హైదరాబాద్​లో కలకలం.. రైల్వే స్టేషన్​కు బాంబు బెదిరింపు!

బాంబు బెదిరింపు కాల్స్ ఈమధ్య ఎక్కువయ్యాయి. పర్యాటక కేంద్రాలు, రద్దీగా ఉండే ప్రాంతాలకు బెదిరింపు కాల్స్ బాగా వస్తున్నాయి. వీటి వల్ల అధికారులు, పోలీసుల విలువైన సమయం వృథా అవుతోంది. ప్రజలూ ఇబ్బంది పడుతున్నారు. ఇలాంటి ఘటనే తాజాగా హైదరాబాద్​లో జరిగింది. సికింద్రాబాద్​లో బుధవారం రాత్రి కలకలం రేగింది. సికింద్రాబాద్ రైల్వేస్టేషన్ నుంచి వెళ్లాల్సిన బళ్లారి ఎక్స్​ప్రెస్​లో బాంబు ఉందని ఫోన్ కాల్ రావడంతో అందరూ పరుగులు తీశారు. రైల్వే అధికారులు, సిబ్బంది పోలీసు స్టేషన్​కు పరుగులు పెట్టారు. బాంబు స్క్వాడ్ వచ్చి స్టేషన్ పరిసరాల్లో రెండు గంటలపాటు పరిశీలించారు. బళ్లారి ఎక్స్​ప్రెస్​లోనూ తనిఖీలు చేశారు. అయితే రైళ్లో ఎలాంటి బాంబు లేకపోవడంతో ఊపరి పీల్చుకున్నారు.

సికింద్రాబాద్ – బళ్లారి స్పెషల్ ట్రెయిన్ (07336) బుధవారం రాత్రి 10.20 గంటలకు సికింద్రాబాద్ స్టేషన్ నుంచి బయలుదేరాల్సి ఉంది. అయితే సంగారెడ్డి జిల్లా, దేవరంపల్లికి చెందిన ఆటో డ్రైవర్ బాలరాజు.. ఆ రైలులో బాంబు ఉందని ఎవరో ముగ్గురు వ్యక్తులు మాట్లాడుకుంటుండగా విన్నాడు. కంగారుపడ్డ బాలరాజు పోలీసులకు కాల్ చేసి సమాచారం అందించాడు. ఈ విషయాన్ని పోలీసులు.. రైల్వే అధికారులు, సిబ్బందికి చెప్పడంతో అందరూ అప్రమత్తమయ్యారు. డాగ్ స్క్వాడ్, బాంబు స్క్వాడ్ టీమ్స్ రైల్వే స్టేషన్‌కు చేరుకుని తనిఖీలు చేశారు. చివరికి బాంబు లేదని తేలడంతో అందరూ ఊపిరి పీల్చుకున్నారు. బాలరాజు అనే వ్యక్తి తమకు ఫోన్ చేశాడని.. అతడ్ని విచారిస్తామని పోలీసులు చెప్పారు.

Telangana | A person was arrested after Secunderabad Railway police yesterday received a bomb threat call that a bomb had been planted on Bellary Express. The train was thoroughly searched& it turned out to be a hoax call. A case has been registered: Anuradha, SP Secunderabad GRP pic.twitter.com/pRGbbfh19K

— ANI (@ANI) February 23, 2023