ప్రభుత్వ బ్యాంక్ కొత్త పథకం.. పిలిచి మరీ డబ్బులిస్తున్న బ్యాంక్..

ధనం మూలం ఇదం జగత్ అన్నారు పెద్దలు. ఈ రోజుల్లో ఏ పని జరగాలన్నా డబ్బుతోనే ముడిపడి ఉంది. డబ్బు సంపాధన కోసం రాత్రింబవళ్లు కష్టపడి కొంత ధనాన్ని కూడబెట్టుకుని వారికి కావాల్సిన అవసరాలను తీర్చుకుంటారు. మిగిలిన సొమ్మును బ్యాంకుల్లో డిపాజిట్ చేసుకుంటారు. బ్యాంకుల్లో దాచుకున్న ఆ డబ్బును అత్యవసర సమయాల్లో వినియోగించుకుంటారు. మరికొంత మంది ఫిక్స్ డ్ డిపాజిట్ రూపంలో డబ్బును బ్యాంకుల్లో డిపాజిట్ చేస్తారు. అయితే అలా చేసుకున్న ఫిక్స్ డ్ డిపాజిట్లను మెచ్యూరిటీ అయిపోయిన పదేళ్ల తర్వాత కూడా క్లైమ్ చేసుకోక పోతే వాటిని అన్ క్లైమ్డ్ డిపాజిట్లుగా బ్యాంకులు పేర్కొంటాయి. అయితే ఈ అన్ క్లైమ్డ్ డిపాజిట్లను ఖాతాదారులకు లేదా నామినీకి అందించేందుకు ఓ కొత్త స్కీమ్ ను తీసుకొచ్చింది పంజాబ్ నేషనల్ బ్యాంక్.

ఫిక్స్ డ్ డిపాజిట్ చేసిన వ్యక్తులు ఆ విషయాన్ని నామినీకి గాని కుటుంబసభ్యులకు తెలపకపోవడంతో దానిని క్లైమ్ చేసుకోకపోవడంతో అన్‌క్లైయిమ్డ్ బ్యాంక్ డిపాజిట్స్‌ గా మారాయి. ఇప్పుడు ఆ డబ్బును తీసుకోవడానికి ఇబ్బందులు లేకుండా ఆర్బీఐ ఏర్పాట్లు చేసింది. బ్యాంకులన్నీ తమ వద్ద ఉన్న అన్‌క్లైయిమ్డ్ బ్యాంక్ డిపాజిట్స్‌ వివరాలను తమ అధికారిక వెబ్ సైట్ లో ఖాతాదారుడి పేరు అడ్రస్‌లని అందుబాటులో ఉంచాలని కోరింది. ఈ క్రమంలో ప్రభుత్వ రంగానికి చెందిన పంజాబ్ నేషనల్ బ్యాంక్ తన తన కస్టమర్లకు శుభవార్త చెప్పింది. అన్ క్లైమ్డ్ డిపాజిట్లను అందించేందుకు 100 డేస్ 100 పేస్ పేరుతో కొత్త పథకాన్ని ప్రారంభించింది. దీనిలో భాగంగా బ్యాంక్ కస్టమర్లకు అన్‌క్లెమ్డ్ డిపాజిట్లను సెటిల్ చేస్తుంది. ఈ పథకం సెప్టెంబర్ 8 వరకు అందుబాటులో ఉంటుంది.

ఆర్‌బీఐ అన్‌క్లెమ్డ్ డిపాజిట్లను ఖాతాదారులకు అందించేందుకు ఏప్రిల్ నెలలో కొత్త వెబ్‌సైట్ తీసకొచ్చిన విషయం తెలిసిందే. పదేళ్లకు పైగా ఎవ్వరూ విత్‌డ్రా చేసుకోని డబ్బుల వివరాలను ఈ పోర్టల్ ద్వారా పొందొచ్చు. బ్యాంక్ కస్టమర్లు వారికి సంబంధించిన డబ్బులను బ్యాంక్ పోర్టల్‌కు వెళ్లి చెక్ చేసుకోవచ్చు. అన్‌క్లెయిమ్ డిపాజిట్లు ఏమైనా ఉన్నాయో లేదో చెక్ చేసుకోవచ్చు. బ్యాంక్ అకౌంట్లను ఓపెన్ చేసిన తర్వాత పదేళ్లకు పైగా డబ్బులు తీసుకోని అకౌంట్లను ఇన్‌ఆపరేటివ్ అకౌంట్‌గా పేర్కొంటారు. ఇలాంటి అకౌంట్ల నుంచి డబ్బులు పొందాలని బ్యాంకులు ఇప్పడు ఖాతాదారులను కోరుతున్నాయి. ఖాతాదారులు లేదా నామినీ లేదా ఆథరైజ్డ్ సిగ్నేటరీస్ ఈ అకౌంట్లలోని డబ్బులను విత్‌డ్రా చేసుకోవచ్చు. అన్‌క్లెయిమ్డ్ డిపాజిట్లలోని డబ్బులు పొందటానికి పంజాబ్ నేషనల్ బ్యాంక్‌కు వెళ్లి దరఖాస్తు పెట్టుకోవాలి. బ్యాంక్ అడిగిన సంబందిత పత్రాలను అందించాలి. వెరిఫికేషన్ అనంతరం ఇన్ఆపరేటివ్ బ్యాంక్ అకౌంట్‌ను యాక్టివ్ చేస్తారు. ఆ తర్వాత లావాదేవీలను కొనసాగించొచ్చు. https://www.pnbindia.in/inoperactive-accounts.aspx ద్వారా మీరు పీఎన్‌బీలోని అన్‌క్లైమ్ డిపాజిట్ల వివరాలు పొందొచ్చు. మీ పేరు, కోడ్ వంటివి ఎంటర్ చేసి మీరు మీ పేరు మీద ఏమైనా అన్‌క్లైమ్ డిపాజిట్లు ఉన్నాయో తెలుసుకుని వాటిని బ్యాంక్ పాలసీ ప్రకారం విత్ డ్రా చేసుకోవచ్చు.