అఖిల్ ని అయ్యగారు చేసిన ఈ ఫ్యాన్ ఎవరు? అయ్యగారు ఫ్యాన్ బ్యాగ్రౌండ్ ఇదే!

తెలుగు సినీ పరిశ్రమలో చాలా మంది హీరోలు ఉన్నారు. వారికి లక్షల మంది ఫ్యాన్స్ ఉన్నారు. కానీ.., తన అభిమానంతో హీరోనే డామినేషన్ చేసిన ఫ్యాన్ ని మీరు ఎప్పుడైనా చూశారా? ఇన్నాళ్ల తెలుగు సినీ చరిత్రలో అలాంటి అభిమాని ఒకే ఒక్కడు ఉన్నాడు. అతనే అక్కినేని అఖిల్ ని అయ్యగారిగా మార్చేసిన అఖిల్ అభిమాని.

అక్కినేని అఖిల్ కూడా తన సూపర్ ఫ్యాన్ గురించి స్పందించాడు. “బ్రదర్ మీరు ఎవరో నాకు తెలియదు. మీరు నాకు పెట్టిన అయ్యగారు అనే పేరు నా జీవితంలో భాగం అయిపోయింది. అంతా ముందు ఆ పేరుతో నన్ను ట్రోల్స్ చేశారు. ఇప్పుడు ఆ మాటనే గొప్పగా పిలుస్తున్నారు. మిమ్మల్ని తప్పక కలుస్తాను బ్రదర్ . మీరు బాగుండాలి” అంటూ అఖిల్ తన ఫ్యాన్ గురించి మాట్లాడాడు. ఈ నేపథ్యంలో అసలు ఎవరీ అయ్యగారుఅభిమాని? ఎక్కడ నుండి వచ్చాడు? ఇతని నేపథ్యం ఏమిటి? ఎక్కడ ఉంటాడు? అన్న చర్చ సోషల్ మీడియాలో విపరీతంగా నడుస్తోంది. ఇప్పుడు ఆ డీటైల్స్ అన్నీ మనం తెలుసుకుందాం.

అక్కినేని అఖిల్ ని అయ్యగారుగా మార్చేసిన ఈ అభిమాని అసలు పేరు నాగరాజు. ఇతను గుంటూరులో ఓ సాధారణ దినసరి కూలీగా జీవిస్తున్నాడు. కానీ.., నాగరాజుకి చిన్ననాటి నుండి సినిమాలంటే ఇష్టం. అక్కినేని హీరోల సినిమాలు అంటే మరీ మరీ ఇష్టం. ఇక అక్కినేని నాగార్జున అంటే ప్రాణం. మా కింగ్ సూపర్ అంటూ.. థియేటర్స్ వద్ద సందడి చేయడం నాగరాజుకి ముందు నుండి అలవాటే.

ఈ నేపథ్యంలోనే ఓసారి గుంటూరులోని పల్లవి కాంప్లెక్స్ ధియేటర్ లో రిలీజ్ అయిన “రాజుగారి గది-2” సినిమా ఫ్యాన్స్ షోకి నాగరాజు వచ్చాడు. ఆ సినిమా నాగరాజుని అంతగా ఆకట్టుకోలేదు. తన అభిమాన హీరో మూవీ తాను అనుకున్న స్థాయిలో లేకపోయేసరికి నాగరాజుకి బాధ వేసింది. ఆ బాధలోనే.. “కింగ్ కొడుకు రావాలి, అఖిలే నెంబర్ వన్, ఎవరి వల్లా కాదు.., అయ్యగారే కరెక్ట్. అయ్యగారే నెంబర్ వన్, అయ్యగారు రావాల్సిందే అంటూ నానా రచ్చ చేసేశాడు నాగరాజు. ఆ వీడియో కాస్త సోషల్ మీడియాలో వైరల్ అయ్యింది.

అక్కడి నుండి అఖిల్ కి అయ్యగారు అనే పేరు పడిపోయింది. ఇదే సమయంలో నాగరాజుకి కూడా విపరీతమైన ఫాలోయింగ్ వచ్చేసింది. మోస్ట్ ఫ్యాన్ బేస్ ఉన్న ఫ్యాన్ అంటూ నాగారాజుపై ఓ రేంజ్ లో మీమ్స్ రావడం స్టార్ట్ అయ్యాయి. అయితే.., నాగరాజు అభిమానంలో స్వార్ధం ఉండదు. తనకి వచ్చిన ఫేమ్ తో సోషల్ మీడియా పేజ్ ఓపెన్ చేయడం, ఇంటర్వ్యూలు ఇచ్చి డబ్బులు తీసుకోవడం, అఖిల్ పై అభిమానాన్ని అడ్డుపెట్టుకుని కాసులు రాబట్టుకోవడం నాగరాజుకి తెలియదు. అతను మోస్ట్ లాయల్ ఫ్యాన్.

అక్కినేని హీరోల సినిమాలు విడుదల ఉంటేనే కెమెరా కంటికి కనిపిస్తాడు. లేదంటే తన కూలి పని తాను చేసుకుంటూ మాములుగా జీవిస్తుంటాడు. ఇప్పుడు కూడా తన అయ్యగారి మోస్ట్ ఎలిజిబుల్ బ్యాచిలర్ మూవీ రిలీజ్ అయ్యింది కాబట్టే.. నాగరాజు కెమెరా కంటికి చిక్కాడు. లేకుంటే అస్సలు కనిపించే వాడు కాదు. అక్కినేని హీరోలపై ఇంతటి నిస్వార్థమైన ప్రేమ నాగరాజుది. ఇలాంటి ఓ మంచి అభిమానిని అక్కినేని హీరోలు కలసి, అతనికి ఏమైనా సహాయం చేయాల్సిందిగా నెటిజన్స్ కోరుకుంటున్నారు. మరి.. ఈ విషయంలో మీ అభిప్రాయాలను కామెంట్స్ రూపంలో తెలియచేయండి.

Evari valla kaadu ….🤩#cult is back 💥😂#MostEligibleBachelor pic.twitter.com/IGDhq7SHnA

— Urstruly Vnay🔔 (@UrstrulyVnay) October 15, 2021