follow us:
టాలీవుడ్ లో హీరోలు చాలామంది. చిన్న హీరోల సంగతి అలా వదిలేస్తే పెద్దహీరోల మధ్య ఎప్పుడూ పోటీ ఉండనే ఉంటుంది. మరీ ముఖ్యంగా మెగా, నందమూరి ఫ్యాన్స్ కి అస్సలు పడదు. సినిమాల రిలీజ్ టైంలో వాళ్లు చేసే హడావుడి చూస్తే మీకే ఈ విషయం క్లియర్ గా అర్థమైపోతుంది. ఇక హీరోల మధ్య రిలేషన్ ఎలా ఏంటనేది బయట వాళ్లకు తెలియడం దాదాపు అసాధ్యం. అలాంటిది బాలయ్య హోస్ట్ చేస్తున్న అన్ స్టాపబుల్ షోకి పవర్ స్టార్ పవన్ కల్యాణ్ గెస్ట్ అనే న్యూస్ తొలిసారి వచ్చినప్పుడు ఫ్యాన్స్ షాకయ్యారు. అదే టైంలో తెగ ఆనందపడిపోయారు. ఎందుకంటే సినిమాలు, పాలిటిక్స్ కే పవన్ కి టైం సరిపోవట్లేదు. అలాంటిది అన్ స్టాపబుల్ షోకి గెస్ట్ అనేసరికి చాలా అంచనాలు ఏర్పడ్డాయి. ఆ విషయంలో తాజాగా రిలీజైన పార్ట్-1 సక్సెస్ అయింది.
ఇక వివరాల్లోకి వెళ్తే.. పవర్ స్టార్ పవన్ కల్యాణ్, తన సినిమాల్లో చాలా పవర్ ఫుల్ గా కనిపిస్తాడు. రాజకీయాల్లోనూ ఈ మధ్య యాక్టివ్ గా మారుతున్నాడు. ఇదంతా పక్కనబెడితే పవన్ లోనూ ఓ బిడియస్తుడు ఉన్నాడు. పక్కన వాళ్లతో మాట్లాడాలంటే చాలా సిగ్గు. అందుకే పవన్ వ్యక్తిగత విషయాలు చాలా తెలిసినప్పటికీ ఇంకా తెలియనివి చాలానే ఉన్నాయి. సో అవన్నీ కూడా అన్ స్టాపబుల్ షోలో బయటకొస్తాయని ఫ్యాన్స్ అనుకున్నారు. అయితే చాలా విషయాల్లో క్లారిటీ రావడంతోపాటు బోనస్ అన్నట్లు మరో విషయం కూడా ఫ్యాన్స్ కి తెగ కిక్ ఇచ్చింది. అదే బాలయ్య.. పవన్ కల్యాణ్ ని పొగడ్తల వర్షంతో ముంచేయడం. ప్రస్తుతం ఈ విషయం సోషల్ మీడియాలో హాట్ టాపిక్.
సాధారణంగా స్టార్ హీరోలు.. తోటి హీరోలని మెచ్చుకోవడం తక్కువనే చెప్పాలి. ఇక బాలయ్య లాంటి హీరో.. పవన్ లాంటి హీరోని పొగుడుతారని ఎవరూ కనీసం కలలో కూడా ఊహించి ఉండరు. ‘అన్ స్టాపబుల్’ తాజా ఎపిసోడ్ లో బాలయ్య అదే చేసి చూపించారు. హోస్ట్ అంటే హోస్ట్ గా మాత్రమే ఉండి.. పవన్ ని చాలా సందర్భాల్లో మెచ్చుకున్నారు. పవన్ మేనరిజమ్ కోసం బాలకృష పట్టుబట్టడం వ్యూయర్స్ ని ఆశ్చర్యపరిచింది. అలానే పవన్ పై విమర్శలకు ప్రధాన అస్త్రమైన మూడు పెళ్లిళ్లు టాపిక్ గురించి పవర్ స్టార్ నోటి నుంచి నిజాలు రాబట్టడంలో బాలయ్య పూర్తిగా సక్సెస్ అయ్యారు. ‘ఇంకోసారి ఆయన గురించి, పెళ్లిళ్లు గురించి మాట్లాడితే మీరు ఊరకుక్కలతో సమానం’ అని బాలయ్య చెప్పడం.. పవర్ స్టార్ ఫ్యాన్స్ హ్యాపీనెస్ కు కారణమైంది.
‘అన్ స్టాపబుల్’ పవన్ కల్యాణ్ ఎపిసోడ్ ఫస్ట్ పార్ట్ గంటకు పైనే ఉంది. ఇందులో బాలయ్య ఎక్కడా కూడా తను ఓ బడా హీరోని అనేలా కాకుండా ఓ సాధారణ హోస్టులా కనిపించారు. పవన్ కల్యాణ్ ని చాలాసార్లు నవ్విస్తూనే, చాలా ఒడుపుగా ఆయన దగ్గర నుంచి సమాధానాలు రాబట్టే ప్రయత్నం చేశారు. ఇలా బాలయ్య-పవన్ మధ్య బాండింగ్ చూసిన పవర్ స్టార్ ఫ్యాన్స్ ఫుల్ బిర్యానీ తిన్నంత ఆనందపడిపోతున్నారు. ఏకంగా ‘జై బాలయ్య’ అని సోషల్ మీడియాలో కామెంట్స్ కూడా పెడుతున్నారంటేనే మీరు అర్థం చేసుకోవచ్చు. తొలి ఎపిసోడ్ తోనే పవన్ ఫ్యాన్స్ మనసు గెలుచుకున్న బాలయ్య.. ఫిబ్రవరి 10న టెలికాస్ట్ అయ్యే రెండో పార్ట్ తో పవన్ ఫ్యాన్స్ ని తన అభిమానులుగా మార్చేసుకున్న ఆశ్చర్యపోవాల్సిన పనిలేదు. మరోవైపు జనరల్ ఆడియెన్స్.. ఇలా పవన్-బాలయ్య ఫ్యాన్స్ దోస్తీ చూసి ముచ్చటపడిపోతున్నారు. మరి పైన చెప్పిన విషయం గురించి మీరేం అనుకుంటున్నారు. కింద కామెంట్స్ లో మీ అభిప్రాయాన్ని పోస్ట్ చేయండి.
