అఫిషియల్ అనౌన్స్ మెంట్ ఇచ్చేసరికి ఫ్యాన్స్ లో ఆసక్తి పీక్స్ లోకి చేరుకుంది. ఇప్పటివరకు `సలార్` నుండి కేవలం ఫస్ట్ లుక్స్ మాత్రమే వచ్చాయి. అదీగాక షూటింగ్ లోకేషన్స్ నుండి కొన్ని పిక్స్ లీక్ కూడా అయ్యాయి. వాటితోనే అభిమానులు సరిపెట్టుకున్నారు.
తాజాగా అప్ డేట్ పై ఆద్యంతం అందరిలోనూ అదేంటో చూడాలని ఎదురు చూపులు కనిపిస్తున్నాయి. మొత్తానికి సలార్ నుండి ఎంతో కాలంగా వెయిట్ చేసిన మాసివ్ అప్ డేట్ వచ్చేసింది. అదేంటంటే.. సలార్ రిలీజ్ డేట్. ఈ సినిమా 2023లో సెప్టెంబర్ 28న రాబోతుందని అధికారిక పోస్టర్ రిలీజ్ చేశారు. ఈ పోస్టర్ లో ప్రభాస్ ఇప్పటివరకు చూసిన దానికంటే అరాచకంగా కనిపిస్తున్నాడు. ఇక సలార్ విషయంలో ఫ్యాన్స్ కి పండగే అని చెప్పాలి.
మాఫియా నేపథ్యంలో సాగే ఈ చిత్రంలో ప్రభాస్ సరసన హీరోయిన్ గా శృతి హాసన్‌ నటిస్తోంది. మలయాళ స్టార్ హీరో పృథ్వీరాజ్‌ విలన్ పాత్రను పోషిస్తున్నట్టు తెలుస్తోంది. కేజీఎఫ్ ఫేమ్ రవి బస్రుర్ సంగీతం అందిస్తున్నాడు. `కేజీఎఫ్` సిరీస్ తో సంచలనాలు క్రియేట్‌ చేసిన ప్రశాంత్ నీల్ దర్శకత్వం వహిస్తుండటంతో ‘సలార్’పై భారీ అంచనాలు నెలకొన్నాయి. మరి సలార్ రిలీజ్ డేట్ పై, ప్రభాస్ లుక్ పై మీ అభిప్రాయాలను కామెంట్స్ లో తెలియజేయండి.
‘𝐑𝐄𝐁𝐄𝐋’𝐋𝐈𝐍𝐆 𝐖𝐎𝐑𝐋𝐃𝐖𝐈𝐃𝐄 𝐎𝐍 𝐒𝐄𝐏 𝟐𝟖, 𝟐𝟎𝟐𝟑.#Salaar #TheEraOfSalaarBegins#Prabhas @VKiragandur @hombalefilms @shrutihaasan @PrithviOfficial @IamJagguBhai @sriyareddy @bhuvangowda84 @RaviBasrur @shivakumarart @anbariv @SalaarTheSaga pic.twitter.com/6ay5M3a1K7
— Prashanth Neel (@prashanth_neel) August 15, 2022
