follow us:
ఇటీవలే అక్టోబర్ 26న సూర్యగ్రహణం రావడం చూశాం. ఇప్పుడు నెలరోజుల వ్యవధిలోనే చంద్రగ్రహణం కూడా వస్తున్న విషయం తెలిసిందే. అయితే ఈ సారి నవంబర్ 8న సంపూర్ణ చంద్రగ్రహణం రానుంది. భారత కాలమానం ప్రకారం చంద్రగ్రహణం మధ్యాహ్నం 2.39 గంటల నుంచి సాయంత్రం 6.19 గంటల వరకు ఉంటుంది. అంటే దాదాపు 4 గంటల సమయం పాటు ఈ గ్రహణం ఉండనుంది. నేపాల్, ఇండియా,జపాన్ లతో సహా ప్రపంచంలోని పలు దేశాలపై ఈ సంపూర్ణ చంద్రగ్రహణం ప్రభావం ఉండనుంది. ఈసారి చంద్రగ్రహణం మేషరాశిలో సంభవించనుంది. ఈ చంద్రగ్రహణం 4 రాశుల వారికి అనుకూల ఫలితాలను ఇవ్వనుందని పండితులు చెబుతున్నారు. ఈ గ్రహణం వలన ఆ నాలుగు రాశుల వారికి మంచిగా ఉంటుందని.. ఆర్థిక సంక్షోభం తొలగిపోతుందని జ్యోతిష్యులు చెప్తున్నారు. మరి.. ఏ రాశులవారికి అదృష్టం కలిసి వస్తుందో ఇప్పుడు తెలుసుకుందాం.
జోతిష్యులు తెలిపిన ప్రకారం.. అక్టోబర్ 8న సూర్యగ్రహణం వచ్చింది. నవంబర్ 8న చంద్రగ్రహణం రానుంది. కేవలం పదిహేను రోజుల్లో గ్యాప్ లో రెండు గ్రహణలు సంభవిస్తున్నాయి. అయితే జ్యోతిష్కుల ప్రకారం..ఒక వైపు లేదా 15 రోజులలో వ్యవధిలో రెండు గ్రహణాలు రావడం అనేది ప్రధాన అశుభ సంకేతాలుగా పరిగణిస్తారు. పురాణాల్లో పరిశీలిస్తే.. మహాభారత కాలంలో కూడా ఒకే దశలో రెండు గ్రహణాలు వచ్చాయని చెబుతారు. ఆ తరువాత కురుక్షేత్ర యుద్ధంలో చాలా మంది ప్రాణాలు కోల్పోయారు. అయితే ఈ చంద్రగ్రహణ సమయంలో కూడా 4 రాశుల వారు సంతోషంగా ఉంటారని చెప్తున్నారు జ్యోతిష్యులు. మిథునం, కర్కాటకం, వృశ్చికం, కుంభ రాశుల వారికి శుభ ఫలితాలు ఉన్నట్లు పండితులు తెలిపారు.
చంద్రగ్రహణం రోజు మంచి ఫలితాలు పొందే రాశుల్లో మిథున రాశి ఒకటి. ఈ రాశి వారికి చంద్రగ్రహణం కాలం మంచిది. వారు ఆర్ధిక సంక్షోభాన్ని అధికమిస్తారని జోతిష్యులు చెప్తుతున్నారు. కుటుంబంలో శాంతి నెలకొంటుంది. చదువుకునే వారికి కూడా ఇది చాలా మంచిదని పండితులు తెలిపారు.
ఇక చంద్రగ్రహణం రోజు మంచి ఫలితాలు పొందే రాశుల్లో మరొక రాశి కర్కాటక రాశి. ఈ రాశి వారికి చంద్రగ్రహణం మంచి ఫలితాలను ఇస్తుంది. ఈ సమయం నుంచి వారి పనిలో మంచి ఫలితాలు అందుతాయి. వ్యాపారం, ఉద్యోగాల్లో అభివృద్ధికి అవకాశం ఉంటుంది. అయితే ఈ అవకాశాన్ని సక్రమంగా వినియోగించుకోవాలి. అప్పుడే వృత్తిపరమైన మెరుగుదల ఉంటుంది.
ఇక చంద్రగ్రహణం రోజు మంచి ఫలితాలు పొందే రాశుల్లో మూడొ రాశి కుంభ. ఈ రాశి వారికి ధనం సమకూరుతుంది. వారు..తమ కుటుంబ వనరుల నుంచి డబ్బు పొందుతారు. కుటుంబ సభ్యులతో ఆనందంగా గడుపుతారు. పని ఒత్తిడి తగ్గుతుంది.
వృశ్చిక రాశి వారికి కూడా ఈ చంద్రగ్రహణ సమయంలో మంచి ఫలితాలు ఉంటాయి. ఈ రాశి వారికి ఆరోగ్య పరంగా మంచి ఫలితాలు ఉంటాయి. అయితే ఖర్చులు పెరిగే అవకాశముంది. ఈ సమయంలో తెలివిగా ఖర్చు చేస్తే..చాలా మంచిది. మరింత సమాచారం కోసం కింది వీడియోను వీక్షించండి.
