follow us:
నవ్వు రెండు రకాలు. నలుగురిని నవ్వించే నవ్వు ఒక్కటైతే, తాము నవ్వులపాలు అయ్యే హాస్యం మరో రకం. ఇక్కడ దురదృష్టం ఏమిటంటే తెలుగు బుల్లితెరపై ఈ రెండో రకం హాస్యమే ఎక్కువైంది. కుటుంబంతో కలసి కాలక్షేపం చేయతగ్గ షోలు మన దగ్గర చాలా తక్కువ అయిపోయాయి. ఒక వర్గాన్నో, మతాన్నో, కులాన్నో కించపరచడం, లేదా..? బి- గ్రేడ్ పంచ్ లతో రచ్చ చేయడం. ఇదే ప్రతి షో ఫార్ములా అయిపోయింది. మొన్నటి మొన్న ఓ కార్యక్రమంలో హైపర్ ఆది తెలంగాణ సంస్కృతిని కించపరిచి ఎలా ఇబ్బందుల్లో పడ్డాడో, తరువాత ఎలా క్షమాపణలు చెప్పాడో అందరం చూశాము. ఆ తరువాత మరో మేల్ యాంకర్ ప్రదీప్ మాచిరాజు కూడా ఇలానే వార్తల్లో నిలిచాడు. ఇక ఇప్పుడు తాజాగా ఫీమేల్ యాంకర్ అషు రెడ్డి స్టేజ్ పైనే కాస్త ఘాటైన వ్యాఖ్యలు చేసి వార్తల్లో నిలిచింది.
డబ్ స్మాష్ లో వీడియోలు చేస్తూ జూనియర్ సమంత గా క్రేజ్ దక్కించుకుంది అషు రెడ్డి. ఆ తరువాత బిగ్ బాస్ లోకి ఎంట్రీ ఇచ్చింది. అక్కడ పొట్టి బట్టలతో అదరకొట్టింది గాని.., ఆటతో ఆకట్టుకోలేకపోయింది. ఆ తరువాత బయటకి వచ్చి కొన్ని షోస్ లో మెరిసినా ఈ అమ్మడికి అంతగా అవకాశాలు రాలేదు. కానీ.., ఇప్పుడు యాంకర్ గా అషు రెడ్డికి ఓ షో దక్కింది. ప్రస్తుతం యాంకర్ రవి, అషు రెడ్డి లు కలిసి ‘హ్యాపీ డేస్’ అనే షో చేస్తున్నారు. ఇందులో ఎక్స్ ప్రెస్ హరి, జబర్దస్త్ అజయ్ కూడా చేస్తున్నారు. ఈ షోలో స్టూడెంట్స్ అదనపు ఆకర్షణ. తాజాగా ఈ షో కు సంబంధించిన ప్రోమో విడుదల అయ్యింది. ఇప్పుడు ఈ ప్రోమో అసలు రచ్చకి కారణం అయ్యింది. ప్రోమోలో ఓ స్టూడెంట్ యాంకర్ రవిని.. మీరు చాలా మంది లేడీ యాంకర్ లతో చేశారు కదా అని ఏదో అడుగుతాడు. అక్కడ వెంటనే అషు రెడ్డి.. కల్పించుకుని లేడీ యాంకర్ల తో ఏం చేశాడు అంటూ డబుల్ మీనింగ్ డైలాగ్ వచ్చేలా ప్రశ్నించింది. దీంతో రవి షాక్ అవ్వగా అక్కడున్న స్టూడెంట్ వేరే అర్థంతో స్టన్ అయిపోయారు. ఒక లేడీ అయ్యిండి, మిగతా లేడీ యాంకర్స్ పై అషు రెడ్డి ఆ సెటైర్ ఎలా వేయగలిగిందంటూ నెటిజన్స్ ఆమెని ఒక ఆడుకుంటున్నారు. అంత మంది పిల్లల ముందు, లేడీ యాంకర్స్ పై అషు రెడ్డి ఇలా కామెంట్స్ చేయడంపై మీ అభిప్రాయాలను కామెంట్స్ రూపంలో తెలియచేయండి.
