Nayanthara: కోట్లు సంపాదించిన నయనతార.. ఆస్తుల విలువ తెలిస్తే!

దక్షిణాది చిత్ర పరిశ్రమల్లో నటిగా ఓ వెలుగు వెలుగుతూ, లేడీ సూపర్‌స్టార్ పేరు తెచ్చుకున్న హీరోయిన్‌ నయనతార. 2003లో మలయాళ చిత్రం ‘మనసింకరే’తో సినీ కెరీర్‌ని ప్రారంభించిన ఈ బ్యూటీ అనంతరం తెలుగు, తమిళ, కన్నడ భాషల్లో కలిపి దాదాపు 75 చిత్రాల్లో నటించింది. జూన్ 9న ఈ నయనతార, సినీ దర్శకుడు విఘ్నేష్ శివన్‌ ని పెళ్లి చేసుకున్న విషయం తెలిసిందే. ప్రస్తుతం నెట్టింట ఎక్కడ చూసిన నయన్‌ పెళ్లి ఫోటోలు, ఆమె లవ్‌ స్టోరీ గురించి జోరుగా ప్రచారం సాగుతోంది. ఈ తరుణంలో నయనతార కెరీర్‌, ఆమె ఆస్తుల గురించి కూడా జనాలు చర్చించుకుంటున్నారు. ఆ వివరాలు మీ కోసం..

బెంగళూరులో ఓ క్రిస్టియన్ కుటుంబంలో నయనతార జన్మించింది. ఆమె తండ్రి ఎయిర్ ఫోర్స్‌లో పనిచేసి పదవీ విరమణ చేశారు. అనంతరం ఆ కుటుంబం కేరళలో సెటిల్ అయ్యింది. దేశంలోని పలు ప్రాంతాల్లో పాఠశాల చదువు పూర్తి చేసిన ఈ బ్యూటీ.. కేరళలో కళాశాల చదువు పూర్తి చేసింది. కాలేజ్‌లో ఉన్నప్పుడే మలయాళ చిత్రం మనసింకరేలో తొలిసారిగా నటించింది. అయ్యా (2005)తో తమిళ చిత్రసీమకి,పరిచయం అయింది. సినిమాలకి రాక ముందు ఈ బ్యూటీ ఛార్టెడ్ అకౌంటెంట్ కావాలనుకుంది. కానీ సినిమాల్లో అడుగుపెట్టిన తర్వాత సీఏ చేయాలనే కలను వదులుకుంది.

సినిమాల్లోకి అడుగుపెట్టిన తర్వాత కొద్దికాలంలోనే నయనతార నటిగా మంచి గుర్తింపు సాధించింది. వరుసగా స్టార్ హీరోల మూవీస్ చేస్తూ టాప్ హీరోయిన్‌గా ఎదిగింది. అనంతరం వరుసగా లేడీ ఓరియెంటెడ్ చిత్రాల్లో నటిస్తూ లేడీ సూపర్‌స్టార్‌గా పేరు తెచ్చుకుంది. దీంతో నయనతార ఒక్కో సినిమాకి దాదాపు రూ.3 కోట్ల భారీ పారితోషికాన్ని తీసుకుంటుందని సమాచారం. అంతేకాకుండా.. ఈ బ్యూటీ ఆస్తుల నికర విలువ దాదాపు రూ.171 కోట్లపై మాటే.

ఇది కూడా చదవండి: Nayanthara Vignesh Shivan Marriage: వివాహ బంధంతో ఒక్కటయిన నయనతార-విఘ్నేష్‌ శివన్‌! ప్రత్యేక ఆకర్షణగా వాటర్‌ బాటిల్స్‌!

2018లో అయితే ఏకంగా రూ.15.17 కోట్ల సంపాదనతో ఫోర్బ్స్ ఇండియా ‘సెలబ్రిటీ 100’ లిస్ట్‌లో చోటు సాధించింది. సౌత్ ఫిల్మ్ ఇండస్ట్రీ నుంచి ఆ జాబితాలో నిలిచిన మొదటి మహిళా నటి నయనతారే కావడం ఇక్కడ విశేషం. ఈ లెక్కన చూసుకుంటే నయన్‌ నెలకు కోటి రూపాయలకు పైగా సంపాదిస్తుంది అన్నమాట. ఇక వివాహం సందర్భంగా నయనతార చెన్నైలో తాను ఎంతో ఇష్టంగా కట్టించుకున్న ఇంటిని భర్తకు బహుమతిగా ఇచ్చింది. దీని విలువు 20-25 కోట్ల రూపాయల వరకు ఉంటుందని సమాచారం. ప్రస్తుతం వివాహం చేసుకుని.. వైవాహిక జీవితంలోకి ప్రవేశించిన నయనతారకు శుభాకాంక్షలు తెలియజేస్తున్నారు అభిమానులు. దీనిపై మీ అభిప్రాయాలను కామెంట్స్‌ రూపంలో తెలియజేయండి.

ఇది కూడా చదవండి: Nayanthara-Vignesh Shivan: భారీ ఆఫర్‌తో నయనతార-విఘ్నేష్‌ శివన్‌ వివాహ వేడుక ప్రచార హక్కులు దక్కించుకున్న సంస్థ

ఇది కూడా చదవండి: Vignesh Shivan: ‘నయనతార మేడమ్‌ నా భార్య అయ్యింది’.. విఘ్నేష్‌ శివన్‌ ట్వీట్‌ వైరల్‌!