follow us:
స్టార్ డైరెక్టర్ హరీష్ శంకర్ ఒక రిపోర్టర్ మీద సీరియస్ అయ్యారు. ‘2018’ మూవీ ప్రమోషన్స్ సందర్భంగా నిర్వహించిన ప్రెస్ మీట్లో ‘గబ్బర్ సింగ్’ దర్శకుడికి ఒక జర్నలిస్ట్ అడిగిన ప్రశ్న ఆగ్రహం తెప్పించింది.
ఒకప్పుడు వైవిధ్యమైన చిత్రాలు అంటే అందరికీ తమిళ చిత్ర పరిశ్రమే గుర్తొచ్చేది. కోలీవుడ్ నుంచి ఎన్నో డిఫరెంట్ మూవీస్ వచ్చేవి. అవి తెలుగులోనూ డబ్ అయి.. ఇక్కడి వారినీ అలరించేవి. అయితే ఇప్పుడా పాత్ర మలయాళ మూవీ ఇండస్ట్రీ పోషిస్తోంది. వైవిధ్యమైన సినిమాలకు మల్లూవుడ్ కేరాఫ్ అడ్రస్గా మారుతోంది. విభిన్నమైన కాన్సెప్టులతో చిత్రాలు తీయడంలో అక్కడి మేకర్స్ ఆరితేరారు. అలాంటి కేరళ చిత్ర పరిశ్రమ నుంచి వచ్చిన మరో సంచలన సినిమానే ‘2018’. ఇందులో స్టార్ హీరో టోవినో థామస్, జాతీయ అవార్డు విజేత అపర్ణా బాలమురళి, కుంచక్కో బోబన్ ప్రధాన పాత్రల్లో నటించారు. 2018లో కేరళ రాష్ట్రాన్ని వరదలు అతలాకుతలం చేసిన విషయం విదితమే. ఆ వరదల్లో ఎంతో మంది ప్రజలు నిరాశ్రయులయ్యారు. అప్పటి పరిస్థితుల ఆధారంగా తీసిన చిత్రమే ‘2018’.
కేరళలో బ్లాక్ బస్టర్గా నిలిచిన ‘2018’ని అదే టైటిల్తో తెలుగులోకి తీసుకొస్తున్నారు. ఈ నెల 26న ఈ మూవీ రిలీజ్ కానుంది. ఈ చిత్రాన్ని బన్నీ వాసు తెలుగులో విడుదల చేస్తున్నారు. ఈ సందర్భంగా నిర్వహించిన మీడియా సమావేశంలో స్టార్ డైరెక్టర్ హరీష్ శంకర్ కూడా పాల్గొన్నారు. ‘2018’ని తెలుగులోకి తీసుకురావడంలో ఆయన ప్రమేయమూ ఉంది. అయితే మీడియా మీట్లో హరీష్ శంకర్ ఒక రిపోర్టర్పై సీరియస్ అయ్యారు. జర్నలిస్ట్ సురేష్ కొండేటి అడిగిన ప్రశ్నతో ఆయనకు హరీష్ శంకర్కు మధ్య వాగ్వాదం జరిగింది. మీరు వరుసగా డబ్బింగ్ సినిమాలే తీస్తున్నారని బన్నీ వాసును సురేష్ కొండేటి అడిగారు. ఇలాంటి రియలిస్టిక్ చిత్రాలు చేసేందుకు తెలుగు దర్శకులు, హీరోలు ఒప్పుకుంటారా అని ఆ జర్నలిస్ట్ ప్రశ్నించారు.
రియలిస్టిక్ చిత్రాలు తీసేందుకు మన తెలుగు మేకర్స్, హీరోలు ఒప్పుకుంటారా అని రిపోర్టర్ సురేష్ కొండేటి అడిగిన ప్రశ్న.. హరీష్ శంకర్కు కోపం తెప్పించింది. మీరు ఇటీవల ఎక్కువగా కాంట్రవర్సీ క్వశ్చన్స్ అడుగుతూ అటెన్షన్ కోసం ప్రయత్నిస్తున్నారని ఆ జర్నలిస్ట్కు హరీష్ చురకలు అంటించారు. వినేవాడు సురేషైతే చెప్పేవాడు హరీష్ అంట అని సెటైర్ వేశారు. సురేష్ కొండేటి అడిగిన ప్రశ్న తనకు నచ్చలేదన్నారు హరీష్ శంకర్. టెక్నాలజీ వల్ల వరల్డ్ సినిమా అరచేతుల్లోకి వచ్చేసిందని.. ఇంకా డబ్బింగ్ చిత్రాలంటూ వేరు చేయడం ఏంటని ఎదురు ప్రశ్నించారు. ‘బాహుబలి’, ‘ఆర్ఆర్ఆర్’ చిత్రాలను నార్త్ ఇండియా ఆడియన్స్ డబ్బింగ్ సినిమాలు అనుకున్నారా అని క్వశ్చన్ చేశారు. ఆర్గుమెంట్ కావాలంటే తాను కదలనని.. ఎంతసేపైనా మాట్లాడకుందామని హరీష్ శంకర్ సీరియస్ అయ్యారు.
వినేవాడు సురేష్ అయితే చెప్పేవాడు హరీష్
– #2018Movie Telugu Press Meet pic.twitter.com/ocQvFzox9i
— 𝐁𝐡𝐞𝐞𝐬𝐡𝐦𝐚 𝐓𝐚𝐥𝐤𝐬 (@BheeshmaTalks) May 24, 2023
