ఫేక్ బాబా గలీజ్ పనులు.. అందమైన మహిళలే ఇతడి టార్గెట్!

అమాయక ప్రజలను ఆసరాగా చేసుకుని కొంత మంది ఫేక్ బాబాలు దారుణాలకు పాల్పడుతున్నారు. పూజల పేరుతో ఎంతో మంది మహిళలను నమ్మించి అన్ని రకాలుగా ఇబ్బందులకు గురి చేస్తున్నారు. అచ్చం ఇలాగే బరితెగించిన ఓ ఫేక్ బాబా.. నగ్న పూజలంటూ ఓ అందమైన మహిళను టార్గెట్ చేశాడు. ఆ తర్వాత పూజలు చేయాలంటూ ఏకంగా ఆ మహిళ ఇంటికే వెళ్లి గలీజ్ పనులకు తెర లేపాడు. ఆలస్యంగా వెలుగులోకి వచ్చిన ఈ కామాంధుడి కీచక లెక్కలు ఎట్టకేలకు బయటపడింది. అసలేం జరిగిందంటే?

పోలీసుల కథనం ప్రకారం.. తిరుపతి జిల్లా రేణుగుంట మండలం కారకంబడి ప్రాంతం. ఇక్కడే ఓ 35 ఏళ్ల మహిళ నివాసం ఉంటుంది. అయితే ఆమెకు గత కొన్ని రోజుల నుంచి ఆరోగ్యం సరిగ్గా లేకపోవడంతో ఎవరో చేతబడి చేశారని భావించింది. ఈ క్రమంలోనే ఆమె దూరపు బంధువు ఒకతను.. శ్రీకాళహస్తి పట్టణంలోని బహదూర్ పేటలో మసారపు సుబ్బయ్య అనే మాంత్రికుడు ఉన్నాడని, అతడి వద్దకు వెళ్తే బాగు చేస్తాడంటూ తెలిపాడు. అతని మాటల విన్న ఆ మహిళ.. చెప్పినట్లే ఇటీవల మాంత్రికుడు సుబ్బయ్య ఆశ్రమానికి వెళ్లింది. అక్కడికి వెళ్లాక అతడు కొందరు వ్యక్తులు నీపై చేతబడి చేశారని, అందుకే నీ ఆరోగ్యం సరిగ్గా లేదని వివరించాడు. దీనికి పరిష్కారం చూపులంటే రూ.20 వేలు ఇస్తే పూజలు చేసి నీ ఆరోగ్యం బాగు చేస్తానని నమ్మించాడు. దీనికి సరేనన్న ఆ మహిళ.. అతడు చెప్పినట్లే ముందుగా రూ.7500 చెల్లించింది.

ఇక ఇందులో భాగంగానే ఈ నెల 14న మాంత్రికుడు సుబ్బయ్య నేరుగా ఆ మహిళ ఇంటికే వచ్చాడు. ఆ రోజు రాత్రి 10 గంటల సమయంలో ఇంట్లో గుంత తవ్వి, ముగ్గులు గీశాడు. ఆ తర్వాత ఆ ముగ్గులో ఆ మహిళను నగ్నంగా కూర్చోవాలంటూ వేధించాడు. దీనికి ఆ మహిళ ససేమిరా అంది. దీంతో రెచ్చిపోయిన ఆ మాంత్రికుడు ఆ మహిళపై లైంగిక దాడికి ప్రయత్నించాడు. నిరాకరించడంతో ఆమెపై కత్తితో దాడి చేయబోయాడు. దీంత ఆ మహిళ పెద్దగా అరుపులు వేయడంతో స్థానికులు అంతా పరుగు పరుగున వచ్చారు. వారిని గమనించి మాంత్రికుడు సుబ్బయ్య వెంటనే అక్కడి నుంచి కారులో పరారయ్యాడు. అనంతరం బాధితురాలు స్థానిక పోలీసులకు ఫిర్యాదు చేసింది. కేసు నమోదు చేసుకున్న పోలీసులు ఎట్టకేలకు నిందితుడు సబ్బయ్యను తాజాగా అరెస్ట్ చేశారు. ఇటీవల వెలుగు చూసిన ఈ ఘటన స్థానికంగా తీవ్ర కలకలంగా మారింది. అందమైన మహిళలను టార్గెట్ గా చేసుకుని లైంగికంగా వేధిస్తున్న ఇతగాడి దారుణంపై మీ అభిప్రాయలను కామెంట్ రూపంలో తెలియజేయండి.