MS Dhoni: ట్రోఫీ గెలిచినా ధోని సీరియస్.. దీపక్ చాహర్​పై కోపంతో..!

వరల్డ్ క్రికెట్​లో బెస్ట్ కెప్టెన్లలో తాను ఒకడ్నని మరోసారి నిరూపించుకున్నాడు ఎంఎస్ ధోని. టీమిండియాకు ఎన్నో అరుదైన విజయాలు, ట్రోఫీలు అందించిన తల.. ఇండియన్ ప్రీమియర్​ లీగ్​లోనూ తిరుగులేని సారథిగా పేరు తెచ్చుకున్నాడు. చెన్నై సూపర్ కింగ్స్ జట్టుకు ఇప్పటికే నాలుగుసార్లు ట్రోఫీని అందించిన ధోని.. మరో టైటిల్​ను ఆ టీమ్​ ఒడిలో చేర్చాడు. పెద్దగా స్టార్లు లేని జట్టును తన కెప్టెన్సీ స్కిల్స్​తో ఫైనల్​కు తీసుకొచ్చిన ధోని.. అందుబాటులో ఉన్న ఆటగాళ్లను అద్భుతంగా వినియోగించుకొని కప్ ఎగరేసుకుపోయాడు. ఐపీఎల్​ ఫైనల్స్​లో ఫస్ట్ బ్యాటింగ్ చేసిన జట్లవే మెజారిటీ విజయాలు. కానీ వర్షం ముప్పు ఉండటంతో ఛేజింగ్​కే మొగ్గు చూపాడు ధోని. గుజరాత్ సంధించిన 214 రన్స్​ భారీ స్కోరును ఛేధించడం చెన్నైకి కష్టమేనని అందరూ అనుకున్నారు.

వర్షం ఆగాక అర్ధరాత్రి మ్యాచ్ మళ్లీ మొదలైన తర్వాత చెన్నై గెలుపునకు 15 ఓవర్లలో 171 రన్స్ టార్గెట్​గా నిర్దేశించారు. అయితే సీఎస్​కే బ్యాటర్లు తగ్గేదేలే అంటూ దుమ్మురేపారు. ఆఖర్లో జడేజా ఒక సిక్స్, ఫోర్ కొట్టి జట్టుకు విజయాన్ని, ట్రోఫీని అందించాడు. తన రిటైర్మెంట్ గురించి వార్తలు వస్తున్న నేపథ్యంలో 42 ఏళ్ల వయసులో మరో ట్రోఫీ అందుకొని కెరీర్​ను చిరస్మరణీయం చేసుకున్నాడు ధోని. కానీ ట్రోఫీ గెలిచినా కూడా ధోని ఒక ప్లేయర్ విషయంలో కాస్తంత సీరియస్ అవ్వడం హాట్ టాపిక్​గా మారింది. మ్యాచ్ అనంతరం తన దగ్గరకు ఆటోగ్రాఫ్ కోసం వచ్చిన సీఎస్​కే పేసర్ దీపక్ చాహర్​పై ధోని సీరియస్ అయ్యాడు. అతడ్ని చూడగానే ధోనీకి కోపం వచ్చింది. ఆటోగ్రాఫ్ ఇవ్వనని.. అతడ్ని కాసేపు ఇబ్బంది పెట్టాడు. అయితే చివరకు చాహర్​ టీషర్ట్​పై ధోని సంతకం చేశాడు. ధోని రియాక్షన్ వీడియో నెట్టింట వైరల్ అవుతోంది.

Deepak Chahar came for autograph and MS Dhoni reaction 🤣🤣pic.twitter.com/n0xMu2KlOq

— 🎰 (@StanMSD) May 29, 2023