‘దసరా’ పైనే నాని ఆశలు.. కంటెంట్ బాగున్నా ఇంత కష్టం దేనికి అంటే?

టాలీవుడ్ స్టార్ హీరోల్లో ఒకరిగా క్రేజ్ సంపాదించుకున్నారు నాని. తనదైన నటనతో అన్నివర్గాల ప్రేక్షకులనూ ఆకట్టుకుంటూ న్యాచురల్ స్టార్​ అనే ఇమేజ్ సంపాదించారు. ఆయన సినిమాలకు ప్రత్యేకమైన ఫ్యాన్ బేస్ ఉంది. అలాంటి నానికి ఈమధ్య సరైన హిట్లు పడలేదు. 2019లో వచ్చిన ‘జెర్సీ’ తర్వాత ఆ స్థాయి విజయం మళ్లీ రాలేదు. ‘గ్యాంగ్ లీడర్’, ‘టక్ జగదీష్’ చిత్రాలు ఆడియెన్స్​ను అంతగా ఆకట్టుకోలేదు. ‘శ్యామ్ సింగరాయ్’ సినిమా ఓ మోస్తరు విజయాన్ని అందుకుంది. ఈ మూవీ బాగుందనే టాక్ తెచ్చుకున్నప్పటికీ, కలెక్షన్లలో మాత్రం నాని స్టామినాను అందుకోవడంలో విఫలమైంది.

గతేడాది రిలీజైన ‘అంటే సుందరానికీ’ కూడా బాక్సాఫీస్ వద్ద సత్తా చాటలేకపోయింది. ఏ క్లాస్ ఆడియెన్స్ మాత్రమే దీనికి అండగా నిలిచారు. సాధారణంగా నాని చిత్రాలకు యువత నుంచి ఆదరణ బాగా ఉంటుంది. కానీ ఈమధ్య ఆయన సినిమాలు వారికి కనెక్ట్ అవ్వట్లేదని సినీ విశ్లేషకులు అంటున్నారు. ఈ నేపథ్యంలో ఎలాగైనా హిట్ కొట్టాలనే కసిమీద ఉన్నాడీ యంగ్ హీరో. ఇప్పుడు ‘దసరా’ సినిమాతో అందర్నీ పలకరించేందుకు సిద్ధమవుతున్నాడు. టాలీవుడ్​తో పాటు పాన్ ఇండియా ఆడియెన్స్​ను టార్గెట్ చేస్తూ తమిళం, కన్నడ, మలయాళం, హిందీ భాషల్లో ఈ మూవీ రిలీజ్ కానుంది. కొడితే ఏనుగు కుంభస్థలాన్నే కొట్టాలని అన్నట్లు.. ఏకంగా పాన్ ఇండియా రేంజ్​లో రచ్చ చేయాలని ప్లాన్ వేస్తున్నాడు నాని.

‘దసరా’ నుంచి రిలీజైన పాటలు, టీజర్, ట్రైలర్ అందర్నీ ఆకట్టుకుంటున్నాయి. ఈసారి యూత్​తో పాటు మాస్ ఆడియెన్స్​ను లక్ష్యంగా చేసుకుని బాక్సాఫీస్ బరిలోకి దిగుతున్నాడు నాని. ట్రైలర్​ గూస్​బంప్స్​ తెప్పించేలా ఉంది. తెలంగాణ నేటివిటీ, ఫైట్స్, పాటలు అంతా వైవిధ్యంగా ఉన్నాయి. నాని కూడా ఊరమాస్ అవతారంలో సరికొత్తగా కనిపిస్తున్నాడు. కంటెంట్ బాగుండటం, నాని లుక్​తో సినిమాపై విపరీతమైన అంచనాలు ఏర్పడ్డాయి. అయినా నాని ‘దసరా’ను ఇంకా ప్రమోట్ చేస్తున్నాడు. హిందీ రిలీజ్​ను దృష్టిలో ఉంచుకుని ట్రైలర్​ను ఉత్తర్​ప్రదేశ్​లోని లక్నోలో రిలీజ్ చేశారు.

లక్నోలో నానికి అభిమానుల నుంచి గ్రాండ్​ వెల్​కమ్ లభించింది. ఈ సందర్భంగా అక్కడి ప్రతిభ థియేటర్ దగ్గర లారీ ఎక్కి ప్రేక్షకుల్లో ఉత్సాహం నింపారు న్యాచురల్ స్టార్. అలాగే ప్రఖ్యాత రాయల్ కేఫ్​లో కస్టమర్లకు తన చేతులతో వడ్డించారు. ట్రైలర్ లాంఛ్ తర్వాత హిందీ మీడియా ప్రతినిధులు అడిగిన ప్రశ్నలకు సమాధానాలు ఇచ్చారు. ‘దసరా’ ప్రమోషన్స్ కోసం ఇటీవలే తమిళనాడును కూడా సందర్శించారు నాని. ఈ విధంగా ఎక్కడా తగ్గేదేలే అంటూ సినిమాను ప్రమోట్ చేస్తున్నారు. న్యాచురల్ స్టార్ గంపెడాశలు పెట్టుకున్న ‘దసరా’ ఆయనకు ఎలాంటి విజయాన్ని అందిస్తుందో చూడాలి. మరి.. నాని అప్​కమింగ్ మూవీ ‘దసరా’ను చూసేందుకు మీరూ ఆతృతగా ఎదురు చూస్తున్నారా? అయితే మీ అభిప్రాయాలను కామెంట్ల రూపంలో తెలియజేయండి.

Natural 🌟 @NameisNani & Team #Dasara visited the most famous ROYAL CAFE in Lucknow.

They have tasted special Chat & #Nani served to some of the customers. 😍😍#DasaraOnMarch30th 🔥 @SLVCinemasOffl pic.twitter.com/yofA4Fz66M

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) March 14, 2023

A launch to remember!
South’s superstar Nani makes a spectacular entry on the truck at the trailer launch of his highly anticipated film #Dasara in Lucknow! 😍@nameisnani#Nani #massalert#Dasara #DasaraOnMarch30th @viralbhayani77 pic.twitter.com/vvzfbujrSG

— Viral Bhayani (@viralbhayani77) March 14, 2023