‘ఆదిపురుష్’ ఫ్యాన్స్ కి చేదువార్త! సంక్రాంతి నుండి సమ్మర్ కి వాయిదా?

దేశవ్యాప్తంగా సినీ ప్రేక్షకులు ఎంతో ఆసక్తిగా ఎదురుచూస్తున్న చిత్రం ‘ఆదిపురుష్‘. పాన్ ఇండియా స్టార్ ప్రభాస్ హీరోగా నటిస్తున్న ఈ సినిమాను ఎంతో ప్రతిష్టాత్మకంగా తెరకెక్కిస్తున్నాడు దర్శకుడు ‘ఓం రౌత్’. రామాయణ ఇతిహాసం నేపథ్యంలో రూపొందుతున్న ఈ సినిమాను.. అత్యున్నత సాంకేతిక విలువలతో టి-సిరీస్, రెట్రో ఫైల్స్ సంస్థలు సంయుక్తంగా నిర్మిస్తున్నాయి. అయితే.. ఈ సినిమాను ప్రపంచవ్యాప్తంగా వచ్చే ఏడాది సంక్రాంతికి.. అంటే 2023 జనవరి 12న రిలీజ్ చేయనున్నట్లు మేకర్స్ ఇదివరకే అధికారికంగా ప్రకటించారు. అదీగాక ఇటీవల ఆదిపురుష్ ప్రోమో కూడా రిలీజ్ చేయడంతో విజువల్స్ పై ప్రశంసలు, విమర్శలు భారీ స్థాయిలో వచ్చాయి.

తాజాగా ఈ సినిమా రిలీజ్ విషయంలో పలు షాకింగ్ వార్తలు వినిపిస్తున్నాయి. ప్రస్తుతం ట్రెండ్ అవుతున్న వార్తల ప్రకారం.. ఆదిపురుష్ మూవీ సంక్రాంతి బరిలో నుండి తప్పుకున్నట్లు తెలుస్తోంది. సంక్రాంతి నుండి సమ్మర్ కి ఆదిపురుష్ ని వాయిదా వేశారని.. వాయిదాకి కారణం విఎఫ్ఎక్స్ అని కామెంట్స్ వినిపిస్తున్నాయి. గ్రాఫిక్స్ వర్క్ ఇంకాస్త పెండింగ్ ఉన్న కారణంగా మూవీని సమ్మర్ లో రిలీజ్ చేయాలని మేకర్స్ ఆలోచిస్తున్నట్లు బాలీవుడ్ వర్గాలు చెబుతున్నాయి. అయితే.. ఆదిపురుష్ వాయిదా అని, ఆల్రెడీ వాయిదా కన్ఫర్మ్ అయ్యిందని సోషల్ మీడియాలో, సినీ వర్గాలలో టాక్ నడుస్తోంది. కానీ.. మేకర్స్ నుండి ఎలాంటి అప్ డేట్ అయితే రాలేదు.

మరోవైపు సంక్రాంతికి చాలా సినిమాలు రిలీజ్ అవుతున్న కారణంగా ఆదిపురుష్ ని వాయిదా వేయాలని చూస్తున్నట్లు వార్తలు ట్రెండ్ అవుతున్నాయి. సంక్రాంతికి తెలుగులో వీరసింహారెడ్డి, వాల్తేరు వీరయ్య, ఏజెంట్, వారసుడు, తునివు సినిమాలు రిలీజ్ కాబోతున్నట్లు ఇప్పటికైతే డేట్ లాక్ చేసుకున్నాయి. ఇన్ని సినిమాల మధ్య ఆదిపురుష్ వస్తే.. థియేటర్స్, కలెక్షన్స్ పరంగా ప్రాబ్లెమ్ అవుతుందనేది కూడా వాయిదాకు కారణం అయ్యుండొచ్చని అంటున్నారు. మరి ఈ వార్తలో నిజమెంత అనేది చిత్రయూనిట్ తెలిపాల్సి ఉంది. ఇదిలా ఉండగా.. ఈ సినిమాలో ప్రభాస్ రాముడిగా కనిపించనుండగా.. కృతిసనన్ సీతగా, సైఫ్ అలీఖాన్ రావణాసురుడిగా నటిస్తున్నారు. చూడాలి మరి బాక్సాఫీస్ వద్ద ఆదిపురుష్ ఎలాంటి అద్భుతాలు సృష్టించనుందో!

Confirmed #Adipurush Postponed to summer

Sad news to darling #Prabhas fans

— Harish Kumar (@apparalaharishk) October 31, 2022

I think #Adipurush producers did the right thing to delay its release. Will give them time to make it the best film it can be.
(#Prabhas starrer will still do more business on opening weekend than lifetime collection of most Bollywood films)

— Asjad Nazir (@asjadnazir) October 31, 2022