దర్శకుడు రోహిత్ శెట్టికి ప్రమాదం.. ఆసుపత్రికి తరలింపు!

బాలీవుడ్ అగ్రదర్శకుడు రోహిత్ శెట్టి ప్రమాదానికి గురయ్యారు. హైదరాబాద్ లోని రామోజీ ఫిలిం సిటీలో ఓ సినిమా నిమిత్తం వచ్చిన రోహిత్ శెట్టి.. షూటింగ్ జరిగే సమయంలో గాయపడినట్లు తెలుస్తోంది. వెంటనే చిత్రయూనిట్ రోహిత్ శెట్టిని ఎల్బీ నగర్ లోని కామినేని హాస్పిటల్ కి తరలించారని.. ప్రస్తుతం ఆయన వైద్యుల పర్యవేక్షణలో చికిత్స పొందుతున్నారని సమాచారం. కాగా.. అసలు రోహిత్ శెట్టికి ప్రమాదం ఎలా జరిగింది? ఆయన పరిస్థితి ఎలా ఉందనే వివరాలు తెలియాల్సి ఉంది. ప్రస్తుతానికి రోహిత్ శెట్టి.. సిద్ధార్థ్ మల్హోత్రా హీరోగా ‘కబీర్ మాలిక్’ అనే సినిమాని రూపొందిస్తున్నట్లు తెలుస్తోంది. ఈ క్రమంలో ఓ షెడ్యూల్ ని హైదరాబాద్ రామోజీ ఫిలిం సిటీలో ప్లాన్ చేసుకున్నారట.

బాలీవుడ్ లో రోహిత్ శెట్టి స్టార్ డైరెక్టర్ గా కంటిన్యూ అవుతున్నాడు. కామెడీ యాక్షన్ జానర్ లో సినిమాలు తీసి కెరీర్ లో చాలా పెద్ద హిట్స్ అందుకున్నారు. కానీ.. దాదాపు రోహిత్ శెట్టి తీసిన సినిమాలన్నీ సౌత్ ఫ్లేవర్ ని కలిగి ఉండటం.. తెలుగు, తమిళ సినిమాలనే రీమేక్స్ గా తెరపైకి వచ్చాయి. రోహిత్ శెట్టి తీసిన సినిమాలలో సింగం, సింగం 2, చెన్నై ఎక్స్ ప్రెస్, గోల్ మాల్, సింబా, సూర్యవంశీ లాంటి సినిమాలు బాక్సాఫీస్ వద్ద మంచి విజయాలు సాధించాయి. ఇటీవలే రణ్వీర్ సింగ్ హీరోగా రోహిత్ తెరకెక్కించిన ‘సర్కస్’ సినిమా రిలీజై ఫ్యాన్స్ ని ఆకట్టుకోలేకపోయింది. ఇంతలోనే మరో సినిమా షూటింగ్ లో గాయపడ్డారని వార్త బయటికి వచ్చింది.

Hyderabad schedule 🔥🔥#Indianpoliceforce kabir Malik is on fire 🔥
Crazy action stuff 🔥#Sidharthmalhotra #Rohitshetty
At Ramoji rao film city 🔥 pic.twitter.com/zClZrqtGL7

— Sidxloveee (@sidxloveee) January 7, 2023

.@SidMalhotra resumes shoot for Rohit Shetty’s ambitious cop web show #IndianPoliceForce in Hyderabad 😍💥🇮🇳

According to sources, a huge set has been erected at the iconic Ramoji Rao Film City for the shoot. #SidharthMalhotra #RohitShetty #IndianPoliceForceOnPrime pic.twitter.com/vgDrldKJRJ

— Sidharth Malhotra FC (@SidharthFC_) January 6, 2023