follow us:
బిగ్‌ బాస్‌ తెలుగు సీజన్‌ 6.. రాను రాను ట్విస్టులు మామూలుగా ఉండటం లేదు. ప్రారంభంతో పోలిస్తే కాస్త ఊపందుకుందనే చెప్పాలి. బిగ్‌ బాస్‌ 6 13 వారాలు పూర్తి చేసుకుంది. ఇప్పుడు హౌస్‌లో ఏడుగురు సభ్యలు ఉన్నారు. తాజాగా హౌస్‌ నుంచి జబర్దస్త్‌ ఫైమా ఎలిమినేట్ అయ్యి బయటకి వచ్చిన విషయం తెలిసిందే. వెళ్లే ముందు స్టేజ్‌ మీద కూడా ఫైమా ఫన్‌ క్రియేట్‌ చేసే వెళ్లింది. ఫైమా చేతి మీద ముద్దు పెడితే నచ్చదని రేవంత్‌ చెప్పడంతో నాగార్జున ఆమె చేతిని లాక్కుని మరీ ముద్దు పెట్టాడు. ఆ తర్వాత ఆమె సిగ్గుతో ఉక్కిరిబిక్కిరి అయిపోయింది. హౌస్‌లో ఉన్న వారిలో ఫన్‌- ఫ్రస్ట్రేషన్‌ చెప్పాలంటూ టాస్క్‌ ఇచ్చారు. అందులో రేవంత్‌ మినహా మిగిలిన ఆరుగురిని ఫన్‌లో పెట్టింది. రేవంత్‌ని మాత్రం ఫ్రస్ట్రేషన్‌లో పెట్టింది. అయితే టాస్కుల్లో మాత్రమే రేవంత్‌ అలా ఉంటాడని చెప్పుకొచ్చింది.
ఫైమా ఫైనలిస్టుగా ఉంటానని చెప్పి హౌస్‌లోకి వెళ్లింది. ఎంటర్‌టైనర్‌గా హౌస్‌లో వారిని, ప్రేక్షకులను నవ్విస్తానంటూ మాటిచ్చింది. ఇచ్చిన మాటను బాగానే కాపాడుకుంది. కానీ, టాప్‌-5లో మాత్రం నిలవలేకపోయింది. ప్రేక్షకులు కూడా టాప్‌-5లో ఫైమా ఉంటుంది అనుకున్నారు. కానీ, అనూహ్యంగా పరిస్థితి మారిపోయింది. నెత్తిన పెట్టుకున్న ప్రేక్షకులే బయటకు పంపేశారు. అయితే ఫైమా ఎలిమినేట్ కావడానికి కారణాలు కూడా ఉన్నాయి. మొదటిగా.. నిజానికి ఫైమా ఈ వారం కాదు.. పోయిన వారమే ఎలిమినేట్ అయ్యింది. కాకపోతే ఎవిక్షన్‌ ఫ్రీపాస్‌తో బయటపడింది. కాబట్టి ప్రేక్షకుల దృష్టిలో ఆమె ఇప్పటికే ఎలిమినేట్ అయ్యింది. కాబట్టే ఈ వారం కూడా ఓట్లు వేయలేదు. ఎలిమినేట్ చేసి పంపేశారు.
తర్వాత ఫైమా ప్రవర్తన.. అవును ఫైమా ప్రవర్తన ఎంతగానో మారిపోయింది. రాను రాను ఆమె అందరినీ శత్రువులుగా చూడటం మొదలు పెట్టింది. ఇంట్లో ఉన్న అందరితో కోపంగా ఉండటం స్టార్ట్‌ చేసింది. అది కూడా చాలా మందికి నచ్చలేదు. అలాగే వెటకారం.. ఫైమా వచ్చిన కొత్తలో ఎవరన్నా ఏమైనా అంటే ఫన్నీగా తీసుకునేది కానీ, తర్వాత బాగా వెటకారం చేయడం ప్రారంభించింది. నిజానికి వాళ్లు కావాలనే అలా చేసుండచ్చు. కానీ, ఆమె అలా రియాక్ట్ అవ్వడం వల్ల ప్రేక్షకుల వద్ద బ్యాడ్‌ అయ్యింది. ఫైమా బయటకు రావడానికి వెటకారం కూడా ఒక కారణంగా చెప్పొచ్చు. ఆ వెటకారం డోస్‌ కూడా బాగా ఎక్కువైంది. పరిస్థితి, సందర్భం లేకుండా ఆమె అన్న మాటలు బ్యాక్‌ ఫైర్‌ అయ్యాయి.
View this post on Instagram
మాట మార్చడం.. ఫైమా ఆఖర్లో కొన్ని విషయాల్లో మాట మారుస్తూ వచ్చింది. ఒక విషయాన్ని తప్పుబట్టిన ఫైమా.. అదే పనిని తాను చేసి సమర్థించుకున్న సందర్భాలు ఉన్నాయి. ఏదైనా మార్చుకోమని చెబితే నేను మారను అని చెప్పే ఫైమా.. ఎవరైనా పద్ధతి మార్చుకుంటే ప్రశంసించింది. అలా తన మాటని తానే కాన్ఫిల్కిట్‌ చేసుకున్న సందర్భాలు ఉన్నాయి. ఇనయాతో శత్రుత్వం.. ఫైమా మొదటి నుంచి ఫ్రెండ్‌గా ఉన్న ఇనయాతో శత్రువుగా మారడం, ముందు నుంచి పడరు అనుకున్న వారిని ఫ్రెండ్స్ చేసుకోవడం కాస్త రివర్స్‌ అయ్యింది. అయితే ఇనయా విషయంలో ఫైమా తప్పులేదనే చెప్పాలి. ఆమెతో కలిసేందుకు చాలానే ట్రై చేసింది. కానీ ఇనయా సైడ్‌ నుంచి అంత రెస్పాన్స్‌ లేకపోవడంతో గొడవలు జరిగాయి.
View this post on Instagram
