తండ్రైన స్టార్​ డైరెక్టర్​.. వైరల్ అవుతున్న బేబీ ఫొటోస్!

బాసిల్​ జోసెఫ్.. సినీ ప్రియులకు ఈ పేరు సుపరిచితమే. వినూత్న కథాంశాలతో చిత్రాలు తీస్తూ మలయాళ చిత్ర పరిశ్రమలో మంచి దర్శకుడిగా ఆయన పేరు తెచ్చుకున్నాడు. ‘కుంజీరమాయనమ్​’, ‘గోధా’ సినిమాలు ఆయన పాపులారిటీని పెంచాయి. ‘మిన్నల్​ మురళి’ మూవీ ద్వారా ఒక్కసారిగా స్టార్​ డైరెక్టర్​గా మారాడు బాసిల్​. ఈ ఫిల్మ్​లో మాలీవుడ్ పాపులర్​ హీరో టోవినో థామస్​ను సూపర్​ హీరోగా చూపించడంలో ఫుల్​ సక్సెస్​ అయ్యాడు. ప్రేక్షకుల ఆదరణతో పాటు పలు ప్రతిష్టాత్మక పురస్కారాలకు కూడా ‘మిన్నల్​ మురళి’ ఎంపికైంది. దీంతో బాసిల్​ జోసెఫ్​ పేరు జాతీయవ్యాప్తంగా మారుమోగింది.

కేవలం డైరెక్షనే కాదు రచన, నటనలోనూ బాసిల్​ జోసెఫ్ సత్తా చాటుతున్నాడు. ‘జయ జయ జయ హే’, ‘పాల్తూ జాన్వర్​’ సినిమాల ద్వారా తనలోని నటనా పటిమను బాసిల్​ బయటపెట్టాడు. బాసిల్​ సినిమాల్లో ‘మిన్నల్ మురళి’, ‘జయ జయ జయ హే’లు తెలుగులోనూ రిలీజ్ అయ్యాయి. ఓటీటీ ప్లాట్​ఫామ్స్​లో వీటికి తెలుగు ఆడియెన్స్ నుంచి మంచి స్పందన లభించింది. ఇక, బాసిల్​ జోసెఫ్ తండ్రయ్యాడు. ఆయనకు పండంటి ఆడబిడ్డ పుట్టింది. ఈ సందర్భంగా భార్య, కూతురితో దిగిన ఫొటోలను బాసిల్​ తన ట్విట్టర్​ అకౌంట్​లో షేర్ చేశాడు.

బాసిల్ జోసెఫ్​ తన పాపకు హోప్​ ఎలిజబెత్ బాసిల్​ అనే పేరు పెట్టినట్లు తెలిపాడు. పాపను ఎత్తుకుని బాసిల్ దంపతులు ఉన్న ఫొటో నెట్టింట్లో వైరల్ అవుతోంది. కాగా, బాసిల్​ జోసెఫ్ దంపతులకు సినీ ప్రముఖుల నుంచి శుభాకాంక్షలు వెల్లువెత్తుతున్నాయి. దుల్కర్ సల్మన్​, నజ్రియా ఫాహద్, టోనివో థామస్​, ఐశ్వర్యా లక్ష్మీ, సంయుక్త, రాజీషా విజయన్ లాంటి స్టార్లు బాసిల్​ దంపతులకు విషెష్ చెప్పారు. ఇక, బాసిల్​ నటించిన కొత్త చిత్రం ‘ఎంకిలుమ్​ చంద్రికే’ ఫిబ్రవరి 17న రిలీజ్​ అవుతోంది. ఇందులో బాసిల్​తో పాటు సూరజ్​ వెంజారమూడు, తన్వీ రామ్, సైజు కురుప్​ తదితరులు నటించారు. ఈ మూవీకి ఆదిత్యన్​ చంద్రశేఖర్ దర్శకత్వం వహించాడు.

Thrilled to announce the arrival of our little bundle of joy, HOPE ELIZABETH BASIL ! She has already stolen our hearts and we are over the moon with love for our precious daughter.We can’t wait to watch her grow and learn from her every day pic.twitter.com/RpQoLaCdm0

— basil joseph (@basiljoseph25) February 15, 2023