IPL ఫ్రీగా చూపిస్తున్న జియో సినిమాకి ఇకపై డబ్బులు.. ప్లాన్ ధరలివే!

ఐపీఎల్ మ్యాచ్‌ల ప్రత్యక్ష ప్రసారంతో ‘జియో సినిమా‘ యాప్ పాపులారిటీ బాగానే పెరిగిందనే చెప్పాలి. టోర్నీ ప్రారంభమైన ఒక్క మొదటి వారంలోనే దాదాపు 5 కోట్లకు పైగా డౌన్ లోడ్లు అయ్యాయంటే.. ఈ యాప్ ఏ రేంజులో దూసుకెళ్ళిందో అర్థం చేసుకోవాలి. ఈ అవకాశాన్ని ఆయుధంగా మలుచుకొన్న రిలయన్స్ సంస్థ వడ్డన షురూ చేసింది. గతంలో ఈ యాప్‌ను.. అమెజాన్ ప్రైమ్, నెట్‌ఫ్లిక్స్‌, వాల్ట్‌ డిస్నీ వంటి అంతర్జాతీయ స్ట్రీమింగ్‌ స్ట్రీమింగ్‌ ప్లాట్‌ఫామ్‌లతో తీర్చిద్దిద్దుతామని ప్రకటన చేసినప్పటికీ ప్లాన్ ధరలపై ఎలాంటి స్పష్టత ఇవ్వలేదు. కానీ ఇప్పుడు జియో సినిమా ప్లాన్ ధరలివే.. అంటూ ఓ వార్త నెట్టింట చక్కర్లు కొడుతోంది.

మొదట ఉచితంగా అలవాటు చేయడం, ఆ తర్వాత డబ్బులు ఛార్జ్ చేయడం అనేది రిలయన్స్ అధినేత ముఖేష్ అంబానీ బిజినెస్ స్ట్రాటజీ. ఇక్కడా అదే అమలుచేశారు. వర్కౌట్ అయ్యింది కూడాను. ఈ యాప్ లో ఐపీఎల్ ప్రసారాలు ఉచితం కావడంతో రికార్డు స్థాయిలో వ్యూస్ వస్తున్నాయి. అంతేకాదు.. కేవలం జియో సిమ్ ఉన్నవాళ్లకు మాత్రమే కాకుండా అందరికి ఉచితం కావడంతో అందరి మొబైళ్ళలోనూ ఈ యాప్ డౌన్ లోడ్ అయ్యింది. ఈ ఆదరణను కొనసాగించడం కోసం జియో సినిమాను స్ట్రీమింగ్ ప్లాట్ ఫామ్‌గా మార్చేశారు. నిర్వాహకులు. సినిమాలు, టీవీ సిరీస్‌లు వంటి కొత్త కంటెంట్‌ యాడ్‌ చేసి.. సబ్ స్క్రిప్షన్ ధరలు అమలు చేయనున్నారు. అందుకు సంబంధించిన ప్లాన్ ధరలు నెట్టింట చక్కర్లు కొడుతున్నాయి. ప్రస్తుతానికి మూడు ప్లాన్లను ఇందులో లిస్ట్ చేశారు. ఆ వివరాలు..

ప్లాన్ల వివ‌రాలు..

• డైలీ ప్లాన్: రోజుకు రూ.2 చెల్లించి ఒక్క రోజు వ్యాలిడిటీతో రెండు డివైస్‌ల్లో కంటెంట్‌ను స్ట్రీమ్ చేయవచ్చు.

• గోల్డ్ ప్లాన్: రూ.99తో మూడు నెలల వ్యాలిడిటీ ఉంటుంది. డైలీ ప్లాన్ తరహాలోనే రెండు డివైస్‌ల్లో కంటెంట్‌ను స్ట్రీమ్ చేసే అవకాశం ఉంది.

• ప్లాటినమ్ ప్లాన్: రూ.599తో 12 నెలల పాటు దీని వ్యాలిడిటీ ఉండనుంది. ‘యాడ్ ఫ్రీ’ కంటెంట్ తో ఒకేసారి 4డివైస్‌ల్లో స్ట్రీమ్ చేయ‌వ‌చ్చు.

 అయితే ఇవి ఆఫర్ ధరలు అని తెలుస్తోంది. డైలీ ప్లాన్ అసలు ధర రూ.29 కాగా, ఆఫర్ కింద రూ.2కే అందిస్తున్నట్లు పేర్కొన్నారు. అలాగే గోల్డ్ ప్లాన్ అసలు ధర రూ.299 కాగా రూ.99కే అందిస్తున్నారు. ఇక ప్లాటినం ప్లాన్ అసలు ధర రూ.1,199 కాగా రూ.599కే అందిస్తున్నారు. అలాగే ఈ ధరలపై, ఎప్పటినుండి అమలుకానున్నాయో అన్న దానిపై స్పష్టత లేదు. కాగా, ఐపీఎల్ మ్యాచులకు మాత్రం ఎలాంటి ఛార్జీలు వసూలు చేయమని సంస్థ గతంలోనే పేర్కొంది. ఐపీఎల్ మ్యాచులు మే 28వ తేదీతో ముగియనున్నాయి. ఆలోపే ఈ ధరలపై స్పష్టత వచ్చే అవకాశం ఉంది.

The pricing of #JioCinema‘s upcoming Premium subscription plans has been leaked prior to it’s official announcement, revealing a daily plan of ₹2 and a 3-month plan for ₹99. pic.twitter.com/gm9dsPpuI6

— DealzTrendz (@dealztrendz) April 24, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.