15 ఏళ్ల బాలికపై అత్యాచారం.. ముఖాన్ని కాల్చి అడవిలో దారుణం!

ప్రభుత్వాలు ఎన్ని కఠినమైన చట్టాలు రూపొందించినప్పటికి బాలికపై అత్యాచార దాడులు మాత్రం ఆగటం లేదు. తాజాగా మహారాష్ట్రలో వెలుగు చూసిన ఇలాంటి ఘటనే రాష్ట్ర వ్యాప్తంగా సంచనలంగా మారింది. ఇక పూర్తి వివరాల్లోకి వెళ్తే.. గోందియా జిల్లాలో ఆమ్​గావ్​ తాలూకాలోని కుంభార్​ టోలా అటవీ ప్రాంతం. ఇదే గ్రామానికి చెందిన కొందరు వ్యక్తులు పూలు కోసేందుకు అడవిలోకి వెళ్లారు. అలా వారు పూలు కొస్తున్న సమయంలో సగానికపైగా కాలిన ముఖం, ఒంటిపై ఎలాంటి దుస్తువులు లేకుండా ఓ  15 ఏళ్ల బాలిక కనిపించటంతో వారు ఒక్కసారిగా షాక్ కు గురయ్యారు.

వెంటనే స్థానిక పోలీసులకు సమచారం అందించారు.  దీంతో హుటాహుటిన ఘటన స్థలానికి చేరుకున్న పోలీసులు అంతా పరిశీలించారు. ఇక ఆ బాలికపై కొందరు గుర్తు తెలియని వ్యక్తులు యాసిడ్ తో కాల్చి అత్యాచారం చేసి ఉంటారని పోలీసులు అనుమానిస్తున్నారు. కేసు నమోదు చేసుకున్న పోలీసులు విచారణ చేపడుతున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది. ఈ ఘటనపై మీ అభిప్రాయాలను కామెంట్ రూపంలో తెలియజేయండి.