follow us:
17 ఏళ్ల వయసు అంటే.. ప్రేమ, ఆకర్షణ అంటూ అమ్మాయిల వెంట తిరిగేరోజులు. లేదంటే స్నేహితులతో కలిసి సినిమా, షికార్లు వేయడం తప్ప మరో ఆలోచన రాదు. మనమంతా అలా చేసిన వాళ్లమే. 'వద్దురా.. నానా భవిష్యత్ గురించి ఆలోచించు..' అని తల్లిదండ్రులు చెప్తే.. 'ఊరుకో నానా.. నాకేమైనా వయసు అయిపోయిందా! జీవితం గురించి ఆలోచించడానికి ఇంకా బోలెడు సమయం ఉంది..' అంటూ తిరిగి వారికే సమాధానమిచ్చిన మేధావులం.. అందుకే మనమిలా ఉండిపోయాం. అదే ఈ యువకుడు మరో దారి ఎంచుకున్నాడు కనుక గొప్పోడు అయిపోయాడు.
17 ఏళ్ల వయసు అంటే.. ఇంటర్ చదువులు అయిపోయి ఇంజనీరింగ్, మెడిసిన్ వంటి పైచదువుల వైపు అడుగులు వేసే రోజులు. అలాంటి రోజుల్లో యువతీయువకులు అందరూ సరదాగా స్నేహితులతో కలిసి సినిమా, షికార్లు వేయడం తప్ప మరో ఆలోచన రాదు. ఇంకొంచెం చెప్పాలంటే ప్రేమ, ఆకర్షణ అంటూ అమ్మాయిల వెంట తిరిగేరోజులు. ఈ కథనం నేను రాస్తున్నాను.. మీరు చదువుతున్నారంటే.. మనమంతా అలా చేసిన వాళ్లమే. ‘వద్దురా.. నానా భవిష్యత్ గురించి ఆలోచించు..’ అని తల్లిదండ్రులు చెప్తే.. ‘ఊరుకో నానా.. నాకేమైనా వయసు అయిపోయిందా! జీవితం గురించి ఆలోచించడానికి ఇంకా బోలెడు సమయం ఉంది..’ అంటూ తిరిగి వారికే సమాధానమిచ్చిన మేధావులం.. అందుకే మనమిలా ఉండిపోయాం. అదే ఈ యువకుడు మరో దారి ఎంచుకున్నాడు కనుక గొప్పోడు అయిపోయాడు.
17 ఏళ్ల వయస్సులో స్టాక్ మార్కెట్ గురుంచి ఆలోచించాడంటే.. గొప్పోడు అవ్వకుండా ఉంటాడా! మీరే చెప్పండి. రూ. 2000 మనకంటపడితే బుర్రున వెళ్లి షాపింగ్ చేస్తాం.. కానీ ఇతగాడు స్టాక్ మార్కెట్ లో పెట్టుబడి పెట్టాడు. ఇతని సక్సెస్ స్టోరీ వింటే ఆశ్చర్యపోవాల్సిందే. పేరు.. సంకర్ష్ చందా. వయస్సు 24 ఏళ్లు. రూ.100 కోట్లకు అధిపతి. దీని వెనుక ఎంత కష్టం ఉందో తెలుసా..? 2016.. హైదరాబాద్ ఏరియా ఇన్స్టిట్యూట్ లో డిప్లొమా పూర్తి చేసి పైచదువుల వైపు అడుగులు వేస్తున్న రోజులవి. అప్పుడే స్టాక్ మార్కెట్ లో పెట్టుబడులు పెట్టాలనే ఆలోచన కలిగి మొదటగా రూ. 2000 ఇన్వెస్ట్ చేశాడు. అలా మొదలైన స్టాక్ మార్కెట్ ప్రస్థానం.. ఒక ఏడాదిలోనే రూ.1.50 లక్షలు పెట్టుబడి పెట్టించింది. ఆ మొత్తం రెండేళ్లు గడిచేసరికి రూ.13 లక్షలకు చేరింది. దీంతో అతడికి స్టాక్ మార్కెట్ పై మరింత ఆసక్తి కలిగింది.
అలా అని సంకర్ష్ చందా ఏనాడూ చదువును నెగ్లెక్ట్ చేయలేదు. 2017లో నోయిడాలోని బెన్నెట్ యూనివర్సిటీలో బీటెక్ కంప్యూటర్ సైన్స్ కోర్సులో జాయిన్ అయ్యాడు. ఏడాది గడించింది. మళ్ళీ స్టాక్ మార్కెట్ ఆలోచనలు అతని బుర్రని తట్టాయి. ఇక లాభం లేదనుకొని చదువుకి స్వస్తి పలికి.. స్టాక్‌లు, బాండ్లు, ఫండ్స్ వంటి వాటిలో పెట్టుబడులకు సహాయం చేసే ఫిన్‌టెక్ బిజినెస్ స్టార్ట్ చేశాడు. అందుకు గానూ తాను స్టాక్ మార్కెట్ లో మొదటగా ఆర్జించిన 8 లక్షల షేర్లను విక్రయించాడు. దీని ద్వారా సంపాదించిన సొమ్మును మళ్ళీ పెట్టుబడి పెట్టాడు. అంతే అక్కడి నుండి అతడి ప్రయాణం ఏనాడూ తలవంచనివ్వలేదు. అనతీ కాలంలోనే భారీ లాభాలను గడించాడు. ఇప్పుడు తన మొత్తం ఆస్తుల విలువ రూ. 100 కోట్లు వరకు ఉంటుందని సంకర్ష్ చందా చెప్తున్నాడు. ఈ మొత్తం తన స్టాక్ మార్కెట్ పెట్టుబడులతో పాటు కంపెనీ వ్యాల్యుయేషన్ మీద ఆధారపడి ఉంటుందని అంటున్నాడు.
The Success Story of Sankarsh Chanda: Who Has a Net worth of ₹100 Crore!
Tap to know everything about Sankarsh Chanda – https://t.co/Y9fuew3hnW pic.twitter.com/moaIP5yOgJ
— finowings (@finowings) May 2, 2023
14 ఏళ్ల వయసులో ‘ఫాదర్ ఆఫ్ వ్యాల్యూ ఇన్వెస్టింగ్’ అని పిలువబడే అమెరికన్ ఆర్థిక వేత్త ‘బెంజిమన్ గ్రాహం’ కథనం చదివిన తర్వాత స్టాక్ మార్కెట్ మీద తనకు ఆసక్తి కలిగిందని, అప్పటి నుంచి తన ఆలోచనలు పూర్తిగా మారిపోయాయని సంకర్ష్ చందా తెలిపాడు. తనకు పుస్తకాలు చదవటం చాలా ఇష్టమని, కానీ తాను ఏనాడూ బుక్స్ కొనలేదని వెల్లడించాడు. అలా కొనుంటే.. ఆ పుస్తకాలను ఉంచడానికి రెండు, మూడు గదులు అవసరమయ్యేవని తెలిపాడు. తనకు చదవాలనిపిస్తే.. పుస్తకాలను ఇతరుల వద్ద నుంచి లేదా లైబ్రరీ నుంచి తీసుకుంటానని చెప్పాడు. ఏదేమైనా స్టాక్ మార్కెట్ అంటే భయపడే ఈ రోజుల్లో.. నిండా పాతికేళ్లు కూడా లేని సంకర్ష్ చందా ఏకంగా వంద కోట్లకంటే ఎక్కువ సంపాదించాడంటే గొప్ప విషయమే. ఇతనిపై.. మీ అభిప్రాయాలను కామెంట్ల రూపంలో తెలియజేయండి.
Meet Sankarsh Chanda – the Hyderabad resident who turned a risky investment into a 100 crore fintech company, Startup Savart #ReciteYou #SankarshChanda #FintechFounder #StartupSavart #Investing #Entrepreneurship #SuccessStory #Motivation #InspirationalStory #Startup pic.twitter.com/ksVNzhIAMo
— Recite You™ (@Recite_You) February 27, 2023
