ఆ వీడియో చూసి కన్నీళ్లు పెట్టుకున్న మంచు విష్ణు!

హీరో, మా అధ్యక్షుడు మంచు విష్ణు సోషల్‌ మీడియాలో ఎంత యాక్టీవ్‌గా ఉంటారో ప్రత్యేకంగా చెప్పాల్సిన పని లేదు. అలానే సోషల్‌ మీడియాలో విపరీతమైన ట్రోలింగ్‌ ఎదుర్కొనే నటుల్లో విష్ణు ముందు వరుసలో ఉంటారు. ఇ​క సినిమాల పరంగా చూస్తే.. మంచు విష్ణు కెరీర్‌ ప్రస్తుతం డౌన్‌లో ఉంది. ఆయన ఎన్నో ఆశలు పెట్టుకున్న జిన్నా సినిమా ఫ్లాప్‌ అయ్యింది. తరువాతి ప్రాజెక్ట్స్‌ డీటెయిల్స్‌ గురించి ఎలాంటి సమాచారం లేదు. ఈ విషయం పక్కన పెడితే.. తాజాగా మంచు విష్ణు సోషల్‌ మీడియాలో షేర్‌ చేసిన ఓ వీడియో తెగ వైరలవుతోంది. ట్వీట్‌ చేస్తూ విష్ణు భావోద్వేగానికి గురయ్యాడు. ఆ వివరాలు..

మంచు విష్ణు కుమార్తెలు అరియానా, వివియానా తాజాగా తమ తండ్రికి ఓ సర్‌ ప్రైజ్‌ ఇచ్చారు. దాన్ని చూసి విష్ణు తీవ్ర భావోద్వేగానికి గురైనట్లు తెలిపారు. అంతేకాక కుమార్తెలు ఇచ్చిన గిఫ్ట్‌ చూసి తనకు కన్నీళ్లు వచ్చాయన్నారు. ఇంతకి విష్ణు కుమార్తెలు ఆయనకు ఏం బహుమతి ఇచ్చారు.. ఎందుకు ఆయన అంతలా భావోద్వేగానికి గురయ్యారంటే.. మార్చి 1న మంచు విష్ణు-విరానికా పెళ్లి రోజు. వీరి పెళ్లై నేటికి 15 సంవత్సరాలు. ఈ క్రమంలో కుటుంబ సభ్యులతో కలిసి 15వ వార్షికోత్సవాన్ని ఘనంగా జరుపుకున్నారు విష్ణు దంపతులు. పెళ్లి రోజు సందర్భంగా విష్ణు దంపతులకు చాలా మంది బహుమతులు ఇచ్చారు. దీనిలో భాగంగానే విష్ణు కుమార్తెలు కూడా.. తల్లిదండ్రులకు సర్ప్రైజ్‌ గిఫ్ట్‌ ఇచ్చారు.

విష్ణు మ్యారేజ్‌ డే సందర్భంగా ఆయన కుమార్తెలు అరియానా, వివియానా.. తమ తల్లిదండ్రులను సర్‌ప్రైజ్‌ చేస్తూ ఓ వీడియోను గిఫ్ట్‌గా ఇచ్చారు. ఈ వీడియోలో విష్ణు, విరానికాకు సంబంధించిన పలు స్పెషల్ మూమెంట్స్‌ను ఓ చోట పొందుపర్చారు. ‘మై ఫాదర్‌ లవ్స్‌ మై మామ్‌’ అంటూ ఓ పాట పాడుతూ దానికి స్పెషల్ ఫోటోలు యాడ్ చేశారు ఈ ఇద్దరు అక్కా చెల్లెళ్లు. కుమార్తెలు ఇచ్చిన ఈ స్వీట్‌ సర్ప్రైజ్‌ చూసి విష్ణు తీవ్ర భావోద్వేగానికి గురయ్యాడు. కంటతడి పెట్టుకున్నారంట.

ఈ మేరకు విష్ణు తన ట్విట్టర్‌లో కుమార్తెలు కంపోజ్‌ చేసిన వీడియోని పోస్ట్‌ చేస్తూ.. ‘‘ఈ సాంగ్‌ కంప్లీట్ అయ్యే సరికి నా కళ్లలో నీళ్లు తిరిగాయి. థ్యాంక్యూ డార్లింగ్స్. మీరు ఇచ్చిన ఈ సర్ప్రైజ్‌ను నేను జీవితాంతం గుర్తు పెట్టకుంటాను.. ఎన్నటికి మర్చిపోను” అంటూ ట్వీట్ చేశారు. ప్రసుత్తం ఈ ట్వీట్‌, వీడియో నెట్టింట వైరలవుతున్నాయి. ఇక ఈ ఇద్దరు అక్కా చెల్లెళ్లు మంచు విష్ణు నటించిన ‘జిన్నా’ సినిమాలో ఫ్రెండ్‌ షిప్‌ పాట పాడి ప్రేక్షకులను అలరించినసంగతి తెలిసిందే.

I started crying towards the end of the song. Thank you my darling #Ariaana #Viviana, my little mommies ❤️❤️❤️❤️❤️. This has made my day and I will never forget this surprise gift for @vinimanchu and me. pic.twitter.com/RZI13tazny

— Vishnu Manchu (@iVishnuManchu) March 1, 2023

తన పెళ్లి రోజు సందర్భంగా మంచు విష్ణు తన భార్య గురించి చేసిన ట్వీట్‌ కూడా తెగ వైరలవుతోంది. ఈ ట్వీట్‌లో తన తండ్రి అంటే ఇప్పటికి తనకు చాలా భయం అని.. కానీ ఆయన కంటే ఎక్కువగా తాను భయపడే మరో వ్యక్తి ఉన్నట్లు ఈ సందర్భంగా తెలిపాడు మంచు విష్ణు. మరి విష్ణుని అంతలా భయపెట్టేది ఎవరు అంటే.. ఇంకెవరు ఆయన భార్య విరానికా. “మా నాన్న కంటే నేను ఎక్కువ భయపడే ఒకే ఒక్క వ్యక్తి విరానికా. నేను నిన్ను చాలా ప్రేమిస్తున్నాను. వివాహ వార్షికోత్సవ శుభాకాంక్షలు” అంటూ ఆమెతో కలిసి తీసుకున్న ఫోటోలను ట్విట్టర్ లో షేర్ చేశారు. ఈ ట్వీట్‌పై స్పందిస్తూ.. విష్ణు దంపతులకు హార్థిక శుభాకాంక్షలు తెలుపుతున్నారు నెటిజనులు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.

The only person I am more scared of, more than my dad, @vinimanchu. I love you to the moon and back. Happy anniversary ❤️ pic.twitter.com/GEAZTdPMPa

— Vishnu Manchu (@iVishnuManchu) March 1, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.