మారిన వాతావరణం.. హైదరాబాద్‌లో భారీ వర్షం!

గత కొన్నిరోజులుగా తెలంగాణలో ఎండలు మండిపోతున్నాయి. భానుడి భ‌గ‌భ‌గ‌ల‌కు ప్ర‌జ‌లు విల‌విల‌లాడిపోతున్నారు. ఉదయం 9 గంట నుంచి సాయంత్రం 6 దాటిన తర్వాత కూడా ఎండ మండిపోతుంది. ఉక్కపోతతో ప్రజలు ఉక్కిరి బిక్కిరి అవుతున్నారు. మిట్ట మ‌ధ్యాహ్నం బ‌య‌ట‌కు రావాలంటేనే ప్రజలు జంకుతున్నారు. ఈ నెల మృగశిర కార్తె వచ్చి రెండు వారాలైనా ఎండ ఏమాత్రం తగ్గడం లేదు. తాజాగా హైదరాబాద్ లో ఒక్కసారిగా వాతావరణం మారిపోయింది. సాయంత్రం వరకు ఎండతాకిడి ఉన్నా.. ఒక్కసారిగా నగరంలో పలు చోట్ల భారీ వర్షం కురిసింది.

హైదరాబాద్ లో ఈరోజు వరకు ఎండలు మండిపోయాయి.. సాయంత్రం ఒక్కసారిగా వాతావరణంలో మార్పులు వచ్చాయి. మొత్తానికి హైదరాబాద్ సిటీలో నైరుతి రుతుపవనాల ప్రభావం మొదలైనట్టు కనిపిస్తుంది. నిన్న రాయలసీమను తాకిన రుతుపవనాలు నేడు సాయంత్రం వరకు హైదరాబాద్ సిటీని తాకాయి. బుధవారం సాయంత్రం నగరంలోని బంజారాహిల్స్, తార్నాక, లాలాపేట్, అంబర్ పేట్, ఓయూ, జూబ్లీ హిల్స్, ఉప్పల్, దిల్‌సుఖ్‌నగర్, పంజాగుట్ట, సైదాబాద్, కాప్రా, మల్కాజిగిరి, హైటెక్ సిటీ, కొండాపూర్ పరిసర ప్రాంతాల్లో జోరుగా వర్షం కురిసింది.

నిన్నటి వరకు ఎండవేడిమి, ఉక్కపోతతో అల్లాడిపోయిన నగరవాసులు వాతావరణం చల్లబడటంతో కాస్త ఉపశమనం పొందుతున్నారు. మరోవైపు అకస్మాత్తుగా కురుస్తున్న వర్షం వల్ల ఆఫీస్ నుంచి ఇంటికి బయలుదేరుతున్న ఉద్యోగులు, ప్రయాణికులు తీవ్ర ఇబ్బందులు పడ్డారు. పలు చోట్ల లోతట్టు ప్రాంతాలన్ని జలమయం అయ్యాయి. భారీగా కురుస్తున్న వర్షం వల్ల పలు ప్రాంతాల్లో ట్రాఫిక్ జామ్ అయ్యింది. వర్షం పడి వాతావరణం అహ్లాదంగా మారడంతో జనం సంతోషంగ ఎంజాయ్ చేస్తున్నారు.

#21JUNE 5:50PM⚠️

First Monsoon Rains in #Hyderabad 🌧️#Kapra,#Malkajgiri surroundings will see Moderate -Heavy rain spell for next 20mins

Other parts of City need to wait some more time.#Hyderabadrains pic.twitter.com/3a1qNfl83E

— Hyderabad Rains (@Hyderabadrains) June 21, 2023