follow us:
పారశ్రామికవేత్త ఆనంద్‌ మహీంద్రా గురించి ప్రత్యేక పరిచయం అక్కర్లేదు. వేల కోట్ల వ్యాపార సామ్రాజ్యానికి అధినేత.. నిత్యం ఊపిరిసలపని పనులతో బిజీగా ఉంటారు. అయితే తన వ్యాపార కార్యకలాపాలతో ఎంత బిజీగా ఉంటారో.. సోషల్‌ మీడియాలో కూడా అంతే యాక్టీవ్‌గా ఉంటారు. స్ఫూర్తిదాయక కథనాలు, వ్యక్తుల గురించి పోస్ట్‌ చేస్తూ ఉంటారు. ఇక ప్రతిభ ఉండి.. ఆదరణకు నోచుకోనివారికి తన వంతు సాయం చేస్తారు. ఇక సోషల్‌ మీడియాలో ఆయనకు ఫాలోయింగ్‌ మామూలుగా ఉండదు. స్టార్‌ హీరోలతో పోటీ పడుతుంటారు. ఆయన చేసే ట్వీట్స్‌ కోసం నెటిజనులు ఆత్రుతగా ఎదురు చూస్తుంటారు. ఇక ఆయన కూడా స్ఫూర్తివంతమైన కథనాలతో పాటు.. సమకాలీన అంశాలపై స్పందిస్తూ ఉంటారు. తాజాగా ఆనంద్‌ మహీంద్రా చేసిన ట్వీట్‌ తెగ వైరలవుతోంది. ఆ వివరాలు..
ఇక ఆనంద్‌ మహీంద్రా తాజాగా చేసిన ట్వీట్‌లో ఓ వీడియోని షేర్‌ చేశారు. దీనిలో కోడిపుంజు.. కోక్కోరోకో అంటూ అరవడం ప్రారంభిస్తుంది. అలా అరుస్తూనే వెనక్కి పడిపోతుంది. చూసిన వారందరు ఒక్క నిమిషం పాటు.. అది చనిపోయిందిని భావిస్తారు. కానీ వెంటనే ఆ కోడిపుంజు లేచి అక్కడ నుంచి వెళ్లిపోతుంది. ఈ వీడియోని షేర్‌ చేస్తూ.. ‘‘నా సిగ్నల్‌వండర్‌బాక్స్‌ లో ఉన్న ఈ కథలోని నీతిని గుర్తించడనానికి ప్రయత్నిస్తున్నాను. ఈ కోడిపుంజు కథ నుంచి నేర్చుకోవాల్సిన ఉత్తమ పాఠాన్ని పదుగురికి తెలియజేయడం చాలా ఆసక్తికరంగా ఉంటుందని భావించి.. దీన్ని ఇక్కడ షేర్‌ చేస్తున్నారు. ఈ వీడియో చూసి మీ క్యాప్షన్‌ తెలియజేయండి’’ అంటూ ఆనంద్‌ మహీంద్రా ట్వీట్‌ చేశారు.
In my #SignalWonderbox. I was trying to figure out the moral of this story. 😊 I then thought it would be far more interesting to crowdsource the best lesson to learn from this rooster’s tale. Your inputs please… pic.twitter.com/u1uSx0Doxp
— anand mahindra (@anandmahindra) June 8, 2022
ఇది కూడా చదవండి: Anand Mahindra: జూబ్లీహిల్స్‌ బాలిక అత్యాచారం ఘటనపై స్పందించిన ఆనంద్‌ మహీంద్రా.. ఆ యువకులను!
ఈ వీడియో చూసిన నెటిజనులు.. ‘‘మీ కంపెనీ నుంచి రాబోయే కొత్త కారుకు సంబంధించిన హింటా సార్‌’’.. ‘‘ఎక్కువగా అరిస్తే.. ఇలానే ఆయాసమొస్తుంది’’.. ‘‘రాజకీయ పార్టీల ప్రధానకార్యదర్శి మైకు చూడగానే ఇలానే మారిపోతారు’’.. ‘‘ప్రాణాయామం చేస్తుందేమో..’’.. ‘‘ఉద్యోగులను వర్క్‌ ఫ్రం హోమ్‌ మాని.. ఆఫీసులకు రండని పిలిస్తే.. పరిస్థితి ఇలానే ఉంటుంది’’ అంటూ రకరకాలు క్యాప్షన్స్‌ సూచిస్తున్నారు.. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: Anand Mahindra: సర్కారు వారి పాట సినిమాపై ఆనంద్‌ మహీంద్రా ఆసక్తికర ట్వీట్‌!
