follow us:
‘బిగ్ బాస్ 5 తెలుగు’ హౌస్ లో గతవారం రవి ఎలిమినేషన్ మర్చిపోక ముందే.. ఇంకొకరు ఎలిమినేట్ అయ్యే సమయం కూడా ఆసన్నమైంది. ఈ వారం ఎవరు ఎలిమినేట్ అవుతారో ఎవ్వరూ ఊహించే పరిస్థితి కనిపించడం లేదు. ఎందుకంటే గతవారం రవి ఎలిమినేట్ కావడంతో అసలు ఎలిమినేషన్ ఓటింగ్‌ ప్రకారమే జరుగుతోందా? అనే ప్రశ్నలు మళ్లీ మొదలయ్యాయి. ఇప్పుడు ఏం జరుగుతుందో అనే ఆసక్తి నెలకొంది. ఈవారం మాత్రం డేంజర్‌ జోన్‌ లో కాజల్‌, ప్రియాంక సింగ్‌ ఉంటారనడంలో సందేహం లేదు. సింగర్‌ శ్రీరామ్‌ ఫస్ట్‌ ఫైనలిస్ట్‌ అయ్యి సేవ్‌ అయిపోయాడు. ఇప్పుడు ఇంకా నలుగురు నామినేషన్స్‌ లోనే ఉన్నారు.
View this post on Instagram
ప్రియాంక సింగ్‌ నే ఎలిమినేట్ అవుతుంది అని బయట టాక్‌. ఎందుకంటే ఫ్యాన్‌ బేస్‌ పరంగా చూసుకుంటే ప్రియాంక సింగ్‌ చివరి స్థానంలో ఉంటుందనేది అందరికీ తెలిసిన విషయమే. మరోవైపు కాజల్‌ కూడా డేంజర్‌ జోన్‌ లో ఉంది. బయట వచ్చే అనధికారిక ఓటింగ్స్‌ లోనూ ప్రియాంక సింగ్‌ కు తక్కువ ఓట్లు వస్తున్నాయి. గత వారమే ఎలిమినేట్ అవుతుందనుకున్న ప్రియాంక ఇక్కడి దాకా వచ్చింది. ఈసారి మాత్రం డౌట్‌ లేదంటూ చెబుతున్నారు. అయితే గతవారం రవి ఎలిమినేషన్ నుంచి వచ్చిన విమర్శలను తప్పించుకోవాలంటే ఈసారి కచ్చితంగా బయట వస్తున్న టాక్‌ ప్రకారమే ఎలిమినేట్ చేయాల్సి ఉంటుంది. ఆల్రెడీ గతవారమమే పింకీ మెంటల్‌ గా ఫిక్స్‌ అయ్యింది కాబట్టి.. ఈసారి ప్రియాంకను ఎలిమినేట్ చేస్తారనే తెలుస్తోంది.
View this post on Instagram
ఈ మధ్య బిగ్ బాస్ లో ప్రేక్షకులు ఊహించి తప్ప అన్నీ జరుగుతున్నాయి. అలా ఏమైనా ట్రై చేయాలని బిగ్ బాస్ భావిస్తే కాజల్‌ ఎలిమినేట్ కావచ్చు. లేదు.. ఇంకా ట్విస్ట్‌ ఇద్దామని ఆలోచిస్తే మాత్రం సిరి ఔట్ అయి పోతుంది. అయితే ఈసారి మళ్లీ ఆ రిస్క్‌ తీసుకోడని అందరూ భావిస్తున్నారు. ఈ వారం ప్రియాంక సింగ్‌ ఎలిమినేట్ అవుతుందని మీరు భావిస్తున్నారా? మీ అభిప్రాయాలను కామెంట్‌ చేయండి.
