‘హరిహర వీరమల్లు’ రిలీజ్ డేట్ ఫిక్స్!

‘సెప్టెంబర్‌ 2’ మాములుగానే పవన్‌ అభిమానులకు పండగరోజు. ఈసారి పండగ ఉత్సాహం మూడు రెట్లు ఎక్కువైందనే చెప్పాలి. ఇప్పటికే భీమ్లానాయక్‌ ఫస్ట్‌ సింగిల్‌ యూట్యూబ్‌ రికార్డుల వేటలో బిజీగా ఉంది. ఇప్పుడు ఇక ఆ లిస్ట్‌లోకి క్రిష్‌ జాగర్లమూడి తెరకెక్కిస్తున్న ‘హరిహర వీరమల్లు’ కూడా చేరింది. రిలీజ్‌ డేట్‌ ఫిక్స్‌ చేసి అనౌన్స్‌ చేశాడు క్రిష్‌ జాగర్లమూడి.

ఏప్రిల్‌ 29, 2022న థియేటర్లలో సందడి చేయబోతున్నాడు ‘హరిహర వీరమల్లు’. 15వ శతాబ్దంనాటి పరిస్థితుల నేపథ్యంలో పవన్‌ కల్యాణ్‌ని ఓ బందిపోటు పాత్రలో చూపించబోతున్నాడు క్రిష్‌. ఈ సినిమాలో ఇస్మార్ట్‌ బ్యూటీ నిధి అగర్వాల్‌ను పంచమిగా ఇప్పటికే పరిచయం చేసింది చిత్రబృందం. ఏఎం రత్నం సమర్పణలో దయాకర్‌రావు ఈ సినిమాని నిర్మిస్తున్నారు. ఎంఎం కీరవాణి ఈ సినిమాకి బాణీలు అందిస్తున్నారు. ఇక సోషియో ఫాంటసీ చిత్రంలో పవన్‌ కనిపించడం ఇదే తొలిసారి కాబట్టి బక్సాఫీసు రికార్డులు బద్దలవడం ఖాయమేనంటూ టాక్‌ స్టార్ట్‌ అయిపోయింది.

Someone who always thinks about d society n serves habitually in any event with such pride n conviction like u do deserve d world n more @pawankalyan sir.

You are, and always will be, a true hero n it’s an honour to be wishing you well on your birthday 💐💐#HariHaraVeeraMallu pic.twitter.com/O5Gqk35v61

— Krish Jagarlamudi (@DirKrish) September 2, 2021