follow us:
తెలుగు ప్రేక్షకులకు సుపరిచితమైన క్యారెక్టర్ ఆర్టిస్ట్ కరాటే కళ్యాణి. చిన్నపాటి కామెడీ రోల్స్ తో అడపాదడపా సినిమాల్లో మెరిసి మంచి గుర్తింపు తెచ్చుకుంది. ఈ మధ్యకాలంలో సినిమా అవకాశాలు తగ్గిపోవడంతో సీరియల్స్ లో నటిస్తుంది. ఇటీవలే రియాలిటీ షో బిగ్ బాస్ 4వ సీజన్ లో పాల్గొని కొద్దిరోజులకే వెనుదిరిగింది. అయితే.. కళ్యాణికి సినిమాలు, సీరియల్స్ లో మాత్రమే కాకుండా రెగ్యులర్ గా వివాదాల్లో కనిపించడం అలవాటే.
ఈ మధ్యకాలంలో వివాదాల్లో నిలుస్తూ ఏదోక విధంగా వార్తల్లోకెక్కుతుంది. తాజాగా కళ్యాణి పై హైదరాబాద్ జగద్గిరిగుట్ట పోలీస్ స్టేషన్ లో కేసు నమోదైంది. వివరాల్లోకి వెళ్తే.. ఇటీవల సైదాబాద్ పరిధిలోని సింగరేణి కాలనీలో జరిగిన ఓ మైనర్ బాలిక హత్య కేసు ప్రస్తుతం కోర్టులో ఉంది. ఆ కేసుకు సంబంధించి సాక్ష్యాలను కరాటే కళ్యాణి లీక్ చేసి.. కేసును తారుమారు చేసే ప్రయత్నం చేసిందని నితీష్ అనే వ్యక్తి రంగారెడ్డి కోర్టులో కళ్యాణి పై కేసు వేశాడు.
ఆ కారణంగా కళ్యాణి పై రంగారెడ్డి జిల్లా కోర్టు కేసు నమోదు చేయాలనీ జగద్గిరిగుట్ట పోలీసులకు ఆదేశాలు పంపింది. కేసు అయితే నమోదైంది.. కానీ ఆ మైనర్ బాలిక హత్యకి, కరాటే కళ్యాణికి సంబంధం ఏంటని వివరాలు బయటికి రాలేదు. ఓవైపు ఈ కేసు విషయంలో కరాటే కళ్యాణి నుండి ఎలాంటి స్పందన రాలేదు. ఇదిలా ఉండగా.. ఇటీవలే బండి సంజయ్ ఆధ్వర్యంలో కళ్యాణి బీజేపీ కండువా కప్పుకుంది. అలాగే మా ఎన్నికల్లో కూడా విష్ణు ప్యానల్ తరపున సెక్రెటరీగా పోటీ చేసింది. మరి ఈ కేసు ఈ విషయంపై మీ అభిపాయాలను కామెంట్స్ రూపంలో తెలియజేయండి.
