Daniel Sams: ఇన్ని రోజులు ముంబైకి భారంగా మారిన సామ్స్‌.. భారీ విజయాన్ని అందించాడు

ఐపీఎల్‌ 2022లో 10 మ్యాచ్‌ల్లో ముంబై ఇండియన్స్‌ తమ రెండో గెలుపును నమోదు చేసుకుంది. శుక్రవారం గుజరాత్‌ టైటాన్స్‌తో జరిగిన మ్యాచ్‌లో 5 పరుగుల తేడాతో విజయం సాధించింది. కాగా.. ఈ మ్యాచ్‌లో గుజరాత్‌ను చివరి ఓవర్‌లో కేవలం 9 పరుగులు చేయనియకుండా అడ్డుకున్న డేనియల్‌ సామ్స్‌ ముంబైకి ఊహించని గెలుపును అందించాడు. టోర్నీ ఆరంభంలో ధారళంగా పరుగులు ఇస్తూ.. ముంబై ఓటములకు ఒక కారణమైన సామ్స్‌ ఈ మ్యాచ్‌లో మాత్రం హీరో అయిపోయాడు.

ఈ మ్యాచ్‌లో ముందుగా బ్యాటింగ్ చేసిన ముంబై ఇండియన్స్ నిర్ణీత 20 ఓవర్లలో 6 వికెట్లకు 177 పరుగులు చేసింది. రోహిత్ శర్మ(28 బంతుల్లో5 ఫోర్లు, 2 సిక్స్‌లతో 43), ఇషాన్ కిషన్(29 బంతుల్లో 5 ఫోర్లు, సిక్స్‌తో 45), టీమ్ డేవిడ్ (21 బంతుల్లో 2 ఫోర్లు, 4 సిక్స్‌లతో 44 నాటౌట్) రాణించారు. గుజరాత్ బౌలర్లలో రషీద్ ఖాన్ రెండు వికెట్లు తీయగా.. అల్జారీ జోసెఫ్, లాకీ ఫెర్గూసన్, ప్రదీప్ సంగ్వాన్ తలో వికెట్ పడగొట్టారు. అనంతరం లక్ష్యచేధనకు దిగిన గుజరాత్ టైటాన్స్ 20 ఓవర్లలో 5 వికెట్లకు 173 పరుగులు మాత్రమే చేసి ఓటమిపాలైంది. వృద్దిమాన్ సాహా(40 బంతుల్లో 6 ఫోర్లు, 2 సిక్స్‌లతో 55), శుభ్‌మన్ గిల్(36 బంతుల్లో 6 ఫోర్లు, 2 సిక్స్‌లతో 52) హాఫ్ సెంచరీలతో రాణించారు.

ముంబై బౌలర్లలో మురుగన్ అశ్విన్ రెండు వికెట్లు తీయగా.. పొలార్డ్ ఓ వికెట్ పడగొట్టాడు. కెప్టెన్ హార్దిక్ పాండ్యా రనౌట్ మ్యాచ్‌ను ములపుతిప్పింది. 178 పరుగుల భారీ లక్ష్యంతో బరిలోకి దిగిన గుజరాత్ టైటాన్స్‌కు ఓపెనర్లు శుభ్‌మన్ గిల్, వృద్దిమాన్ సాహా శుభారంభం అందించారు. మురగన్‌ అశ్విన్‌ ఈ ఇద్దరు ఓపెనర్లను ఒకే ఓవర్‌లో అవుట్‌ చేసి గుజరాత్‌ను దెబ్బ కొట్టాడు. ఆ తర్వాత సుదర్శన్‌ హిట్‌ వికెట్‌గా, హార్థిక్‌ పాండా​, తెవాటియా రనౌట్‌ అయ్యారు. దీంతో గుజరాత్‌కు చివరి ఓవర్‌లో 9 పరుగులు అవసరం అయ్యాయి. స్ట్రైక్‌లో డేవిడ్‌ మిల్లర్‌ ఉన్నాడు. అంత గుజరాత్‌దే విజయం అనుకున్నారు. కానీ.. ఆ ఓవర్‌లో సామ్స్‌ కేవలం రెండు పరుగులు మాత్రమే ఇవ్వడంతో ముంబైకి సూపర్‌ విక్టరీ దక్కింది. ఈ విజయంతో ముంబైకు ఎలాంటి ఉపయోగం లేకున్నా.. కొంత ఊపశమనం మాత్రం లభిస్తుంది. మరి డేనియల్‌ సామ్స్‌ చివరి ఓవర్‌పై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Kane Williamson: ఏంటి కేన్ మామ.. ఏమైంది నీకు? SRHని ముంచేశావుగా!

April 6: Gave away 35 runs in an over 👀
May 6: Conceded just three runs in the final over 😮

What a turnaround in one month for Daniel Sams 👏 #IPL2022 #GTvMI pic.twitter.com/tzxlmdELv3

— ESPNcricinfo (@ESPNcricinfo) May 6, 2022

#IPL2022 #DanielSams #GTvMI

“What a redemption!”https://t.co/SmjRrvHWfc

— HT Sports (@HTSportsNews) May 7, 2022

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.