follow us:
ఆర్ఆర్ఆర్ మూవీతో సీత పాత్రలో మెస్మరైజ్ చేసిన అలియా భట్.. మహిళల పట్ల సమాజం చూపే వివక్షపై ఘాటు వ్యాఖ్యలు చేశారు. తాను కూడా వివక్షకు గురయ్యానని డార్లింగ్స్ మూవీ ప్రమోషనల్ ఈవెంట్‌లో చెప్పుకొచ్చారు. ఈ సమాజంలో ఆడవాళ్లను ఒకలా, మగవారిని ఒకలా చూస్తున్నారని, లింగ వివక్షత ఇంకా ఉందని ఆమె ఘాటు వ్యాఖ్యలు చేశారు. ఇప్పుడున్నంత ఆలోచన, మెచ్యూరిటీ ఒకప్పుడు తనకు లేవని, అందుకే కొందరు మాట్లాడే లింగ వివక్షత వ్యాఖ్యలు అర్ధమయ్యేవి కాదని అన్నారు. లింగ వివక్షపరమైన సమస్యలను తాను చాలా సార్లు ఎదుర్కున్నానని అమె వెల్లడించారు.
“చాలా సెన్సిటివ్‌గా ఉన్నావు. ఇంత సెన్సిటివ్‌గా ఉండకు. నువ్వేమైనా బహిష్టు సమస్యలతో బాధపడుతున్నావా” అంటూ ఎగతాళి చేసేవారని అలియా భట్ చెప్పుకొచ్చారు. అలా ఎగతాళి చేసినప్పుడు తనకి ఎంతగానో కోపం వచ్చేదని అన్నారు. అయినా మహిళలు బహిష్టు సమస్యలతో బాధపడుతున్నారు కాబట్టే ఈ సృష్టి ముందుకు నడుస్తుందని ఆమె అన్నారు. మహిళల్లో మార్పులు రావడం సహజమని, అలాంటి వాటి గురించి మాట్లాడినప్పుడు చికాకుగా అనిపించేదని అలియా వెల్లడించారు.
ఈ విషయంలోనే కాదు, లోదుస్తుల విషయంలో కూడా వివక్ష చూపిస్తారని మండిపడ్డారు. “బ్రాని అలా బెడ్‌ మీద పడేయకు, తీసి దాచి పెట్టు” అనేవారని.. అప్పటి సంగతులని గుర్తుచేశారు. అప్పుడంటే ఏమీ తెలియక అలా సైలెంట్‌గా ఉన్న అలియా, ఇప్పుడు మాత్రం స్ట్రాంగ్‌గానే స్పందిస్తున్నారు. “బ్రాని ఎందుకు దాచి పెట్టాలి? బ్రా కూడా మనం ధరించే దుస్తుల్లో భాగమే కదా” అంటూ ఓపెన్‌ కామెంట్స్ చేశారు. “మగవాళ్ళ లోదుస్తులు కనిపిస్తే ఎవరూ పట్టించుకోరు. దాని గురించి మనం మాట్లాడకూడదు. కానీ మహిళ బ్రా కనిపిస్తే మాత్రం సీన్ క్రియేట్‌ చేస్తారంటూ” ఘాటు వ్యాఖ్యలు చేశారు.
ప్రస్తుతం అలియా చేసిన వ్యాఖ్యలు సోషల్‌ మీడియాలో వైరల్ అవుతున్నాయి. అయితే ఈ వ్యాఖ్యలపై ఒక్కొక్కరూ ఒక్కోలా స్పందిస్తున్నారు. ఈమె నటించిన డార్లింగ్స్ మూవీ ప్రమోషనల్ ఈవెంట్‌లో భాగంగా ఆమె ఈ విధంగా కామెంట్స్ చేశారు. ఇక ఈ మూవీ ఆగస్ట్ 5న ఓటీటీలో రిలీజ్ కాబోతుంది. రీసెంట్‌గా బాలీవుడ్ స్టార్ హీరో రణ్‌బీర్‌ కపూర్‌ని పెళ్లి చేసుకున్న ఆలియా భట్ ప్రస్తుతం ప్రెగ్నెన్సీతో ఉంది. ప్రెగ్నెన్సీ సమయంలో కూడా చురుగ్గా ప్రమోషన్స్‌లో పాల్గొంటోంది. మరి అలియా భట్ చేసిన వ్యాఖ్యలపై మీ అభిప్రాయమేంటో కామెంట్ చేయండి.
View this post on Instagram
