follow us:
దర్శకుడు ధీరుడు రాజమౌళి తెరకెక్కించిన ఆర్ఆర్ఆర్ చిత్రం ఇండియాలో ఎలాంటి రికార్డులు సృష్టించిందో ప్రత్యేకంగా చెప్పాల్సిన పనిలేదు. ఇక విదేశాల్లో కూడా ఈ సినిమా సత్తా చాటింది. కలెక్షన్ల పరంగా భారీ వసూళ్ల సాధించిన ఆర్ఆర్ఆర్ చిత్రం.. పలు అంతర్జాతీయ వేదికల మీద ప్రదర్శితం అవుతూ.. అవార్డులు సొంతం చేసుకుంటుంది. ఈ క్రమంలో తాజాగా ఆర్ఆర్ఆర్.. అంతర్జాతీయ వేదిక మీద సత్తా చాటి.. మరో అరుదైన అవార్డు దక్కించుకుంది. సుమారు ఆరున్నర దశాబ్దాల చరిత్ర కలిగిన ప్రతిష్టాత్మక గోల్డెన్ గ్లోబ్ అవార్డులకు బెస్ట్ నాన్ – ఇంగ్లీష్ లాంగ్వేజ్ ఫిల్మ్ కేటగిరీలో ‘ఆర్ఆర్ఆర్’ నామినేట్ అయిన సంగతి తెలిసిందే.
అలానే బెస్ట్ ఒరిజినల్ సాంగ్ కేటగిరీలో సంగీత దర్శకుడు ఎం.ఎం. కీరవాణి, లిరిసిస్ట్ చంద్రబోస్ కాంబినేషన్‌లో వచ్చిన నాటు నాటు సాంగ్ సైతం నామినేషన్ దక్కించుకుంది. ఈ క్రమంలో ఆర్ఆర్ఆర్ మూవీ గోల్డెన్ గ్లోబ్ అవార్డు దక్కించుకుంది. భారతీయ కాలమానం ప్రకారం బుధవారం ఉదయం ప్రారంభమైన అవార్డుల కార్యక్రమంలో.. నాటు నాటు పాటకు గాను.. ఎంఎం కీరవాణి అవార్డును అందుకున్నారు.
గోల్డెన్ గ్లోబ్ అవార్డులు-2023 కార్యక్రమం అమెరికా, కాలిఫోర్నియాలో జరుగుతోంది. ఈ క్రమంలో ట్రిపుల్‌ ఆర్‌ రెండు నామినేషన్‌లతో ఈ అవార్డుల్లో చోటు సంపాదించుకోగా.. బెస్ట్ ఒరిజినల్ సాంగ్ కేటగిరీలో.. అవార్డు అందుకుంది. కీరవాణి ఈ అవార్డును అందుకున్నాడు. కాగా గోల్డెన్ గ్లోబ్ అవార్డు అందుకున్న తొలి భారతీయ చిత్రంగా ఆర్ఆర్ఆర్ రికార్డు సృష్టించింది. నాటు నాటు పాటను కాలభైరవ, రాహుల్‌ సిప్లిగంజ్‌ పాడారు. దీనికి కీరవాణి సంగీతం అందించాడు. చంద్రబోస్ రచయిత.
గోల్డెన్ గ్లోబ్ అవార్డుల వేడుకకు కథానాయకులు ఎన్టీఆర్, రామ్ చరణ్, దర్శకుడు రాజమౌళి, సంగీత దర్శకుడు కీరవాణి సతీసమేతంగా హాజరు అయ్యారు. ట్రిపుల్‌ ఆర్‌ టీమ్‌తో పాటు ‘బాహుబలి’ నిర్మాత శోభు యార్లగడ్డ, రాజమౌళి తనయుడు ఎస్.ఎస్. కార్తికేయ కూడా ఉన్నారు. ఇక రెడ్ కార్పెట్ మీద ‘ఆర్ఆర్ఆర్’ చిత్ర బృందం అందరి దృష్టిని ఆకర్షించింది. అంతర్జాతీయ వేదిక మీద భారతీయ సంప్రదాయం ఉట్టిపడే దుస్తుల్లో ఆర్ఆర్ఆర్ టీమ్‌ సందడి చేసింది. మరి ట్రిపుల్‌ ఆర్‌ సాధించిన ఈ అరుదైన అవార్డు పట్ల మీ అభిప్రాయాలను కామెంట్స్‌ రూపంలో తెలియజేయండి.
And the GOLDEN GLOBE AWARD FOR BEST ORIGINAL SONG Goes to #NaatuNaatu #GoldenGlobes #GoldenGlobes2023 #RRRMovie
— DVV Entertainment (@DVVMovies) January 11, 2023
Here we RRR!! ❤️🔥 #GoldenGlobes2023 pic.twitter.com/3Qf5agvvlb
— RRR Movie (@RRRMovie) January 10, 2023
