ఫ్యాన్స్ కి కిక్కిస్తున్న ‘సలార్’ లేటెస్ట్ అప్ డేట్!

డార్లింగ్ ప్రభాస్.. ప్రస్తుతం వరుస పాన్ ఇండియా, పాన్ వరల్డ్ సినిమాలను లైనప్ చేసి ఫ్యాన్స్ లో అంచనాలను అమాంతం పెంచేశాడు. బాహుబలి, సాహో సినిమాల తర్వాత ప్రభాస్ క్రేజ్ ఇంటర్నేషనల్ రేంజ్ కి వెళ్లిన సంగతి తెలిసిందే. అప్పటినుండి డార్లింగ్ నుండి ఏ సినిమా వచ్చినా వరల్డ్ వైడ్ రిలీజ్ అవుతున్నాయి. దర్శకనిర్మాతలు కూడా ప్రభాస్ మార్కెట్ ని దృష్టిలో పెట్టుకొని హై బడ్జెట్ తో సినిమాలు రూపొందిస్తున్నారు. ప్రెజెంట్ ప్రభాస్ చేతిలో పాన్ ఇండియా సినిమాలు ఆదిపురుష్, సలార్ లతో పాటు పాన్ వరల్డ్ స్థాయిలో ప్రాజెక్ట్ K, మారుతీ దర్శకత్వంలో ఓ చిన్న సినిమా లైన్ లో ఉన్నాయి. సందీప్ రెడ్డి వంగా డైరెక్షన్ లో ‘స్పిరిట్’ కూడా ఓకే అయి ఉంది.

ఈ క్రమంలో ప్రభాస్ నుండి ముందుగా మైథలాజికల్ జానర్ లో ‘ఆదిపురుష్’ రిలీజ్ కాబోతుంది. జూన్ రెండో వారంలో ఇది రిలీజ్ కాబోతుండగా.. ఆ తర్వాత సెప్టెంబర్ లో భారీ మాఫియా యాక్షన్ మూవీగా సలార్ రాబోతుంది. ఆదిపురుష్ గురించి మూవీ రామాయణ ఇతిహాసం నేపథ్యంలో వస్తుంది. కాబట్టి, దానిలో మాస్, కమర్షియల్ ఎలిమెంట్స్ ని ఎక్సపెక్ట్ చేయలేమని డార్లింగ్ ఫ్యాన్స్ కి తెలుసు. ప్రభాస్ రాముడిగా, కృతిసనన్ సీతగా భారీ విజువల్స్ తో సినిమా ఉండబోతుంది. అయితే.. ఆదిపురుష్ కంటే సలార్ పైనే ఎక్కువ అంచనాలు, ఫోకస్ పెట్టుకున్నారు ప్రభాస్ అభిమానులు. ఎందుకంటే.. ప్రభాస్ కటౌట్ కి పక్కా మాస్ కమర్షియల్ అంశాలన్నీ ఉండబోతున్నాయని సలార్ పోస్టర్స్ చూస్తేనే అర్థమవుతుంది.

కేజీఎఫ్, కేజీఎఫ్ 2 సినిమాలతో సంచలనం సృష్టించిన దర్శకుడు ప్రశాంత్ నీల్ – హోంబలే ఫిలిమ్స్ ప్రొడక్షన్ కూడా సలార్ పై అంచనాలు పెరగడానికి ప్రధాన కారణాలు. అయితే.. సంక్రాంతి నుండి జూన్ కి ఆదిపురుష్ వాయిదా పడేసరికి.. అది వచ్చిన కొద్దిరోజులకే సలార్ రాకపోవచ్చు అని అనుమానాలు, రూమర్స్ వైరల్ అయ్యాయి. కానీ, వీటిపై స్పందిస్తూ.. సలార్ ప్రొడ్యూసర్ విజయ్ కిరాగందుర్.. ముందుగా చెప్పినట్లే సెప్టెంబర్ 28న సినిమా రిలీజ్ చేస్తామని కన్ఫర్మ్ చేశాడు. దీంతో ఇప్పుడు రెబల్ స్టార్ ఫ్యాన్స్ అంతా రిలీజ్ కన్ఫర్మ్ అని.. ‘#SalaarEuphoriaIn250Days’ అని హ్యాష్ ట్యాగ్ తో కౌంట్ డౌన్ స్టార్ట్ చేశారు. మొత్తానికి 2023లో ప్రభాస్ నుండి రెండు సినిమాలు పక్కా అయ్యేసరికి ఫ్యాన్స్ ఊపిరి పీల్చుకున్నారు. మరి ఆదిపురుష్ – సలార్ సినిమాలపై మీ అంచనాలు, అభిప్రాయాలను కామెంట్స్ లో తెలియజేయండి.

‘𝐑𝐄𝐁𝐄𝐋’𝐋𝐈𝐍𝐆 𝐖𝐎𝐑𝐋𝐃𝐖𝐈𝐃𝐄 𝐎𝐍 𝐒𝐄𝐏 𝟐𝟖, 𝟐𝟎𝟐𝟑.#Salaar #TheEraOfSalaarBegins#Prabhas @prashanth_neel @VKiragandur @hombalefilms @shrutihaasan @PrithviOfficial @IamJagguBhai @sriyareddy @bhuvangowda84 @RaviBasrur @shivakumarart @anbariv @SalaarTheSaga pic.twitter.com/8vriMflG84

— Salaar (@SalaarTheSaga) August 15, 2022

He is path of your every success : Tollywood#SalaarEuophiraIn250Days https://t.co/ONkLqjpYs8

— Manoj🏹 (@kmanojnaik) January 22, 2023