follow us:
అనితా చౌదరి అంటే టక్కున గుర్తొచ్చేది ‘సూరీడు బేగి రారా. అవతల బస్ కి ఏలైపోతుంది’ అనే డైలాగ్. ఛత్రపతి సినిమాలో సూరీడు అనే కుర్రాడి తల్లిగా నటించారు. నటిగా ఎన్నో సూపర్ హిట్ సినిమాల్లో నటించిన అనితా.. కెరీర్ తొలినాళ్లలో యాంకర్ గా పని చేశారు. 90 దశకంలో ప్రముఖ తెలుగు ఛానల్స్ అన్నిటిలోనూ యాంకర్ గా చేశారు. ఎన్నో కార్యక్రమాలు చేసి మంచి గుర్తింపు తెచ్చుకున్నారు. స్టార్ యాంకర్ గా ఉన్న సమయంలో సీరియల్స్ లో కూడా అవకాశం దక్కించుకుని నటనతో బుల్లితెర ప్రేక్షకులకి మరింత చేరువయ్యారు. కస్తూరి, ఋతురాగాలు, నాన్న వంటి సీరియల్స్ ద్వారా మంచి క్రేజ్ సంపాదించుకున్న అనితా.. ఆనతి కాలంలోనే సినిమా ఆఫర్లను అందుకున్నారు.
1997లో శ్రీకాంత్ హీరోగా ఈవీవీ సత్యనారాయణ దర్శకత్వంలో వచ్చిన తాళి సినిమాలో నటించే అవకాశం వచ్చింది. కానీ షూటింగ్ రాజమండ్రిలో ఆరు నెలలు ఉంటుందని చెప్పడంతో.. యాంకర్ వృత్తికి దూరమవ్వాల్సి వస్తుందని అవకాశం వదులుకున్నారు. ఆ తర్వాత వెంకటేష్ హీరోగా తెరకెక్కిన రాజా సినిమా ద్వారా వెండితెరపై అడుగుపెట్టారు. ఈ సినిమాలో యాంకర్ రోల్ లో నటించారు. మురారి, సంతోషం, నువ్వే నువ్వే, మన్మధుడు, ఛత్రపతి, ఉయ్యాల జంపాల ఇలా అనేక చిత్రాల్లో క్యారెక్టర్ ఆర్టిస్ట్ గా నటించి తనకంటూ ప్రత్యేక గుర్తింపు తెచ్చుకున్నారు. ఆ మధ్య లాక్ డౌన్ సమయంలో ఆక్వా అనే వెబ్ సిరీస్ లో కూడా నటించారు. ఇక ఈమె వ్యక్తిగత జీవితం గురించి చెప్పాలంటే.. ఈమె భర్త పేరు కృష్ణ చైతన్య (చైతూ).
చిన్న వయసులోనే కుటుంబ బాధ్యతలు తీసుకున్న అనితా.. తన వాళ్ళ కోసం పెళ్లి చేసుకోకూడదని అనుకున్నారు. కానీ కృష్ణ చైతన్యను చూశాక మనసు మార్చుకున్నారు. అయితే ఈ కృష్ణ చైతన్య ఎవరో కాదు, హీరో శ్రీకాంత్ కజిన్. శ్రీకాంత్ బంధువయిన కృష్ణ చైతన్యను 2005 జూన్ 18న ప్రేమ వివాహం చేసుకున్నారు అనితా. వీరికి ఒక బాబు కూడా ఉన్నాడు. ప్రస్తుతం సొంతంగా యూట్యూబ్ లో ఛానల్ మెయింటెయిన్ చేస్తున్నారు. మంచి సందేశాన్ని ఇచ్చే వీడియోలు చేస్తుంటారు. సోషల్ మీడియాలో కూడా ఎప్పుడూ యాక్టివ్ గా ఉంటారు. ఈ వయసులో కూడా ఆమె ఫిట్ గా ఉండేందుకు జిమ్ చేస్తూ చెమటోడుస్తుంటారు. వీటికి సంబంధించిన వీడియోలను ఇన్స్టాగ్రామ్ లో పోస్ట్ చేస్తూ యువతని మోటివేట్ చేస్తుంటారు. విచిత్రం ఏంటంటే.. హీరో శ్రీకాంత్ నటించిన తాళి సినిమాతో ఎంట్రీ ఇవ్వాల్సిన అనితా.. శ్రీకాంత్ కజిన్ ని పెళ్లి చేసుకుని వైవాహిక జీవితంలోకి ఎంట్రీ ఇచ్చారు.
View this post on Instagram
View this post on Instagram
View this post on Instagram
