India Post GDS Recruitment 2022: 38926 పోస్టు ఆఫీస్ ఉద్యోగాల భర్తీకి నోటిఫికేషన్ రిలీజ్!

ప్రభుత్వ ఉద్యోగాల కోసం చూస్తున్న నిరుద్యోగులకు ఇండియా పోస్ట్ శుభవార్త చెప్పింది. దేశవ్యాప్తంగా వివిధ పోస్ట్ ఆఫీసుల్లో ఉన్న గ్రామీణ డాక్ సేవక్ పోస్టుల్ని భర్తీ చేయడానికి నోటిఫికేషన్‌ విడుదల చేసింది. ఈ నోటిఫికేషన్‌ ద్వారా దేశవ్యాప్తంగా 38,926 పోస్టులను భర్తీ చేయనుంది. వీటిలో గ్రామీణ డాక్ సేవక్ పోస్టులతో పాటు బ్రాంచ్ పోస్ట్ మాస్టర్, అసిస్టెంట్ బ్రాంచ్ పోస్ట్ మాస్టర్ పోస్టులున్నాయి. ఇక.. తెలుగు రాష్ట్రాలలో తెలంగాణ- 1426, ఆంధ్రప్రదేశ్‌- 1934 పోస్టులను భర్తీ చేయనున్నారు. ఈ పోస్టులకు దరఖాస్తు ప్రక్రియ మే 02 నుంచి ప్రారంభమైంది. జూన్ 5 దరఖాస్తులకు చివరి తేది.

పదవ తరగతి పాసైనవారంతా ఈ పోస్టులకు అప్లయ్‌ చేసుకోవచ్చు. ఎలాంటి ఎగ్జామ్ ఉండదు. దరఖాస్తు చేసుకున్న అభ్యర్థులకు పదవ తరగతిలో వచ్చిన మార్కుల్ని పరిగణలోకి తీసుకొని మెరిట్‌ ఆధారంగా ఎంపిక చేస్తారు. బ్రాంచ్ పోస్ట్ మాస్టర్ కి రూ. 12000, అసిస్టెంట్ బ్రాంచ్ పోస్ట్ మాస్టర్/ డాక్ సేవక్ కి 10,000 వేతనం చెల్లిస్తారు.

ముఖ్య సమాచారం:

విద్యార్హతలు: 10వ తరగతి పాసై ఉండాలి. స్థానిక భాషలో 10వ తరగతి వరకు చదివి ఉండాలి.

వయస్సు: 18 ఏళ్ల నుంచి 40 ఏళ్ల లోపు వారు అర్హులు. (SC, ST అభ్యర్థులకు 5 ఏళ్లు, OBC అభ్యర్థులకు 3 ఏళ్లు, దివ్యాంగులకు 10 ఏళ్లు వయస్సులో సడలింపు ఉంటుంది)

దరఖాస్తు ఫీజు: రూ.100 (ఎస్‌సీ, ఎస్‌టీ, దివ్యాంగులు, మహిళలు, ట్రాన్స్‌వుమెన్‌కు ఫీజు లేదు)

ఎంపిక విధానం: టెన్త్‌ క్లాస్‌ మార్కుల మెరిట్ ఆధారంగా ఎంపిక.

సబ్‌మిట్ చేయాల్సిన డాక్యుమెంట్స్: 10వ తరగతి మెమో, ఫోటో, సంతకం.

దరఖాస్తు ప్రారంభ తేదీ: మే 2, 2022

దరఖాస్తు చివరి తేదీ: జూన్ 5, 2022

పూర్తి వివరాలకు ఇండియా పోస్ట్ వెబ్ సైట్(https://indiapostgdsonline.gov.in/) ను సంప్రదించండి.

India Post GDS recruitment 2022

Vacancy: 38,926 Posts

Full Notification: https://t.co/HjQPhNzhbB#indianpost #gds #jammu #jkbillboard #postoffice #indianpostoffice https://t.co/SZA7wn8P3G pic.twitter.com/RteYoWEUbR

— J&K Billboard (@jk_billboard) May 3, 2022

• మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.