IPL 2022: కోల్‌కతా కొంపముంచిన ఆ ఒక్క నిర్ణయం! లాస్ట్ బాల్ నరైన్ ఆడుంటే కథ వేరుండేది!

ఐపీఎల్‌ 2022లో బుధవారం కోల్‌కత్తా నైట్‌ రైడర్స్‌, లక్నో సూపర్‌ జెయింట్స్‌ మధ్య సూపర్‌ థ్రిల్లింగ్‌ మ్యాచ్‌ జరిగింది. ఆఖరి బంతి వరకు ఉత్కంఠభరితంగా సాగిన ఈ మ్యాచ్‌లో లక్నో 2 పరుగుల తేడాతో విజయం సాధించింది. అయితే.. ఈ మ్యాచులో ఐదో బంతికి రింకూ సింగ్ క్యాచ్ అవుట్ గా వెనుదిరిగాక.. నాన్ స్ట్రైక్ లో ఉన్ననరైన్ స్ట్రైక్ తీసుకోకపోవడంపై పెద్ద ఎత్తున విమర్శలు వస్తున్నాయి. ఎందుకు నరైన్ స్ట్రైక్ తీసుకోలేదంటూ అందరూ ప్రశ్నిస్తున్నారు. అయితే.. ఐసీసీ.. ఐపీఎల్ టోర్నీ ప్రారంభానికి ముందే కొన్ని కొత్త రూల్స్ అమలులోకి తీసుకొచ్చింది. ఈ రూల్స్.. కేకేఆర్ ప్లేఆఫ్స్ ఆశలను దూరం చేశాయనే విమర్శలు వినిపిస్తున్నాయి. ఇంతకీ ఆ రూల్స్ ఏంటో ఇప్పుడు తెలుసుకుందాం..

“ప్రస్తుతం ఉన్న రూల్స్ ప్రకారం.. ఆటగాడు క్యాచ్ ఔట్ అయితే.. ఫీల్డర్ క్యాచ్ పట్టేలోపు ఇద్దరు బ్యాట్స్‌మెన్లు క్రాస్ అయితే.. నాన్ స్ట్రైకింగ్ బ్యాట్స్‌మెన్‌కు ‘స్ట్రైకింగ్’ వచ్చేవాడు. అయితే ఇందులో ఐసీసీ చిన్న మార్పు చేసింది. బ్యాట్స్‌మెన్ క్యాచ్ ఔట్ అయితే.. కొత్తగా వచ్చే బ్యాట్స్‌మెన్ ‘స్ట్రైకింగ్’ చేయాల్సి ఉంటుంది. ఓవర్ చివరి బంతికి బ్యాట్స్‌మెన్ ఔట్ అయితే.. యాథావిధిగా నాన్ స్ట్రైకింగ్ బ్యాట్స్‌మెన్‌కు స్ట్రైకింగ్ వస్తుంది”. ఈ కొత్త నిబంధనల ప్రకారం.. స్ట్రైక్ తీసుకోలేకపోయిన నరైన్ నాన్ స్ట్రైక్ ఎండ్ లోనే ఉండిపోయాడు. చివరి బంతికి ఉమేష్ యాదవ్ క్లీన్‌ బౌల్డ్‌ అవ్వడంతో కేకేఆర్ కథ ముగిసింది. ఈ కొత్త నిబంధనలే కేకేఆర్‌ కొంపముంచాయని కేకేఆర్‌ అభిమానులు సోషల్‌ మీడియాలో కామెంట్స్ చేస్తున్నారు.

తొలుత బ్యాటింగ్‌ చేసిన లక్నో నిర్ణీత 20 ఓవర్లలో 210 పరుగుల భారీ స్కోర్‌ చేసింది. అనంతరం.. లక్ష్యఛేదనకు దిగిన కేకేఆర్ 19 ఓవర్లు ముగిసేసరికి 6 వికెట్ల నష్టానికి 190 పరుగులు చేసింది. దీంతో చివరి ఓవర్లో 21పరుగులు చేయాల్సిన పరిస్థితి నెలకొంది. ఈ టైంలో రింకూ సింగ్ ఆకాశమే హద్దుగా చెలరేగిపోయాడు. మార్కస్ స్టోయినిస్ బౌలింగ్లో వరుసగా 4, 6, 6, బాదాడు. దీంతో 3 బంతుల్లో 5 పరుగులు చేయాల్సిన పరిస్థితుల్లో రింకూ క్యాచ్ అవుట్ గా వెనుదిరగడంతో కేకేఆర్‌ కథ ముగిసింది. చివరి బంతికి ఉమేష్ యాదవ్ క్లీన్‌ బౌల్డ్‌ అవ్వడంతో కేకేఆర్ 2 పరుగుల తేడాతో ఓడింది. ఇప్పుడు ఇదే వివాదానికి దారి తీస్తోంది. అప్పటికే.. మూడు సిక్సులు కొట్టి మంచి ఊపుమీదున్న నరైన స్ట్రైక్‌ తీసుకుని ఉంటే కేకేఆర్‌ ఈ మ్యాచ్‌లో గెలిచి ఉండేదని కేకేఆర్‌ ఫ్యాన్స్‌ అభిప్రాయపడుతున్నారు. కొత్త బ్యాటర్‌ స్ట్రైక్‌ తీసుకోవాలన్న నిబంధనపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Rinku Singh: రింకూ సింగ్‌.. మ్యాచ్‌ ఓడినా మనసులు గెలిచాడు! ఎవరితను?

Marcus Stoinis and Rinku Singh script a last over for the ageshttps://t.co/cAoaQxUNVn

— HT Sports (@HTSportsNews) May 19, 2022

Evin Lewis with a one handed Blinder, my goodness. What a game, what a finish.@klrahul @bishnoi0056 @LucknowIPL pic.twitter.com/UVwdMLODGz

— VISHU MOHANLAL KARWASRA🇮🇳 (@Vishnukarwasra2) May 18, 2022