అమ్మ బర్త్ డే గిఫ్ట్.. కొడుకు రియాక్షన్ వైరల్

ప్రపంచం అంతా నీలో తప్పులను, లోపాలను ఎత్తి చూపినా సరే.. అమ్మ మాత్రం తన బిడ్డని మహారాజులానే చూస్తుంది. కాబట్టి.. అమ్మ మాత్రమే ఎలాంటి స్థితిలో అయినా మనలని ఆనందంగా ఉంచగలదు. సరిగ్గా.. ఈ విషయం మరోసారి రుజువైంది. మానసికంగా ఇబ్బంది పడుతున్న తన బిడ్డ పుట్టినరోజు వేడుకలను ఘనంగా నిర్వహించింది ఓ తల్లి. అతను వయసులో పెద్ద వాడైనా ఆటిజంతో ఇబ్బంది పడుతూ.. ఇంకా చిన్న పిల్లాడిలానే వ్యవహరిస్తున్నాడు. దీంతో.., ఇల్లంతా డెకరేషన్ తో, బెలూన్స్ తో నింపేసింది ఆ తల్లి. తన పుట్టినరోజు ఇంత గ్రాండ్ గా జరుగుతుండటంతో అతని ఆనందానికి హద్దే లేకుండా పోయింది.

అయితే.. ఈ సందర్భంగా తన కొడుక్కి ఓ “రియల్ మీ” స్మార్ట్ ఫోన్ ని గిఫ్ట్ గా అందించింది ఆ తల్లి. అప్పటి వరకు తన చుట్టూ పక్కల వాళ్ళు ఫోన్స్ వాడటం తప్ప.., అతనికి అంటూ సొంత ఫోన్ లేదు. కానీ.., ఆమె ఒక్కసారిగా స్మార్ట్ ఫోన్ తన చేతిలో పెట్టే సరికి.., ఆ కొడుక్కి పట్టరాని ఆనందం వచ్చేసింది. తన్నుకొస్తున్న భావోద్వేగాన్ని ఆపుకుంటూ అతడు ఈ వీడియోలో చాలా మ్యూచ్యుర్డ్ గా కనిపించాడు. ఈ వీడియో చూసిన ప్రతి ఒక్కరు.. అతను ఆనందపడ్డ విధానానికి ముగ్ధులు అయిపోతున్నారు. దీంతో.. ప్రస్తుతం ఈ వీడియో సోషల్ మీడియాలో వైరల్ గా మారింది. ఇలా.. చివరికి ఈ వీడియో “రియల్ మీ” సీఈఓ వద్దకి చేరడంతో ఆయన కూడా స్పందించాడు.

మా రియల్‌ మీ టెక్నాలజీ.. ప్రజల్లో ఇలా ఆనందాన్ని నింపుతున్నందుకు సంతోషంగా ఉంది. ఆ కుర్రాడికి మా సంస్థ నుంచి రియల్‌ మీ ప్యాడ్‌ బాహుబతిగా అందిస్తాము. హ్యాపీ బర్త్‌డే.. అంటూ సంస్థ సీఈఓ మాధవ్ శేత్.. ట్వీట్ చేశాడు. ప్రస్తుతం.. ఈ ట్వీట్ కూడా సోషల్ మీడియాలో వైరల్ అవుతోంది. మరి.. సంస్థ సీఈఓ నే కదిలించిన ఈ అమ్మ ప్రేమపై మీ అభిప్రాయాలను కామెంట్స్ రూపంలో తెలియ చేయండి.

Glad to see realme technology empowering people and bringing joy to them.

I would like to gift this beloved kid our upcoming product to make his birthday more special. Hope #realmePad helps him with online education and have fun from all the Entertainment. Happy birthday! https://t.co/B3Et5hR3mJ

— Madhav Sheth (@MadhavSheth1) September 8, 2021