follow us:
టెలివిజన్‌.. టీవీ అనే బుల్లిపెట్టే.. మన ఇంట్లోకి వచ్చాక.. అనేక మార్పులు చోటు చేసుకున్నాయి. టీవీ వచ్చిన కొత్తలో.. ఒక పెట్టెలో మనుషులు కనిపించడం ఏంటి.. వారు మాట్లాడటం ఏంటని ఆశ్చర్యపోయారు. ప్రారంభంలో వచ్చిన బాక్ల్‌ అండ్‌ వైట్‌.. డబ్బా టీవీలు కాస్త.. రాను రాను కలర్‌ టీవీలుగా మారాయి. ఇప్పుడు ఎల్‌ఈడీ, ఎల్‌సీడీ అంటూ ఎన్నో మార్పులు చోటు చేసుకున్నాయి. ఇక టీవీలు వచ్చిన కొత్తల్లో న్యూస్, వ్యవసాయం, పాటలు, సామాజిక ప్రయోజిత కార్యక్రమాలు వచ్చాయి. అయితే కాలం మారుతున్న కొద్ది.. టీవీల్లోకి సీరియల్స్‌ ఎంట్రీ ఇచ్చాయి. ఇప్పుడు బుల్లితెర మీద సీరియల్స్‌దే హవా. మధ్యాహ్నం 12 గంటల నుంచి మొదలు పెడితే.. రాత్రి పది గంటల వరకు సీరియల్స్‌ వస్తూనే ఉంటాయి. అయితే అన్ని సీరియల్స్‌ ప్రేక్షకులను అలరిస్తాయా అంటే లేదు. కొన్ని మాత్రమే కనెక్ట్‌ అవుతాయి. అలా ప్రేక్షకుల అభిమానాన్ని సంపాదించున్న సీరియల్స్‌ ఏళ్ల తరబడి సాగుతుంటాయి.
ఇదిగో ఈ కెటగిరీలోకి వస్తుంది కార్తీక దీపం సీరియల్‌. ఏళ్లతరబడి బుల్లితెరను ఏలింది. స్టార్‌ హీరో సినిమాలకు మించిన రేటింగ్‌తో.. ఒకానొక దశలో దేశంలోనే నంబర్‌ వన్‌ సీరియల్‌గా నిలిచింది కార్తీక దీపం. అయితే ఎంత మంచి సీరియల్‌ అయినా సరే.. ఏదో రోజు ముగిసిపోవాల్సిందే. అలానే ఏళ్ల పాటు తెలుగు ప్రేక్షకులను అలరించిన కార్తీక దీపం సీరియల్‌కి రేపటితో(జనవరి 23) శుభం కార్డు పడనుంది. ఇప్పటికే సీరియల్‌ బృందం ఈ విషయాన్ని వెల్లడించింది. ఇక క్లైమాక్స్‌ ఎపిసోడ్‌ ఎలా ఉండబోతుందో అని ప్రేక్షకులు ఆత్రుతగా ఎదురు చూస్తున్నారు.
కార్తీక దీపం అయిపోతుందని తెలిసిన దగ్గర నుంచి.. ఇన్నాళ్లు తమని అలరించిన వంటలక్క, డాక్టర్‌బాబు, మోనిత, సౌందర్యలు ఇక టీవీల్లో కనిపించరని చాలా మంది ప్రేక్షకులు బాధపడుతున్నారు. ఆ రేంజ్‌లో వీరు ప్రేక్షకులని అలరించారు. ఇక కొందరైతే.. ఈ సీరియల్‌ పార్ట్‌-2 రావాలని కోరుకుంటున్నారు. ఇక అభిమానుల ఆశలకు తగ్గట్టుగానే.. కార్తీక దీపం సీరియల్‌ ఫేర్‌వెల్‌ పార్టీలో వంటలక్క.. మళ్లీ వస్తాం అని హింట్‌ ఇచ్చింది. దాంతో త్వరలోనే కార్తీక దీపం సీజన్‌-2 ప్రారంభం కానుందనే వార్తలు జోరుగా ప్రచారం అవుతున్నాయి.
కార్తీక దీపం టీం మరో సీరియల్‌తో మన ముందుకు వస్తున్నారట. అందుకోసం ఇప్పటి నుంచే ప్రీ ప్రొడక్షన్ వర్క్‌ స్టార్ట్ చేశారని ప్రచారం సాగుతోంది. అచ్చొచ్చిన కార్తీక దీపం 2 టైటిల్‌తోనే ఈ సీరియల్‌ను కూడా ప్రేక్షకులు ముందుకు తీసుకొచ్చే ప్రయత్నం చేస్తున్నారట. అందులోనూ వంటలక్క.. డాక్టర్ బాబు ఉండనున్నారని సమాచారం. కార్తీక దీపం సీజన్‌-2 ప్రారంభం కాబోతుందనే వార్త.. ప్రస్తుతం ఇండస్ట్రీలోనూ.. అటు సోషల్ మీడియాలోనూ తెగ వైరల్ అవుతోంది. వంటలక్క మేనియా ఈజ్ బ్యాక్ అనే ట్యాగ్‌ ఎక్కడపడితే అక్కడ కనిపిస్తోంది. అయితే దీనిపై ఇప్పటి వరకు ఎలాంటి అధికారిక ప్రకటన వెలువడలేదు. కానీ ఈవార్తలు నిజమైతే.. కార్తీక దీపం ఫ్యాన్స్‌ పండగ చేసుకుంటారు. మరి కార్తీక దీపం-2 రావాలని మీరు కోరుకుంటున్నారా.. దీనిపై మీ అభిప్రాయాలను కామెంట్స్‌ రూపంలో తెలియజేయండి.
