సలార్ తో పోటీ!.. వివేక్ అగ్నిహోత్రి ట్వీట్ వైరల్!

భారతదేశం గర్వించదగ్గ అతికొద్ది మంది దర్శకుల్లో వివేక్ అగ్నిహోత్రి కూడా ఒకరు. ది కాశ్మీర్ ఫైల్స్ అనే సినిమాతో ఆయన సృష్టించిన సంచలనం అంతా ఇంతా కాదు. ఒక వివాదాస్పదమైన పాయింట్ తో తెరకెక్కిన ది కాశ్మీర్ ఫైల్స్ మూవీ భారతదేశ వ్యాప్తంగా సూపర్ డూపర్ సక్సెస్ ని సాధించింది. కాశ్మీర్ ఫైల్స్ విడుదల రోజునే తెలుగు అగ్రహీరోగానే కాకుండా పాన్ ఇండియా స్టార్ గా వెలుగొందుతున్న హీరో సినిమా కూడా రిలీజ్ అయ్యింది. ఇద్దరి మధ్య జరిగిన బాక్స్ ఆఫీస్ పోటీలో కాశ్మీర్ ఫైల్స్ సినిమా ఘన విజయం సాధించి ఆ హీరో సినిమా డిజాస్టర్ గా నిలిచింది. తాజాగా మళ్ళి ఇద్దరు కలిసి ఒకే రోజున తమ సినిమాలు విడుదల చేస్తుండటంతో దేశ వ్యాప్తంగా ఉన్న సినీ ప్రేమికుల్లో టెన్షన్ మొదలయ్యింది

రెబల్ స్టార్ ప్రభాస్ స్టామినా గురించి కొత్తగా చెప్పుకోవాల్సిన అవసరం లేదు. ప్రభాస్ సినిమా ప్రపంచ బాక్స్ ఆఫీస్ సినిమా కి కలెక్షన్ల వర్షం కురిపిస్తుంది. తాజాగా ప్రభాస్ సలార్ అనే మూవీ తో సెప్టెంబర్ 28 వ తేదీన ప్రేక్షకుల ముందుకు వస్తున్నాడు. అగ్ర దర్శకుడు ప్రశాంత్ నీల్ దర్శకత్వం లో వస్తున్న ఈ మూవీ కోసం ప్రభాస్ ఫాన్స్ తో పాటు సినీ ప్రేక్షకులు కూడా విపరీతమైన ఆసక్తితో ఎదురుచూస్తున్నారు. పైగా సలార్ మూవీ ప్యూర్ పాన్ ఇండియా మూవీ. కెజిఎఫ్ మూవీ తో పాన్ ఇండియా లెవెల్లో హిట్ కొట్టిన ప్రశాంత్ నీల్ ఇప్పుడు ప్రభాస్ తో కూడా కెజిఎఫ్ ని మించి హిట్ కొట్టాలనే పట్టుదలతో ఉన్నాడు. ప్రభాస్ ,ప్రశాంత్ నీల్ కాంబినేషన్ ఎంత పవర్ ఫుల్ కాంబినేషనో కూడా చెప్పక్కర్లేదు.

ఇంక అసలు విషయం లో కి వస్తే.. వివేక్ అగ్నిహోత్రి దర్శకత్వంలో బాలీవుడ్ లో ది వాక్సిన్ వార్ అనే మూవీ విడుదలకి సిద్ధం కాబోతుంది. ఈ మూవీ కథ కూడా తన గత చిత్రం ది కాశ్మీర్ ఫైల్స్ మూవీ కథ లాగానే పూర్తి భిన్నమైన కథ. కోవిడ్ టైం లో దేశం మొత్తం ఎలా అల్లాడిపోయింది. అలాగే ఆ టైం లో జరిగిన ఎన్నో వాస్తవ సంఘటనలని కళ్ళకి కట్టినట్లు తన వ్యాక్సిన్ వార్ మూవీ లో వివేక్ అగ్నిహోత్రి చూపించబోతున్నాడు. అలాగే ఎంతో దైర్యంగా కోవిడ్ కి సంబంధించిన వ్యాక్సిన్ ని తయారు చేసిన శాస్త్రవేత్తల ప్రయత్నాన్ని కూడా వివేక్ తన మూవీ లో చూపించబోతున్నాడు .ది కాశ్మీర్ ఫైల్స్ మూవీ లో ఎంతో డేర్ తో హిందువుల మీద కాశ్మీర్ లో జరిగిన మారణహోమాన్ని చూపించిన వివేక్ అగ్నిహోత్రి ఇప్పుడు కోవిడ్ కి సంబందించిన కధాంశంతో తెరకెక్కతున్న ది వాక్సిన్ వార్ మూవీ లో ఏం చెప్పబోతున్నారో అనే ఆసక్తి ప్రేక్షకుల్లో నెలకొని ఉంది.

ఇప్పుడు ఎవరు ఊహించని విధంగా ది వాక్సిన్ వార్ మూవీ అండ్ సలార్ మూవీ లు బాక్స్ ఆఫీస్ దగ్గర పోటీపడుతున్నాయి. సలార్ మూవీ సెప్టెంబర్ 28 న రిలీజ్ అవుతుందని మేకర్స్ ఇదివరకే ప్రకటించారు. ఇప్పుడు ది వాక్సిన్ వార్ మూవీ కూడా సెప్టెంబర్ 28 న రిలీజ్ అవ్వబోతుంది .నిన్న స్వాతంత్ర దినోత్సవాన్ని పురస్కరించుకొని వివేక్ అగ్నిహోత్రి సోషల్ మీడియా లో ది వాక్సిన్ వార్ మూవీ కి సంబంధించ టీజర్ ని రిలీజ్ చేసి సెప్టెంబర్ 28 న వస్తున్నాం మమ్మల్ని ఆశీర్వదించండి అంటూ వివేక్ అగ్నిహోత్రి ట్వీట్ చెయ్యడంతో ఒక్కసారిగా ఇండియన్ సినిమా బాక్స్ ఆఫీస్ ఉలిక్కిపడింది. గతంలో వివేక్ అగ్నిహోత్రి ది కాశ్మీర్ ఫైల్స్ మూవీ,ప్రభాస్ రాధేశ్యాం మూవీ లు ఒకే రోజు రిలీజ్ అయ్యి ఏ సినిమా విజేతగా నిలిచిందో తెలిసిందే.

DATE ANNOUNCEMENT:

Dear friends, your film #TheVaccineWar #ATrueStory will release worldwide on the auspicious day of 28th September 2023.
Please bless us. pic.twitter.com/qThKxTjPiw

— Vivek Ranjan Agnihotri (@vivekagnihotri) August 15, 2023